¹ Bobandeni na ekina bobadiana atei esu mene? Too bodi na posa, elenge bakina, na misono mi bobalana adi nu, too pamba e nu ? ² inoni odini misono misu, mikomama ta midema misu, mijebani pe milangama na bato basusu. ³ Odini bwase mene mosono mo Klisto, mokomama na tomo esu, pepe na madiba ma mokanda, kasi na mwembo mo Njambe o bomoi, pepe diko di matai, kasi diko di makoma ma munu, diko di midema. ⁴ Elikya yena, bo edi na Klisto adi Njambe. ⁵ Editi bobale bo so beene bodi na pipo e boko ekina eka olongo ewuli nasu beene. Makoki masu, na bokesene, bodongi na Njambe. ⁶ Akoi so koko bodae na makoki ma boda bakoji ba bookani boyeene, pepe ta misono, kasi na mwembo ; zambi misono mikawake, kasi, mwembo mopaka bomoi. ⁷ Te ngasa, ekada tomo e yogo, ekomama na misono diko di matai, edaka na kembo, na esika bo bana ba Isalaele baihono bomeja linzenze diko di boso bo Mose, na tina e kembo e boso bonde, atako kembo emina etaka boyeyoa, ⁸ bobuno boni tomo e mwembo eta dia kembo ehu! ⁹ Ekada bo tomo ebo kwaeja edia kembo, tomo e boyengebene enoi diko bonene na kembo. ¹⁰ pe, atina ji bokwaneja bua, iye edia kembo eidaka kembo te, na tina e kembo yena edi diko na tina yena. ¹¹ Na boa, ekada bo iye etaki boyeyoa edia kembo, iye edi mbutelu enoi na kembo. ¹² Boda na elikya emina, bokoko dea na bosomi bonene, ¹³ pe so botasalaka olongo Mose, iyo aisaka esenja ta boso bonde, tina bo bana ba Isalaele bata imeja yongi tina e bonja esuka boni ngando ijinoko. ¹⁴ Kasi bameaka matoi mapipo. Te ngasa kino adisu li esenja yena koko edae, balangaka misono mi bondeko boyou, pe asangojoko te, te ngasa atei e Klistu adimwa. ¹⁵ Kino a disui diya, bakalanga Mose, esenja emoti edumbamaka diko di milema mibu ; ¹⁶ Kasi ehole iye bo milema mihombani ai Kumu, esenja edongi. ¹⁷ Te ngasa, Kumu adi mwembo ; pe yana adi mwembo moKumu, bosomibodi yana. ¹⁸ So basusu baya, boso bodipoamake, bosepe olongo atei e miloile mi kembo e Kumu, so bodi ba bahekoami ta elili yena, ta kembo na kembo, olongo na Kumu, mwembo.