¹ Mbai Polo, na wongi nanu, na njia e bo ta titeja pe na molema mopele mo Klisto, - mbai, oli na lolenge lo ihui ehole edi mbi atei enu, pe nadumi na sepi poji nu tango edi mbi bohali, - ² na bondi nu, ehole edalembi na nu esikae moti, te pepe bolomani mbi na ngulu nadie sepi yena, eyebo edi mbi bokanisa boko ai bakina bahokeke iso ninga bodalaka na munu. ³ Ekada bo bolalaka atei e munu, loditi buna te bokokana na munu. ⁴ Te ngasa bibundeli binaka nasu biditi bi munu te; kasi bidi na pipo, na njia e libongi li Njambe, po di bolumba bibundeli monguna. ⁵ Bodiolumba makanisi pe liko lisusu iji ili bosangojo bolona bojebi bo Njambe, pe bodi boduwa na makanisi masusu mapiama ta botosa Klisto. ⁶ Bo di mbuti koko bopa etumbu bajanga botosi bosusu, ehole elumabi botosi bobino bosusu. ⁷ Ino odio hokiani ta sokolu! ekada bo moto adi bosakwa bo adi o Klisto, asa bale bopele atei ende yo menene bo, elenge edi yo o Klisto, iso koko bodi ba Klisto. ⁸ Pe atako buwa nasa kwabi mwa mundi na bokumu bopa Kumu nasu poji botongama bonu kasi pepe poji bobejama bonu, na diabiti soni natina emina, ⁹ na tina bo nata neeme boo na bangejaka nu na misono mimbi. ¹⁰ Te ngasa, babala bo, mosono minde midi na mobeko pe mipipo, kasi, leli ye na bomoto, adi bwmbu, pe liloba linde ili libotiola. ¹¹ Kina iyo odi bobala elenge yena bo elenge elenge e moti na meko pe ta misono, ateko lodaiti te, elenge e moti lodi atei e bikela bisu, nabodaka ena. ¹² Loditi bomeka bosa kokeja to bosa kwaneja na bato bakina te adi iba bali bosangojo bo bene. Kasi, na bosa meka na limeko libu bene pe na bosa kokeja na bo menene, badi botaka mayele. ¹³ Natina esu, bota dimia te bosa kumija koko pamba e bimekeli bisusu; botombalea, na lisolongo, tina e limeki ba dendelo iji bokabola ibu Njambe a koo, na elenge ebokoko bo lolue koko apamba enu. ¹⁴ Loditi bonoeja ndelo disu te, elenge bo boiduaka a ngambo e nu te; Te ngasa edi bopele koko a ngambo enu soko boimeya na sango epele e Klisto. ¹⁵ Editi sokolu e lomeko losusu te, editi misala mi moto te, soko bodi takumuja; kasi edi edikiya, ekadabo edomeli enu enengi, eimei enene naikina atei enu, bobwana na ndelo iji ibpama na tina esu, ¹⁶ pe bonoeja sango epele adi nu, pepe bota kumeja naiye ekomo a ba delo jipama na bakina. ¹⁷ kina bo iyo odi bosakwa asakwe atei e Kumu. ¹⁸ Te ngasa editi yo mene o sangojoko te yo mene iyo omekami, edi iyo esengelaka na Kumu.