¹ Oni bi ini, gumi buba kana tipoyi ba ya ani a bosi Zegi. A ni su. Sanga mokili yini nga ko ku, ti du ako yini ko ku. ² Gumi ani, ani du wa meama abosi Zegi na mu ani du ani ge inise du, logbo mu ani na bi wa ani du, ani du wa ko, tipo yi ani na biko wa ko du. ³ Ni mu na ma elikia sako, ni mu da peto wako kili ni peto. ⁴ Ni mu na ka na gbegbeleke yongo, oza gbelesa kido. ⁵ Nzoka nde oni yini Yezu ga ti po yi na kusa gbegbeleke yongo, yongo mu na kpoto ko ku. ⁶ Nimu na nye na ko, ona gbegbeleke yongo ku, ni mu ka na gbegbeleke yo ngo, oge ini ko ku. ⁷ A tite, ni kili ti nga sanga ku, ni mu na kana bita yongo, ni bita ni wako kili ni bita ni. ⁸ Ni mu ka na gbegbeleke yongo zabulu tiko. tipo yi mbita zabula ka na gbegbeleke yongo. bosi zegi ga tipoyi ba gbelensa sungu zabolo. ⁹ Nimu Zegi vungu ko, ka na nga gbegbeleke yongo ku. tipo yi sungu zegi ti ko. O pe ba kana nga gbegbeleke yongo ku. Tipoyi Zegi su vungu ko. ¹⁰ Tisu ani yini a bosi Zegi, na a bosi zabulu. Ni mu ka na nga bita yongo ku, oni we Zegi ku. Wa ni mu na zinda gumi ko. ¹¹ Tipoyi mu ani gini bita, ti du ani ini t'ani. ¹² O ni loko nga ( kayina) ku. Tipoyi o imi gumi ko inda kana ko imi gumi ko? Tipo yi sa nga kayina duni gbegbeleke, wa gumi ko, du ni bita ni. ¹³ Ni ni nyikpa ka ni yongo, kumba, singa Zegi tiko ani yini ni ngbangba que ani ngulu ko ni kulugba, tipoyi ani yina gume ani. ni mu gei du niyini ngbodu ona da nikulugba. ¹⁴ Kili ku na zinda gumi ko oni mbe i inyiani, ini ni ngbangba sanga ambe ni inyani akoge na bi zegi. ¹⁵ Ani ini gumi, ni bosi nza pai imiti ko ti po ani, ani hu bomoyi sani tipoyi agumi ani. ¹⁶ Sanga ni kili zeli ni zu Zegi no. Nabi gumi ko na dinga ona kisa vumi ko tipoyi gumi sa Zegi, gumi Zegi naye na ndangba ko. ¹⁷ A tita, ani iko na kpolo sako na fugado sako, na sungu sako no tini bita. ¹⁸ Na basa mu ani ike ani nzu ni bita yongo, ani yini ko du ani ni ngbangba. ¹⁹ Zo, ani na ina na due ani k'ani na bita yongo ²⁰ Ti poyi du ani na kis'ani Zegi ni ki kinigi nali du ani poyi ni yongo nzu. ²¹ Gumi ani, tipoyi duani nakisi ani ku, ani nzandi nangbaya yongo mbiti zegi. ²² Sanga ani nsiani zengi tipoyi, ani zeli na ani banda gido sako ani zaka sako ni ngbabga. ²³ Wa meama kido sako, ani za fuka bosi zegi, ani nzu iko kido mudumo on'ani. ²⁴ Nimo na banda kido sako na ta ndangba zegi, na ndangba ko ani ini ko, ani za ta na ndangba Elilimbi sako on hu n'ani.