¹ Na boa ni, Klisto anongomo atei e munu, no koko luani ameti makanisi maya. Zambi iyo anongomi atei e munu asiejaini na masumu, ² atina e bohela, pepe engebene na maluli ma bato, kasi engebene na bopala bo Njambe, a bihole bidikai atina ende atei e munu. ³ Ekoki, na boa, boda atei e ehole enoo ekokisama bopala bo bapakano, maluli ma mokuku, lilango limana, bonoja ligola pe bomwaka, pe manga mabe ma bikeko. ⁴ Oko bo oneni bo ekokaniti bo otadani nabu atei e bobunga na boko mijo mibe, pe babalaka bobe atine enu. ⁵ Basambabi adi iyo alengelemi bo asambejae bago na bato badi na bomo. ⁶ Te ngasa miako mipele misakolama koko ai bago, atina bo, bahele engebene na Njambe ahole e mwembo. ⁷ Suka e ngando jisusu emei mbuti. Dani na bwanya pe na bosatiteja, tina e bodalani a bingeli. ⁸ Boso bosusu, dani atei enu na epaeli enene, zambi epaele ekakunde masusu manene. ⁹ Kooni boyambi atei enu taka na mihimo. ¹⁰ Elenge o bapi ba ngolu bike ba Njambe, bo omoti onu ase ta mosala e bakina kabo edia yo, ¹¹ Ekada bo moto omoti asalaka mosala momoti, ae sale engebene na ngulu bo Njambe amopaka, atina bo atei e ngando jisusu Njambe adae mosakoake a nzea e Yesu Klisto, edi e ndani ngolu pe na nguya ai bianga na bianga. Edae bowa ! ¹² Bapalani, pe bokamoa te, elenge bo eka etongo ekameani no, na mosa mo gehene iye edi ndanda enu tina ebo saa na ta bomekama. ¹³ Dani na sepi, nongo ko na ngambo ediabi no minongo mi Klisto, atina bo odaeni koko atei e sepi pe esenge ope suka ehole esanemeja yo ngolu ende. ¹⁴ Ekada bo odi pe tina e kombe e Klisto, odi moto o sepi, edi bomwembo mo ngolu, mwembo mo Njambe modi diko di we. ¹⁵ Pe moto atei enu, na boa, ata nonongo elenge moweli o bato, to mobi, to moto mobe, to elenge bosasa ta ngando ji babina. ¹⁶ Kasi ekada bo moto omoti akaka saya elenge moyi Yesu, adata na ekina na boo, pe oko bo asakoe Njambe a mojo mo kombe ende. ¹⁷ Zambi edi ehole ani esambi ebanda a nzea e ndako e Njambe. Kasi, ekada bo nde na nzea esu esambi ya banda, eda ndani suka e iba batasumaka miako mipele mi Njambe ? ¹⁸ Pe ekada bo moto sembo asa heleja na saya, emeya ndani adi moto e pe seno pe o moto o masumu? ¹⁹ Na boa, bo ibaya baa nongomoko engebene Njambe basombejaka membo mibu ai Moyoli mopele, na bokooko iye edi epele.