1 Na bodiaka ndaka jiya, bapalani, bo sapetoje na mbindo jisusu ji munu na ji mwembo, na bosiejaka bopetoama bosu atei e bobanga Njambe. 2 Pani so esika emoti atei e milema minu! Boiko bobe na moto, bobejakiti moto, boditi itomba ai moto. 3 E diti na tina e bokwaeja no te soko na balaka bowa; te ngasa nasia bobala bo odini atei e milema misu atei e bomoi pe atei e yogo. 4 Nadi na edimeli enene ainu, nadi na mikonja misusu mi bosakwa a tina enu; nadumi na bobondejama, nadumi na sepi a ndanda e minyoko misu. 5 Te ngasa, banda boimiya bosu a Masedonia, munu mosu moidiya liyemi te; bodia mawa na ndenge isusu: boina a sokolu, bobanga atei. 6 Kasi Njambe, o bondejaka ibaba mbei, a bondi su na njia e boluwa bo Tito, 7 pe pepe koko na boluwa bonde, kasi naikina na njia e bo bondeja bo Tito yo mene akaka na tina enu: abalea su posa enu, mbisoli inu, posa e bino a tina e mbi, na ndenge bo sepi embi e meya enene mene. 8 Nongo aepani mbi wa na mosono mo mbi, nata hombeja molema. Pe, ekada bo nahombeji, te ngasa na neke bo mosono muwa mopi no wa, ata ehole ekuwe, 9 na sepaka a ehole iyena, te na iye ediano wa te, kasi na iye wa enu epa no bohombeja milema; te ngasa odiani wa elenge emoti ai Njambe, a suka bo bota dia a ngambo esu nongo bobe bo moti te. 10 Na bowa, wa ai Njambe ebotaka bohombeza molema ta mohelo imu te ba hombeje koko, nzokande wa e ngondo e botaka yogo. 11 Pe inja, wa yena ewula na Njembe, bopeyama ndani bojanga yo ! Bo longa ndani, bosa titeja ndani, bo banga ndani, posa enene ndani, ejimeli ndani, etumbu ndani! o inejini na lolenge lo susu boo odiini ba senwake atei e lmojo muwa. 12 Eka da boo na ekomeini, editi na tina e iyo o esingini te, to pe na tina e iyo odi te; edi suka saya tina enu eneme atei enu boso bo Njambe. 13 Na tina emina bo dia bo bobondijama. Kasi,bobondejama bokina, bo dia sepi enene naikina na njeya e Tito, iyo mwembo bo dia bowii na njeya enu ba susu. 14 pe ekada bo boso bonde na dii na sepi na tina enu, na idia mobulu te; kasi, elenge ebaleani su elenge emoti na soti, iye bobo esa ngoji iso adi Tito ediama oko soti. 15 Ediabo jimeja tina enu molongo mobo dingo, na bo kanisa na bo tosi bonu adi bato ba susu, pe nabo yambi bokoinu nabo banga pe bo hala. 16 Nadi na sepi ebo sapaka na makambo ma susu nasa peke nanu.