1 A suka, bangene, tina bo odiiani nasu ndenge ndani obwanini bodala pe bosepeja Njambe, pe bo edi yena ekoko no, bosengeke pe bo palelaka no ta kombe Yesu Kumu bo odaleni na ndenge e boko oko boso boso. 2 Ojebini bo, na boa, maloko ndani bopabi so no a ngambo e Kumu Yesu. 3 Iye epalaka Njambe, edi bosa senoja bowe; edi bo olone pite; 4 edi bo omoti onu ajebe bobanea mokuku mo nde atei e bosantu pe na bosembo, 5 zanga na bosakina atei e bilelela bipali we, elenge ekoko bapakano iba bajebiti Njambe te; 6 edi bo pe moto pe bosala mayele mabe pe na bonoeja posa e falanga atei makambo adi ngene o nde, tina bo Kumu aka gbule ngando jisusu, elenge ebalaka so pe ejimeja so no eyou. 7 Te ngasa Njambe ai beya so ta pita, kasi a bosa senoja. 8 Iyo ko alona malako ma ata lonaka moto omoti te, kasi Njambe, iyo apa no koko mwembo mosenoke mo nde. 9 Tina ye enji bwela bo bangene, oditini na posa bo bosonoe no misusu; te ngasa odiani no bene na Njambe ta bopalana atei enu, 10 pe edi koko bo okoeni na bosusu adi bangene ta Masedonia ebimba. Kasi bolendisaka no, bangene, boluma na bosusu bonoo a tei e bwela, 11 pe a bosa ekumu e we ta bowii, a bonja ngando jino meene, pe boko na mabo manu meene, elenge esengaki nasu no, 12 na ndenge bo osa dalejaeni na sembo adi ibaya ba sokulu, pe bo ota da na posa e moto. 13 Botapalaka bo, bangene, bo bodaeni pe bojeba a mokonja ibaya bagwa, a tina bo ota sasani na bileli te elenge bakina ibaya bataki elikya. 14 Te ngasa ekada bo bojimaka bo Yesu agwa na asapuoa, jima koko bo Njambe aba tombabi na nzea e Yesu pe na na nde ibaya bagwa. 15 Inja, na boa bojebejaka no bokokana na mwako mo Kumu: so bato ba bomo, badika tina e bodua bo Kumu, bota ke boso bo baya bagwa te. 16 Te ngasa Kumu yo meene, adi na boko so likebi limoto e bopa so, a moholi mo swa mo ba obwenji, pe a bio bo kelelo bo Njambe, botonda a diko, pe bago a Klisto basapusoabi boso. 17 Ngongo, bo bato ba bomo, ibi badika, boda basusu batombamake na nde diko di mabata, a bosongana bo Kumu ta mipepe, pe na boa bodabi na osusu na Kumu. 18 Bondisanani a tei enu a nzea e mwako muu.