¹ Ni mu kana yongo Yezu christo a vungu ko na ndagba gini Zegi. ² Ani yini ngbanya kana ga soni bosi Zegi wa ni nya oni yi niko. ³ Anga gumi ko sa Zegi ti ali kido sako na ndagba boyambi so. ⁴ Ni hini Yeso klistohini zegi. ⁵ Anga digi kule tini ule ti yundu. ⁶ na ndigi tisu ni ngbanya du sa Zegi na pala ngba sako tipoyi pala ngba tini bita. ⁷ Ti poyi ako ata na gasa pala ngba. ⁸ Sako molimo ndigi na we kule ako nzu bati kili yi kate. ⁹ sanga ani nzu na kana bati ngba we sani sa Zegi bati ngba sa Zengi ni kiki ni bati ba ngulu ka wa ani nzu, Zegi na kana bati ngba ko tipoyi bosi ko. ¹⁰ Ni mu hi bosi Zegi na ndagba yongo sako, o ni mbe zele tipoyi oka yongo bosi zegi ni bati ngba ko. ¹¹ Oni bi bosi sako ti su dumu Zegi hu na ni bomoyi seko na ndagba bosi ko. ¹² Ni mu yambi bosi Zegi a nga ko su ni bosi Zegi. 13 Mi ke no ni yongo tipoyi oni hi bosi Zegi. ¹⁴ Ani digi na pala tiko ngbaya yongo kani ani sian yongo na ku kulu ko mu ani gini. ¹⁵ Sanga ani za gina ko ayongo ani sia ko ani yini zeli yongo sako ani sengi. ¹⁶ Mo bi gumio na kana gbegbeleke yongo na haka ko ti kpigo musu mbe Zegi ona ga ba hu na ko bomoyi oza ba sungi ani nzu ana kana gbegbele ako yongo. Gbegbeleke yongo kili ona tima kulu gba. Anga poyi gbegbeleke yongo ku ti poyi sini ni fuka oni gbo ni zegi. ¹⁷ Gbegbeleke yongo ti ni masumu mu ni gbegbeleke yongo ge ni ima ni kili ku. Ani nzu na kana gbagbeleke yongo na ni ge na kpi du. ¹⁸ Ani ini ni ngbangba ani nzu ani kulu ti zegi moyita gbegbeleke yongo nzu. Ni mo kulu na du Zegi on na banda ko kili zabolo ge na zala ko ku. ¹⁹ Ani yini ni ngbangba ani kulu ti zegi ti so yo zegi nzu ngulu ku ti ngulu sa zabolo. ²⁰ Ani bi ni ngbangba evangile ti bosi Zegi. Ti poyi, ba hu ndata na ni, ti poyi ani yini bita yongo, ani na ndagba bita yongo ani a bosi ko. ²¹ Kosu mbe ni bita mo gini na ndangba bosi ko.