¹ Bodi ojebejani, ba ngene, ngolu e nnnnnNjambe iye einejama ta tei e masambo maMasedonia. ² A ndanda minyoko minene mi dimejama, sepi ebu edoloa pe botakake bo bu boboti na bonoo bosomi onene apamba ebu. ³ ba di na, na dimeji yo, bapi bokokana na makoki mabu, nongo bono jiko ji makoki mabu, ⁴ bowajaka so na bisengsa binene bodia ngolu pamba e esengisa iye ebongijama na tina e basenwake. ⁵ Pepe bo bokoi oko ndenge ekanisaka iso, kasi basapi boso mene na Kumu, ngongo nasu, nanjia e posa e Njambe. ⁶ Boisa Tito bo asieje aino mosala muwa mopele, elenge ebandejaka yo. ⁷ Elenge moti odabini o pele a makambo masusu, atei edimeli, na meko, na bojeba, na posa pamba esusu, pe atei ebolingo bonu atei esu, koni bo oimiyeni bapele koko a mosala muwa mopele. ⁸ Nabalakatea yo na tina e boisa molongo, kasi tina e bondimeja, na njia e posa ebakina. ⁹ Te ngasa ojebini ngolu e Kumu osu Yezu Klisto, iyo tina e bino aimeyi mobola, mozwi odaka yo, na tina bo na njia e bobola bonde odei ni bozwi. ¹⁰ Edi likanisi limoti idi mbi bopa diko dimina, te ngasa yo e bwani nanu, adi nu iba babandija boko, kasi iba bajia posa ehele e eyanga eboso. ¹¹ Siejani boko sikaye, na tina bo bokokejama elenge emoti na makoki manu ta bopeyama boisa nu na posa enu. ¹² Posa epele, ekada bo edi, edi epele na tina ebwani yo boda pe te naibo ebwani yo boda na eka te. ¹³ Te ngasa edi, te na tina e bomeja no na wa te poji bopingeza bakina, ¹⁴ kasi tina e bolanda molongo mo bokokana: atei e ekwela iye kabo enu ekokejabi bosenga bobu, na tina bo kabo ebu ekokeje koko bosenga bonu, na tina ebo bokwana bodiame, ¹⁵ elenge ekomama: Iyo otombana jike aidaka na eka te, pe iyo otombana goti aijangaka te. ¹⁶ Kina bo ngolu esombe ai Njambe naiye eisayo a modema mo Tito posa koko e moti na tina enu; ¹⁷ te ngasa ayambi eyojeli isu, pe edi na posa e yene pe na posa ende esusu akini tina e boke adi nu. ¹⁸ Bodia loma na nde ngene iyo o masanjoli mainjaka sango epele iye ebalangana ta masambo masusu, ¹⁹ pe iyo, nabono, ahomo na masambo na tina e boda mwaninga o mongeli atei e mosala mopede mumu, modiso bokokija tina e kembo e Kumu pe na litatoli li posa dipele jisu. ²⁰ Bodioko buwa, a tina ebo moto ata pamela su na tina e takola enene iye, na njia emina bo diobania; ²¹ te ngasa bodia luka iye edi epele, pepe koko a boso bo Kumu, kasi koko a boso bo bato. ²² Bodi oloma engbanga nanu ngene osu, iyobo odaiso nande posa epele nanjia jike, pe iyo onezaka bodoloa edimeli yena a tina e bokana bonene bonde na nu. ²³ Na buwa, poji ye etali Tito, adi mobatami osu pe mwaninga o mosala alinu; poji ye edi na tina e bangene basu, badi balomamake ba masambo, kembo e Klisto. ²⁴ Pani bo, a boso bo masambo, edimeli e boyambi bonu, pe inejani bo bodia mokonza mosakwaka na tina enu.