¹ bodumba oko to mayele masusu mabe pe bokosea, boswele, mposa, pe mabeli masusu mabe, ² palani elenge benge babotami asika, baekoko na mwembo pe boseno, te ngasa ta njia ende esakemi na na mohelo, ³ sa lindani adiyo, pe itia ibohela, idumbama na bato, kasi iponomi pe ikumejami iboso i njambe, ⁴ pe ino meene, elenge Matai na mohelo, sapingejani atina botongemi edeli e membo, mosala mo Njambe Mosantu; ⁵ atina e bopa bagweya membo, na bopele adi Njambe na nzia e Yesu Klisto. ⁶ Te ngasa ebalama a tei makomi bo: inja, naisaka ta Siona litai edi na matumu, ihomi, ikumejami; pe moto iyo olijimea ata bulunganabi te. ⁷ Bokumu ladae meene adino, ibi bajimeaka. Kasi e bato bataki ejimeli, litai lidumbama adi babatisaka limei litumu li soti, pe litai li bopengoja pe igbukutele ibokwejama. ⁸ Bakaboma atina bobajimeisi te liloba, pe edima ena alomama bo. ⁹ Ino, na bokeseni, odini mboto ehomo, ta bonganga boKumu, ekolo esanti, bato ibi bateaama, atina boo otonoeni mabongi ma moto iyo wa obeani ba modidi ta bopala bonde bo bowu. ¹⁰ Ino ibi mbala ekina oi dakabini moto, pe ededi ye odini bato ba Njambe, ino odiakini te wa e Njambe, pe ededi ye oe dini. ¹¹ Bapalani, nalendisaka no, enge modowa pe moto mobembo a ngondo ye, a pe bosapa na bilulela bo mini iye ekane etumba na mwembo. ¹² Dani na moda mopelel atei e bapakano, a tina bo yana ameti basingaka no enge edaka bo odini bakoi ba ngando jibe, bane misala mipele minu, pe basakoe Njambe, disu idi aba inja. ¹³ Dani na lisuma, a mojo moKumu, a bakumu basama ai bato basusu, kako adi Kumu iyo adalejaka, ¹⁴ kako ai baKumu ba bingumba enge balomami a nzea ende tina bopa bitumbu ai baoi bobe pe tina e bojimeja bato bapele. ¹⁵ Te ngasa edi bopala bo Njambe na bosalaka opele okutolaka na bogo bato ba taka e lisosoli na melo midala, ¹⁶ bada somi, zanga boko soti esenge e bodipa molo iye edipaka bato ba kele, kasi basala enge basaleli ba Njambe. ¹⁷ Tosa moto mosusu; pala ngene owe, banga Njambe, kumeja mokonji. ¹⁸ Mosali, danibasumi na bobanga bosusu bo balakisibanu, pe bo aye badi bapele na molema moyembu, kasi kokona iba badi na mida mipipo. ¹⁹ Zambi edi ekina ngolu e bopea molema ta minongo a nzea e bojeba Njambe, ehole enongomoko ta taka e soti. ²⁰ Na boa, ngolu eni edi ta bopea molema na bonongoma tina e boko libunga ? Kasi okapea molema na monongo ehole esalakano iye bopele, edi ngolu ekina boso bo Njambe. ²¹ Pe edi bo atina emina odini babeami, zambibo Klisto koko anongomo atina enu, akineano ndakisa, atina bo osuseni matambe ma nde. ²² Iyo aiko nongo lisumu limoti, pe ata monoko mu boimana bokesea te, ²³ Iyo, asingama, ai sombeja na masingi, anongomoko , ai kanela obe te, kasi asapak ai yo asambeja soti. ²⁴ Iyo atomba yo meene masumu masu ta, mokuku monde bodie bomoi tina e sombo; Iyo a nzea e mapipi ma mokuku mo nde odiini mohelo. ²⁵ Zambi odakabini enge pate ibungake kasi edeye, osombini adi mobanei o mwembo.