¹ Bali, dani na isuma adi bami banu, natina bo ekada bo moto omoti atatosaka mwako te, adiame zanga e mwako a nzea e moda mo bali babu, ² na boeneke ndenge e boda bonu e pe boda na bali pe bakongoa. ³ Dani, pepe na boonene bo sokolu iye ediama atei e boyoa soe, bosasinga bisingeli bi wolo, to bisenja bilekeno, ⁴ kasi boonene bo tei pe bobaneimi a tei molema, boseno bo pe yogo e mwembo momoti mo bopolo pe kimia, iye edi mobuno monene boso bo Njambe. ⁵ Na boa enemejaka mbala ekina bali iba baleke na Njambe, na lisuma ai bami babu, ⁶ elenge Sala, iyo asumaka ai Abalayama pe amobeaka Kumu ombi. Na nde bo omeini babali, na bokooko iye edi epele, zanga na bosakina na mobulu a nzea e boo ekina. ⁷ inejani a mbala enu bwanya atei masolo manu na bali, elenge na munu motau bonoo; bakumejani, elenge boso koko bosangola na ngolu e bomoi nanu. Edae boa, atina bo pe eka eta doa bosa ibaku a bingeli binu. ⁸ Boa, dani balumake na bileli bimoti pe ameti na sepi, bilumi na epaeli e bangene, na wa, na bosatiteja. ⁹ Pe bosombeja bobe diko di bobe, to masingi diko di masingi; pamboani, na ndenge esusu, te ngasa edi ai yo abeamani, atina bosangola malakeli mapele. ¹⁰ Ekada moto, boa, pala bomoi pe boone masu ma esengo, iyo abaneaka yemi na bobe pe monoko monde na mwiako mi bokosea, ¹¹ asadongeje na bobe pe akoe bopele, aduke kimia pe akimane mo; ¹² te ngasa miso ma Kumu madi diko di bato ba soti pe matoi ma nde makake na opele maanga mabu, kasi boso bo Kumu botelemelaka bakomeli ba bobe. ¹³ Pe iye enyokolaka no, ekada bo adi na bowi tina e bopele? ¹⁴ Boa, ehole enongomoko no tina sembo, odabi na sepi. pe odia boo adibo. pe oda mobungisamake ¹⁵ Kasi sa bulisamani Yesu Kumu atei e milemi minu, adi na osusu moneli onu, na molema moyembu et lisuma, boso na iyo osengabini atina e elikya edi atei enu, ¹⁶ pe nabodaka na bomoto bopele, atina bo, ameti naiye to ba tangolaka no elenge odakini bato babe, ibaba ba bangana dea na moda monu atei e Klisto bodi bolumake na mobulungano. ¹⁷ Zambi edi na bopele bonongomo, ekada bo yena edii bopala bo Njambe, na bosalaka bopele pe na bosalaka bobe. ¹⁸ Klisto koko a nongomo mbala emoti tina e masumu, yo moto o sembo tina e bato bajangi sembo, atina e boimeja ai Njambe, asapaka a yogo ehole e daka yo a munu, kasi asapusoa yo atei e mwembo, ¹⁹ atei emina koko akee bookoja ai membo mi booko, ²⁰ iye mbala ekina badaka bapakano, ehole molema moyai mo Njambe modi moyai, a masu ma Nowa, ehole etongaka bo masuwa, ani bato bakeke, ebali bo, omwambe badia mohelo a tei e madiba. ²¹ Madiba mana madaka boso bo libatisi, iye editi bosasosa na bobe bi mokuku, kasi bookana bo bojebi adi Njambe, pe iye ehelejakono, no koko, a nzea e lisekwa bo Yesu Klisto, ²² iyo adi a ebo e bami e Njambe, banda akeyo o diko, pe bo ba obwenji, makumu pe na makombe, bamosumaka.