¹ Na kanisi mbi mene bo nata sombo adi no atei e wa te. ² Te ngasa naka pa no wa, yani obwani bosepija mbi, edaiti koko iyo odi wa na njia e mbi? ³ Na komi elenge e koimbi te na tina ebo na dimeje te, a boimia bo mbi, mawa a pamba eiba ba bwana bopa mbai sepi, ate nu odinia bodima bo sepi embi edi ate nu basusu. ⁴ Edi atei e mawa manene, molema mobenei, pe na mbisodi dike, soko na komei nu, te na tina ebo odaeni na mawa te, kasi na tina bo odebeni bolingo bonene bodimbi na nu. ⁵ Ekadabo moto adi mokonja momawa, editi mba moto omopi mawa te, edi ino basusu, kasi na pamba ekina, tina e boheeja. ⁶ Ebwani na moto yona etumbu ebongejama na motuya monene, ⁷ tina bo obwanini bopede bo molimbisa pe bo mopingeja, poji bo ata peama na mawa manene te. ⁸ Nadi boedendisani boo okoni ekela e boyambi adi yo; ⁹ te ngasa nakomei no koko tina e bojeba, na bosaisa a emekeli ekada bo odini na botosi ta makambo masusu. ¹⁰ Nzoka nde, adi yo odimbisi no, nadia dimbisa no koko; ekada bo nadimbisi, edi na tina enu, aboso ba Klisto, ¹¹ tana bo botakina Zabulu makoki likodi su, te ngasa bobungeiti posa di nde te. ¹² Na misusu midiki, dede eimia mbi ta Troas na tina e sango epede e Klisto, nongo kungu adipwani yo modipe, ¹³ naidia diyemi di mwembo te, te ngasa naitania Tito te, ngene ombi; na tina emina, abakina mbi, nake a Masedonia. ¹⁴ Kina bo ngolu e sombe na Njambe, iye elongejaka so seko ate Klisto, pe iye e kabwanaka nasu a bisika bisusu ndumba e bojebi bo nde! ¹⁵ Bodi, na bua, podi Njambe ndumba epede e Klisto, atei e iba bayela pe iba bagwa: ¹⁶ adi bakina, ndumba e yogo, e paka yogo, adi bakina, ndumba epaka bomoi. Pe iye ebwani na makambo maya? ¹⁷ Te ngasa boditi a bobejaka meko mi Njambe te, elenge eka koi bakina; kasi edi na sembo esusu, kasi edi na ngambo e Njambe, soko bodiatondo na tina e Klisto boso bo Njambe.