¹ Na tina yena, nabodia tomo yena, bokokana na wa e Njambe iye epama nasu, bota abungeza ngulu. ² Bodi ahodumba makambo ma soni makomoko ta kuku, boditi na edaeli e mayele mabe te, pe bota hombejaka meko mi Njambe. Kasi, naboinejaka bwase soti, bodi obeya makanisi ma moto mosusu boso bo Njambe. ³ Ekada bo sango epele esu edii edipamake na ekina, edi edipamake na tina e ibaya babungaka ; ⁴ adi bato ba tembe aiba nzambe o yanga di akundi mayele, na tina bo bata inja bongenge bo sango epele e kembo e Klisto te, iye edi elili e Njambe. ⁵ Bota ka sa tea so beene; edi Yesu Klistu yo meene iyo teayaka su, pe bopoki bosa bea bakomeli bawe a tina e Yesu. ⁶ T ngasa Njambe, iyo abala: Pole bobwana biatei e modidi ! abwaneji pole atei e milema misu tina e boko bonangana bojebi bo kembo e Njambe diko di ngambo e Klistu. ⁷ Botombaka libula idi atei di mbeki e kpoto, atina bo nguya enene emina epame na Njambe, pepe adi su. ⁸ Bolindami na ndenge isusu, kasi pepe bokutoa ta suka; ta tei ewa enene, kasi pepe atei ebotaka edikya; ⁹ bo nongomi, kasi bo sundolamiti, bombei, kasi bo bungiti; ¹⁰ Botombaka masu masusu na isu atei e mokuku mosu yogo e Yesu, na tina bo bomoi bo Yesu boneme koko atei e mokuku mosu. ¹¹ Te ngasa iso baa badi na bomoi, bopami tango isusu a yogo a tina e Yesu, na tina bo bomoi bo Yesu bonemedame koko atei e mikuku mi yogo misu. ¹² Boa yogo ekoko adi so, pe bomoi bokoko adi nu. ¹³ Pe, elenge bodi na mwembo mo ejimeli ameti na iye elejami a tei e liloba lili li makomi: Na dimei, na tina emina na bali! so koko bodimeke, pe na tina emina bobalaka, ¹⁴ bojeba bo iyo opusoja Kumu Yesu apusojaka so koko na Yesu, pe akobo anemeja so na nu a boso bo nde. ¹⁵ Te ngasa ya luwa a tina e nu, na tina bo ngolu e doloe, elume, ta kembo e Njambe, misala mi ngolu a motuya monene. ¹⁶ Tina ye bota bungezaka bopipo. Pe nongo lolenge lo su lo sokolu lobeaka, lolenge losu lo tei lomeaka eyeene busa na busa. ¹⁷ Te ngasa bolozi bokeke bosu bo ehole ye bokomi tina esu, bono bimekelo bisusu, mandi ma kembo seko, ¹⁸ te ngasa bolio bonja, pepe makambo manemeke bwase, kasi aima madi botaka bonene; jambi makambo ma manemeke madi ma bono, pe ima te manemeke madi ma bomanga seko.