¹ Obusele bete be kisi ka bakumu,balii na botua,ba ngeme na ba kwa yaazu enzanza, ² Ka ba n'songele moto ndaa ,balii na meleme onza,ba pane,balii bewii na bato baazu. ³ Na kwa bete bosu goto,ta likiki ba pepe bato ba m'moe okpekpe,bato ba bungaki peesi ba zeeli ba kwa yaazu enynye pe ta baa ba kwa be nyenye,ta likiki ka sina ya ngayi pe ka n'fio,ala bekomo,ala ta komono. ⁴ Kasi,ngbele ya bonza ba kunzi me ewosi pe lebabato le ngee na kwa ya bato ewanisi, ⁵ Ewosi bosu ka na kwa ya bakwa enzanza ya tazii,kasi ngemene na bodoki bongee,na peesi ya batisimo ya epaasa na sumue ma kunzi. ⁶ Me eduuli bosu na lebualaazi na peesi ya Yesu-klisto moto ma ewosi, ⁷ Na kwa bete,besuli na mbali engee,ta dee,a tabisa meleme,ba mi ba madaa ma kunzi na kwa lewa le ngee. ⁸ Noo we ale gobo,pe me na baale bete we obusili ba kwa ye,na bete ka ba babwii kunzi bazee ba kwa be nzanza. ⁹ Owane bamanga bete bali kasina ya bakumu bongobu,ala bopa sote na bakwa yaazu,kabakome kwa ye bapaka. ¹⁰ Otea bato bua,n'tinde wa le wane maa mbola pe maa n'tinda,mogole amee gbanake, ¹¹ oyipi bete moto mo gobe na moo adii se peesi anyaise,ale gwisa yi ma ngene. ¹² Ngbele ya no tise Atemasi to Tisike,zabegala o bii etane ka Nikopoli;na kwa bete wo ndi na soosa pee engame wo. ¹³ ngemisa n'noe wa Zena,ba sangi ma magbeseleneki,pe na Apolo,na kwa bete ka bazange tomate. ¹⁴ Angemeni bete bongbosu goto bazee bakwa beenzanza na kwa yanzaa elo,ka balii mbaso yazangi mbue. ¹⁵ Baazu ba ba le na me soyi emoti bopii n'sambi. Opa ba be baale bosu n'sambi ka ebueli te. Do bete mbali a lii na we.