¹ Loli boka botongo na bosusu atei ebino eli na mbindo, pe mbindo iyebo ota elia te nongo atei e bapagano, na elenge ye bo omoti atei enu alia mwali o sango onde. ² Pe olumini na njombo! Pe oli lani te atei e mawa ma nene, natina bo iyo okoi ekela iyena olonga atei enu? ³ Poji mbi, naliti te na mokuku, kasi nali na mwembo, nasambija ehele, nongo nalaka ena, iyo oko ekela ndenge iyena. ⁴ Na kombe e Kumu Klisto, ino mpe mwembo mombi bolaka esika emoti na ngulu e Kumu Yesu, ⁵ Bo moto yona alumbame ali Satana poji bobejama bo munu, poji bo mwembo mohele liswi li Kumu Yesu. ⁶ Eli bopele na libunga elini bosa gondani. Ojebitini te bo ndambo e fulu ekanngoje pati e mapa? ⁷ Bungijani fulu iye eyou, na tina bo olaeni pati esika, poji bo odini janga na fulu, te ngasa Klisto, pasika e biso, a pama mbeka. ⁸ Losambeleni koko eyenga, pepe na fulu iye eyou, pepe na fulu iye mayele mabe pe iye e kanda, kasi na mapa ima majangi fulu e petojami pe iye e sembo. ⁹ Na komeya ino atei e mosono mombi bo otalani na bomoko na bato babe te, - ¹⁰ Pepe na elenge esusu na bato babe ba iye ngondo, to pe na bato ba bwiba pe iba bakakatoe, to pe na basambeli ba bikeko; na elenge ekina, esengeli na nu esotoe ni a ngondo. ¹¹ Sikaye, iye ekomei bi no, elibo otalani na bomoko na moto iyo bo, ebiamaka ngene, ali mobe, to molema mobe, to pe mosambeli o bikeko, to pe omatumoli, to pe o milangwa, to pe okakatoe leka, bo teyakani na moto ndenge iyona te. ¹² Elimbi na ye, na buwa, e bosambija bato ba sokolu? Eliti iba bateyi iba basambija no? ¹³ Poji ba ba sokolu, Njambe abasambija. Longejani moto o kanda atei enu.