¹ Atita aniza ke yongo tipo yi oni yita bakana gbegbeleke yongo. Mikili na kana gbegbeleke yongo onizu bi zegi Klisto tita. ² koni teko kpi ti poyi gbegbeleke, leke yongo sani. Ani kili ku sanga ani nzu. ³ Sanga ani banda kido sako ani na bi, ani hini ya oni ini ko. ⁴ Kosu fuka, ani nako nimu ka kido sako oni mbe zele nitimbili. ⁵ Sanga ni mu banda kpolo sako, oka gumi zegi oni mbe ngbaya yongo na ndagba kpolo ko, oni fuka ani za dingitani na ko. ⁶ Nimu na ta na ndagba sako oni mbe zegi. ⁷ Gumi ani, anga yongo nvogo kido mike a bandi kido oni zele semu tipoyi yongo modumu ani fuka tipoyi Zegi. ⁸ Ka ani kana nvogo kido ani ke mu ni ngbangba na ndagba ko, na oni, sanga bibili la za nowen, na ule tini bita za ga. ⁹ Nimu na fuka ya ona imala, ona zindi gumi ko, ona du ndagba mbili. ¹⁰ Ni mu na yi kula bako ona sunga na imala gbegbeleke yongo ge pe bakana ko du. ¹¹ kasi nimu na zinda bako, ona mbili, ona ta na ndagba mbili, na oge yini du aba ona noka di, tipoyi mbili mu na yima bongili ko. ¹² Miza kenoni atita tipoyi gbegbeleke yongo soni egi tipoyi luma ko. ¹³ Ani za kenoni a buba, tipoyi oni yini mbita yongo, aniza kenoni a vogon ani ti poyi oni kulu ni ndata. ani kenoni , atite, tipoyi oni ini buba. ¹⁴ Aniza ke noni a buba, tipoyi oni yini ni mu, du mbita yongo, ani za kenoni a vogon ani tipoyi oni ngulu ni kpolo Zegi. Ti sungu mu na ndagba oni, na oni su longi gbegbeleke ani. ¹⁵ Ga ba nga duo ti a hein mokili ku. Singa mo yini hein mokili, gumi we buba ti to ku. ¹⁶ Ama yongo nzu na mokili tini we buba ku. ¹⁷ Mokili za nguluka na yongo se nzu mu na kana ngbangba yongo o za gu nve na molo zo. ¹⁸ A tite, tini suka tango, oni yini ya: ni mu ini nga Yezu ku za ga. Ani mu hein ni segi wa meama ani yini logbo lengbe. ¹⁹ Ako kulu ti na ndagba ani, kasi ako ni wani ku, singa ako du wa ani ka ako sungu na ani. Mumu dumu ti da tipoyi ani yini, ako nzu wani ku. ²⁰ Tipoyi oni zeli kukulu kpami na pati ni mu na gbegbeleke yongo ku, oni na ina la. ²¹ Mi keno tipoyi oni yini bita yongo, tipoyi zele, ge na kula ti bita yongo ku. ²² Da du mbe zele, sanga ku nimu imi Yezu? Ni mu ini nga Yezu ku, ni mu ka buba na bosi. ²³ Dasu ti kangu ti bosi zegi oge du ni buba du, dayikateya bosi nzapa konitako oni Zegi. ²⁴ Mu oni gi mu mbita sunga na ndagba noni. Ti na du ya mu oni gini mu du sa mbita. o sunga na ndagba oni, oni hein sungu na ndagba bosi Zegi na buba. ²⁵ Na kida la okana mu tipoyi, boyi sa ni kindi. ²⁶ Mike mbiti me tipoyi ani mu na zida oni. ²⁷ tipo yoni, kpami mu akulu mu noni si nye na kpolo ni, na tini na ku ayugu mbiti zegi ni, kasi wa kpami sako na yuga ni hein nzu tini bita na tini ndende kila ku, oni sungu na ndagba ko tipo yuyugu mbiti sako o hein mu no ni. ²⁸ Wa meama, atite, oni sungu na ndagba ko, tipo yi na , hule mu, ona mu te obanda ani, na ga wi ko ani duga a gbegbele gude ku na ani duni pati ko. ²⁹ Singa ani ya oni bita yongo, oni yini ni ngbangba ni mu na ka ka bita yongo o kulu tiko.