¹ Injani malendisi ma mapaka mbi ai basuku ibi badi atei enu, mbi mosuku enge bo, motatoli o minongo mi Klisto, pe iyo odaka ta ngolu iye iboani bosanemeja: ² Kambani bodenga bo pate e Njambe iyi ebaneamaka nawe, pepe a nzea e kpokoso, kasi na bopala meene, engebene Njambe; kasi pepe atina e lifuti li libe te, kasi na bosapa; ³ pepe bobakonja elenge bakabolini no bo badi banu, kasi na bodaka ndakisa e etonga e pate. ⁴ Pe ehole mokonji o babanei aduabi, odiabini egbala e kembo iye ezangi bobea. ⁵ Na ameti, no iba badi banzeneneke, dani na lisuma adi basuku. Pe basusu, atei e masolo manu, luani bosatiteja; te ngasa Njambe akatelemele bato ba enjombo, Kasi aka koe ngolu ai bato ba bosatiteja. ⁶ Satitejanii tatei e nguuya e ebo e Njambe, atina bo angojo no a ehole epali yo; ⁷ pe titejanani diko di nde muna inu, zambi yo meene abanea no. ⁸ Dani bato ba bosatiteja, senjelani. Monguna onu, mongoli, ahombaka dea elenge kosi iyo ongulumaka des, bodukaka ndani aboani momoyaka. ⁹ Motemelani na ejimeli epingake, na bojeba bo minongo mia mipami ai ba ngene banu atei e ngondo. ¹⁰ Njambe o ngolu esusu, iyo abea no a Yesu Klisto na kebo ende e pe suka, ngongo bo odieni minongo mi ehole ekeke, e bongeja no yo meene, opingani ne ejimeli, epingejani no, eimeja no. ¹¹ Adi yo edae nguya a bianga na bianga! edae boa! ¹² Edi a nzea e Silivano, adi ngene o ejimeli ameti nasu a miso ma mbi, kinani nosoneni no ba bikenge bi maloba atina ebo pingejani pe boineja bo bo ngolu e Njambe iye epeli no edi e soti meene. ¹³ Etonga eba homi edi a Babilona bapino epaeli, na Malako koko mwana ombi. ¹⁴ Pani epaeli atei enu na bipwepwe bi epaeli, kina bo bowii bodae atei enu basusu ibi badi atei e Klisto.