1 Gumie ga ma nga hein kili ka n'ali boyambi sa molimo, ndege to ti a molimo mu tipoyi ba yina sanga ako na Zegi,tipoyi a gbegbeleke a babi yongo Zegi na masuma ako da sigi zegino. ² Ani ini ya molimo Zegi su, ni nzu na zala duko na yita gbegbeleke yongo sako na hum du ko ni bosi Zegi bo kpoto kusa ga mu, ko su du mu ni Zegi. ³ Na molimo mudumu nzu naka ba yita gbagbeleke yongo sa ko ba hum se ni bosi Zegi, Zegi na ako ku, abaka yongo bosu Zegi ani gini pandi ako ga mu, na ako wa meama na ndagba zegino. ⁴ Oni atita, oni su du we Zegi, na oni nyeli, tipoyi ni mu du mu na ndagb'oni, oni yagba ngulu ku mudumu zegino, a na yina ako mu. ⁵ Ako, awe mokilisu, tipoyi se su na paya yongo mokili, na ambe mokili na gima ako. ⁶ ani ni we Zegi, ni mu ini Zegi na gin'ani, kasi ni mu dumu du mu ni we Zegi du ge pe ba gin'ani du. ⁷ Agumie, ani,na ndagba tani, tipoyi gumi ni we Zegi, nzu yi ni Zegi. ⁸ ni mu du ni gumi ku ge yi ni Zegi du, tipoyi Zegi ni guni. ⁹ Gumi Zegi o yugu mu ka sani on timi bosi kili, tipoyi ani gu tipoyi ko. ¹⁰ Na gumi mu ti yi bapa ya ni Zegi du, kasi tifuka ya wa a Zegi yi mu nani, ona timi tingili bosi ko okpi ti poyi gbegbeleke yongo sani. ¹¹ Gumie, Zegi yi nani sigi, ani hi ani hi na kula a bani. ¹² Ni kili ge pe ba paya du ya obi Zegi, ani yi tani Zegi na ga ba sunga na ndagb'ani, na gumi sa ko ti gini se na ndagba ani. ¹³ Ani yina ya ani sunga na ndagba sani tipoyi molimo sa ko otini mu nani. ¹⁴ Na ani bi na ani ka ya buba tini bosi ko wa ba gusa Zegino. ¹⁵ Ni mu ita gbegbeleke yongo sako hum du ko ni bosi Zegi, Zegi na sunga na ndagba ko, na ko na sunga ba ndagba Zegi. ¹⁶ Na ani ini guni mu a Zegi du te tipoyi ani, ani Yambi. Zegi du te tipoyi ana,ani yambi. Zegi, na ni mu sunga na ndagba gumi sa Zegi, Zegi pe hin ba sunga na ndagba ko. ¹⁷ Odu wa ako, ani hin n'ambe zegi no. Tina mu su a gumi du mu ti li gini ti poyi oni, ti suka se on band'ani ti ule de de ngbanga. ¹⁸ Gunde na ndagba gumi zoo ku, kasi tingili gumi na aga gunde, tipo yi gunde na gbelenka yongo, ko na gunde ti li gi ni gumi ku. ¹⁹ Tipoyi ani, ani za yi ko, tipoyi ko su yi n'ani mbita. ²⁰ Ni mu na fuka ya ko su yini Zegi, na ona zinda kula bako, oni mbe zele. tipoyi ni mu na zinda kula bako mu, logbo da ona yina Zegi ani ge biko mu du? ²¹ Na ani yini kido sako: Nimu na yi Zegi ope ba yi ni kula bako.