¹ Oh! oka bwnani bo wona nambi goti e igboma! kasi ino, jimaeyani mbi! te ngasa nadi na juwa enu na juwa e Njambe, Jambi na longei ino na momi omti, tina ebo ineja ino adi Kliso elenge engondo peto. ³ Mbala ji susu, elenge emoti njo adumbayo Eva na njeya ema yele mande mabe,nadiobanga boo makanisi manu mata beya pe ma noye na bwembu pamba eKlisto. ⁴ te ngasa, moto aka duwa boteyanu Yesu okina bowali na iyo oteini iso, ti pe odieni mwembo mokina bodolwa imu modiya su, to pe sango epele bodolwa iye eyamba su, omoikikeseni opele. ⁵ , Na dio dima boo naditi anase naeka emoti te adi ba toma ibaba. ⁶ Naka janga ojeba na njeya ebo jeba bobu. Naka bungeya na tina ebo bala, naditi obunga te nabo jeba, pe bo inejeni na ndenge ji susu pe na makambo masusu. ⁷ To bopele, na koi isumu jambi, nata titeji mbi mene natina ebo ino odaeni diko, nabaleini ngasa sango eple e Njambe? ⁸ Na dali ama sambo makina, na diaka ena ifuti imoti,tina ebo sunga nu. adaka mbi ainu pe adiaka mbi posa e eka, moto aidia mokumba mombi; te ngasa ba ngene ba wula ta Masedoni bapa nambi iye ejangaka mbi. Na misusu nasa baneyaka ibo nata pa ino mokumba, pe nasa baneyabi bowa koko. ¹⁰ na njeya e soti e klisto iyo odi na mbi, na diobala mokonja muwa mo mokembo motia biti mbi a ngando e Akai. ¹¹ Tina boni?... Njambe a jebi! ¹² Kasi nadi oko pe na kokobi elenge yena, tina ebo longeja mokalo muwa adi iba badukaka meko, poji ibo badae olongo iso a makambo ima madi iso bosa kumeja. ¹³ bato baya badi ba toma ba be, ba koeli ba lokuta, basa koeji ba toma ba klisto. ¹⁴ Pe iyena editi eka ebo kamwa te, te ngasa satana yo mene aka salwaeje oko anjelu o mwinda. ¹⁵ Editi pe bokamwa te ibo ba tei bande koko basa koe ba tei ba boyengebeni. suka jibu ji labi elongo emi sala mibu. ¹⁶ Nadio kundola, pepe bo moto awokeye mbi elenge emoto omobwa te; kasi, yambani bi elenge e moto o mobuwa, tina bo mbi koko, nasa koe mweka. ¹⁷ Iye e ejoko mbi, na edimeli ebolia mokonja mosakumija, naditi na bobabala atei e Nkumu te, kasi elenge e mobuwa. ¹⁸ te ngasa edi na mundi iba sakwaka elenge emoti na munu, nasa kwabi pe koko. ¹⁹ Te ngasa opiani molema na posa inu natina en bato ba mibuwa. ²⁰ Ekadabo omoti aisi nu ta bohombo, ekada bo omoti apunji nu, ekada bo omoti andoi nu na ngulu, ekada bo omoti adi na njombo, ekada bo omoti abomi nu ta boso, ino koko opieni milema. ²¹ Nadi na soni e bobala, iso loineji bwembu. Nabuwa, na iye ekoki moto o moti bomeka, -nadi bobala na bozanga mayele,-mbi koko, nadi bomeka! ²² Bo badi ba hebele? Mbai koko. Bali batitani ba ibota i Abalayama? Mbi koko. ²³ Badi batei ba Klisto? - Nadiobabala elenge e moto iyo onoijaka.- Nadi naikina bono: Najia e misala, bono mene; najia e mabotu, bono mene; najia e ba boloko, bono mene. Mbala bula a makama ma yogo, ²⁴ nadia mbala di tano bibutu tuku di nei bolongeja emoti adi ba yuda, ²⁵ mbala di sato na bomama na pengu, mbala emoti badakani matai, najinda ta maliba mbala di sato, nanoeja liswi li moti pe bulu bo moti atei e mombondo. ²⁶ Bala mundi ta mibembo, nadaka mbuti na yogo liko di luwa, mbuti na yogo na tina e bato baibuba, mbuti na yogo pamba e bato ba ekolo e mbi, mbuti na yogo tina e bapakano, mbuti na yogo atei e bingumba, mbuti na yogo atei e biliki, mbuti na yogo diko di mbu, mbuti na yogo atei e bangene babe. ²⁷ Nadaki atei e mosala atei e saya, naisama na bojanga hiyo bula, na ba nja pe na posa e madiba, na bokiya miya mbala bula, na piyo pe na mbundu. ²⁸ Pe, janga e bobala makambo makina, nadumi na makanisi maswi masusu ma pakani mingombo misusu. ²⁹ Iye edi bwembu, nata da bwembu te? Iye elongo bokwa, ibo na ta bwana? ³⁰ Ekada bo sakwa, edi na tina e bwembu bo mbi nasa kumijakalea! ³¹ Njambe, iyo odi tata o Kumu Yesu, pe iyo o pambwmi seko na seko, ajebi bo naditi bokosa te!... ³² Ta Damasi, moyangeli o etuka o mokonji Aletasi alaka bobania engumba e bato ba Damasi, poji bo bapie mbi; ³³ kasi batiteza mbi na njia e lininisu, etai e ekolo, boyayi bo etutu, pe nayela ta mabo mabu.