¹ Gelenga akpolo mu mi za wum na bandi ni na ndagba oni mi bandi wa ko a duka bati yongo kulugba we klisto. ² oni banda a bosi nga sa ngbaka sa Zegi, ka banda nga se ti kpesa nginza ka. oni banda se wa ko kili yini. ³ Oni gele ba yuga toni ya oni na gbenge ku, na ni mu Zegi hu ako mu na bosi, kasi oni du wa ngasa ngbaka sa Zegi awu oni banda ko mu. ⁴ A logbo mu gbenge sa sungu Zegi zaka, oni za zala gundo. ⁵ Kpati wa mu yo oni na malo oni du na iyi yongo kasa bandi ni. ⁶ Oni du na iyi yongo ti kutu Zegi tipoyi o gusu ona logbo sa ko. ⁷ oni ma yongo so nzu na ali ko tipoyi ko kili zabi ayongo so nzu. ⁸ Oni du ni keba, oni banda! kele ni me na zabulu za nguluka na zinga wa ngbangulu na gela aba ona li da. ⁹ Oni kbitoni wa mbe boyambi sigi. Oni ge gini du ya agumi oni kpataka ti Zegi no? Nzu na dinga wa oni. ¹⁰ Zegi su bagau ngalasia nzu oya oni na ti molose ya oni nyeli gunda sako we kindi. Na klisto gini kili tina nyasa nzinga na dinga oni za gina wa meama, okili na leka yongo nzu na fuka no ni, na lugu sa oni, oni ngbitoni ni ngulu. ¹¹ Kosu du ni ngulu ti ule nzu. ti su yo amen. ¹² Mike mbiti no ni na ti be Silvano, kosu du ni bita gumi, mike no ni tipoyi ba fuka no ni ya galasia oni nyeli mu tini bita we Zegi, oni ngbito ni ti ngalasia ni. ¹³ Akula agumi du na babilone awe sinyakatoni Zegi loko ako wa oloko oni. Marko bosie sianyakatoni. ¹⁴ Oni na ndagba toni, oni sianyakatoni nzu na klisto gini kili.