¹ Na kwa enga, paka bakwa ya ngemenaki na ebweli te. ² paka bete ba mboo balii bato beyua,bato ngito,bato ba babani,bato ba babongi na ebweli,kalebabato,na meleme osaa. ³ Paka bete bamboo ba bakaba bebate benza ngemeneke na lenza,ka balii na mazombime monyenye,ka bee pe na maana;bape lewane monza, ⁴ na kwa bete bowane bami bakaba bobaa balo bongobu pe bami bongobu, ⁵ bebate,bedeesi,baze masalame ma ngbale,bonza,bali kasina ya balo bongobu, na kwa bete bazee n'oo wa Kunzi. ⁶ Owane bapandala bete ba paane, ⁷ wemangene a lewane na bakwa yaazu gobe ekengiseli ta bakwa enzanza,a bo pa ewane moza ma bongi, ⁸ noo omoti enza,wa kana n'kpamana ko na kwa bete moto nye adaa,kaka ali na kwa ya epaka na bosu. ⁹ Owane ba manga bete bali kasina ya bakumu bongobu,ala bopa sote na bakwa yaazu,kabakome kwa ye bapaka. ¹⁰ kabayibi tomate,kasi ba wane bongii to babiti yaazu,na kwa bete bayusaki noo wa Kunzi moto ma ewesi. ¹¹ Na kwa bete mbali ya Kunzi,legbutu la liba na kwa ya bato baazu,amenane. ¹² Ema meli bosu bete tade bakwa benyenye pe n'fio wa n'galu,pe bike ka n'galu we ngemeneke na yipe ya kwa,bongi to pe na bonza, ¹³ ata lambe lepako lenza,pe menane ya bowonge ba Kunzi mosii na moto me ewesi bosu Yesu-Klisto. ¹⁴ Ma epi yi mangene na kwa engbosu,na kwa bete esombe bosu,na bonye baazu,pe bete edeesi bosu bato bonge,bayi ososaki pe batumi na sote na kwa ya ba kwa be nzanza. ¹⁵ Paka bakwa ye,wanisa,pe sileke,na lekumu laazu. Do bete ka botepe.