¹ Mudumu mbita, na mu ani gini mu, kula mu bongili ani mu ani dingi mu na bani, tipoyi kpolo zegi. Na logbo mu a bomoi, kulu mu te. ² Ani bise, ani gasi palangba ko, na ani, fuka noni bomoi sa zegi, ti du mu na paati buba, na tisu kana ya ani kulu. ³ Mu ani bi mu na mu ani gini mu, ani za fuka nooni, oni hin na bati oni, oni du gini kili na ani. kanda ani gini kili na buba na bosi ko. ⁴ Na ani za ke nooni yongo me, ti poyi esengo sani ti du na gini. ⁵ Nvogo hein mu ani dingi mu ka sa ko, ani za inya nooni ya zegi su du mu ni imala, na mbili sako zo ku. ⁶ Tango ani inya ani za kana dugu bibili la, ani za ndanga ani ba kana sungu zele, sanga ani bita na inala. ⁷ wa ko ni tako sungu na inala, ani gini kili kule bosi Zegi na kpula gbegbeleke yongo sani. ⁸ Na logbo mu ani na ti sangu, sani kili na bita yongo na ndagba aniku. ⁹ N yesi ndagba twani, sanga ani fuka ani ita gbegbeleke yongo sani ani na li gini, ti ni bita. Tipoyi ani ita se, ti poyi ani kulu peto na ndagba gbegbeleke yongo mu sani. ¹⁰ Sangu ani fuka ani kana gbegbeleke yongo ku, ani mbe zele fukado sako na ndagba ani ku.