¹ Na tina emina, edaka bo bato ba molema mokuwe, pe batondoko meko e bodika buki ta Atenasi, ² Bolomaka Timote, ngene osu, mosaleli o Njambe atei e miako mipele mi Klisto, tina ebopingeja no na ejimeli pe bolendisa no a motali ejimeli enu, ³ atina bo moto omoti ada pe bokwa te ta saya iye; te ngasa ojebini ino meene bo bo lomama atina eyu. ⁴ Pe ehole edaki bo bosamakamra minongo, elenge iey emei yo, pe elenge ejebi no yo. ⁵ Na,ob bm,molomaka ajebejani na ejimeli enu, atei e bobanga bo mo meki adae pe bomeka no te, pe boda pe bosala mosala mo ngasa. ⁶ Kasi Timote, edeye meene amei adino, apiso gala epele e ejimeli pe epaeli e bino, pe abali nasu bo obaneaki na bosusu bopele bosu, opalakani bonenen nasu elenge epalaka boenene. ⁷ Te ngasa, bangene, a tei e saya pe na minongo misu bobondejaki na mokonja monu, a mojo mo ejimeli e nu. ⁸ Zambi edeye bo helaka, a tina bo o daeni ngbi a tei e kumu. ⁹ Bikela bi ngolu ndani, na boa, bobwani bopa na Njambe mijo mi bino, tina e sepi esusu iye edi so a tina enu, boso bo Njambe osu 1! ¹⁰ Bulu na busa, bo mosambelaka na ngulu esusu bo akomeja so boneno, pe babekee iye etakaka ta ejimeli enu. ¹¹ Kina bo Njambe yo meene, sangwasu, pe na yesu Kumu osu, abongejae nzea esu tina bo bokee ai no ! ¹² Ye bo kumu abakee na bonoo a tei enu, pe ai no basusu, epaeli yena edi nasu basusu adi no. ¹³ Na tina ebo milema mino milumi na ejimeli tina edae taka e pamela, atei e boseno boso bo Njambe sangwasu, ehole e bodua bo Yesu Kumu osu na baseno ba nde basusu.