1 Tina ye etali ehole pe tango, osengeliti nayu, bangene, esengi bo nosone no. 2 Te ngasa ojebini no bene bo busa bo Kumu bodoabi elenge mobi a tei e bulu. 3 Ehole ebala bato: Bowii pe na bokengi! boa, suka emoti e poasa eba taneabi, elenge saya e libota eka pee poasa mwali o demi, pe bata tsia te. 4 Kasi no, bangene, oditini ta modidi, tina bo busa buwa botane no elenge mobi; 5 odini basusu bana ba bohu pe bana ba mose. Boditini ba bulu pe koko ba modidi. 6 Botasama te elenge bakina, kasi bosenjeleni pe bodae na bosatiteja. 7 ibaya basami basame na bulu, pe ibaya basa langojaka basalangoje na bulu. 8 Kasi so ibaya ba mose, bodae na bosatiteja, yana eluali so mokoto mo ejimeli pe na epaeli, pe na boda ne egbala esu e elikya e lisiko. 9 Te ngasa Njambe ai wo so boke a kele, kasi abodia lisiko a nzea e Yesu Klisto Kumu osu, 10 iyo alogweya so, a tina bo kako bosenjele, kako bo bosame, boda esika emoti na nde. 11 Na tina emina salendisani ni beene, sakojani omoti na okina, elenge na soti okokoni boa. 12 Bongaka aino, bangene, odaeni botombeana tina ibaya esalaka a tei enu, iba badalejaka no a tei Kumu, pe iba bakojaka no. 13 Dani na bwela bonene adi bo, a mojo mo misala mibu. Dani na bowii atei enu. 14 Boongaka nanu koko bo, bangene kebejani ibaya badi a tei mobulu, bondisani baya badi bambeke, kokeani bayembu, salani na molema moyai ai basusu. 15 Sani kengi bo pe moto akoi bobe diko di bobe adi moto okina; kasi kooni bopele na basusu, kako a tei enu, kako ai basusu. 16 Dani na sepi na osusu. 17 Ngani sambo pe bo mbe. 18 Pani matondi na ngando jisusu, te ngasa edi atina ewe bopala bo Njambe ai Yesu Klisto. 19 Pe bodimea mwembo te. 20 Pe bone ngasa masakoli. 21 Kasi mekani ngando jisusu; baneani iye edi epele; 22 sadongejani ta ngando jibe jisusu. 23 Ye Njambe o kimia a bulise we yo meene na bosusu, pe na mokuku mowe mosusu, mwembo, munu, da mobaneamake na bokoka, ehole e bodua bo Yesu Klisto Kumu osu! 24 Iyo abeano adi mosembwi, pe edi yo akoo 25 Bangene, anga sambo tina esu. 26 Peni epaeli ai bangene basusu ta lipwepwe lisenoke. 27 Na Palelaka no a nzea e Kumu, misono mi milangame ai bangene basusu. 28 Ye ngolu e Yesu Klisto Kumu osu edae nanu !