¹ Na buwa, bahokei iso nongo basali ba Klisto, pe bapaka mabombami ma Njambe. ² Na iye eliki, iye ehojoko bo na iba bapaka, ili bo omoti o moti bamotanie sembo. ³ Poji mbai, eliti na litomba mundi alimbi bo nasambejame na nu, te pe na ngange e bato. naliti bosa sambeja mbi mene, ⁴ poji bo naliti bosaka bo nakwi na likmbo limoti te; kasi iditi poji mina koko naliya sembo. Iyo osambijaka mbi, edi Kumu. ⁵ Na tina yena te sambejani boso bo tango, kino bo Kumu aluwe, iyo oinejale a bwase iye ebolami atei e molili, pe iyo o inejalea posa ji milema. Na buwa o moti o moti a liale ali Njambe bokumijama ibu bobongi na nde. ⁶ Edi na tina enu, ba ngene, nadi boko na makambo ima makambo ma bomoto bo mbi pe bo Apolo, na tina bo o liyeni na bomoto bo su pepe bokeke aliko li iye ekomama, pe pepe moto atei e nu ata liya njombo nalisungi li moto botemela o kina. ⁷ Te ngasa ili yani oli bobakabola? odi na yeni iyo oli liya te? Pe oliya, poji yeni olio bosa kumija, ninga bo oli maliya te? ⁸ Ehele ino ogolini, ehele olini bakumi, janga na su ino obandani bolia lokumu, Pe olieni lokumu na buma, na tina bo iso pe lo liye lokumu na nu! ⁹ Te ngasa Njambe, ili bo hulana na mbi, a koi iso, ba toma, basuka ali bato, baliama na yogo na elenge ekina, poji bo iso lolaka na masanu a ngondo, ali banjelu mpe ali bato. ¹⁰ Lodi na mobuwa poji Klisto, kasi ino, olini na bwanya ali Klisto; loli bwembu, kasi ino olini na ngulu. ozwini lokumumu, pe iso lo tiolami! ¹¹ Kino ohole iye, loli bo ina na nza, na posa e maliba, mbundu; loki minyoko, balala iya pe bo; ¹² iso loli bombe boko mosala na momo masu bene; lo loleami, loli bopambola; lo nyokwami, loli bopia molema; ¹³ Batondo bobe nasu, loli bobala na bopele; loi meyi ninga bosoto bo ngondo, iye ekiyami atei eleka bosusu, kino sikaye. ¹⁴ Eliti poji i bopaji bopa ino soni te soko nakomi makambo ima, kasi nali bokebisa ino ninga bana ba mbi bapalama. ¹⁵ Poji bo, ehole eliale no balakisi koto lomi atei e Klisto, olitini nabuwa na ba sangobato bula te, poji bo elimbi iyo oboti ino atei e Klisto na njia e sango epele. ¹⁶ Nali bolapa ino bo, olayeni bamekoli ba mbi. ¹⁷ Na poji mina na lomei ino Timote, iyo oli mwana ombi mopalami pe sembo atei e Nkumu; akundolelia nu banjia ndani imbi ali Klisto, ndenge ndani eka pembi mateya bisika bisusu atei e mingombo misusu. ¹⁸ Bakina balumi na njombo, nongo bo nali kokaka te bokeoooo ali nu te. ¹⁹ Kasi nakelia eli nu iya leli, eka la posa e Kumu, pe najeba lia, pepe meko, kasi nguya e iba basa lumija na njombo. ²⁰ Te ngasa bokonji bo Njambe boliti etei e meko te, kasi atei e nguya. ²¹ Edimeyi ino ye? Bo bake ali nu na lingenda, to na bolingo pe atei e elimo e bongo?