1 Ndenge esalaka so na Njambe, boongaka nanu pe odiani ngolu e Njambe engangasa. 2 Zambi abali: Naokaka we ta bihole bidimejama, a disu di mohelo nakomejaka we. Inza edeye ehole edimejami, inza edeye disu di mohelo. 3 Loditi bopa mokonza momoti te mo bokwajama na iye edi, na tina bo tomo eta da eka e pamela. 4 Kasi bodi bosapa pamba e makambo masusu, elenge basali ba Njambe, na molema mohu ate minyoko, ate miwelano, ate bojanga, 5 A nase ji mabotu, atei e boloko, atei e mobulu, atei e misala, atei e bosenja, atei e bikia hiyo, atei e bokiya miya 6 Na njia e peto, na njia e bojeba, na njia e molema moyayi, na njia e modema mopele, na njia e mwembo mosenoake momoti, na boyambi bo soti mene, 7 Na njia e meko misoti, na pipo e Njambe, na njia e mindoki miboina pe mi bosabania na boyengebeni; 8 a ndanda e kembo pe mayele mabe, a ndanda e sango ebe pe epele; iye enjakabo elenge e bobe, nongo eda bopele; 9 elenge iye ejebaniti te; ata ko iye edi ejebanake; elenge egwa, pe inja bodi na bomoi; elenge e bato badia etumbu, ata buha bopamiti na yogo te; 10 elenge e bato badia wa, pe bodi seko na sepi; elenge e babola, pe bodiomiya na bozwi jike, elenge e bato badi ngasa, pe bodi na makambo masusu. 11 Monoko mosu modipoami tina enu, Bakolinto, molema mosu momei moyayi. 12 oditini mene atei emilema misu te; kasi sopo jinu jimei jikwekeneke. 13 pani iso jo koko nadia obala nanu elenge ebana ba mbi, - kandowani koko! 14 Pepe bosanganani na bato bajangi sembo atina ji bibebu e mopaya. Te ngasa bokani ndani bodi atei e sembo pe bokeseni? to pe eka emoti eisanga edi atei e pole pe molili? 15 Boyokani ndani bodi atei e Klisto pe Beliala? to mbano ndani edi na moto o sembo na mojangi sembo? 16 Bokwana ndani bodi atei e tepelo e Njambe pe bikeko? Te ngasa bodi tepelo ji Njambe o bomoi, elenge ebali Njambe: Nadabi pe nadadabi atei ebu; naimiabi Njambe obu, pe badabi bato ba mbi. 17 Na tina emina, imanami ate bu, pe kabwanani, iye ebali Kumu; Pepe bo bandani iye edi mbindo, pe na yambabi nu. 18 Na dabi ainu sango o moto, pe adabini aimbi bana bami na bana bali, Iye ebali Kumu oduma na pipo.