¹ Paulo,mange ma Kunzi,moto meteya ma Yesu-Klisto na kwa buya bato Kunzi oponi ipe ya solo ya ngemeneki na bo satu, ² Yalia bisa meleme bomoi bazangi kwa,lepako la paki ndele Kunzi ma kalusanake. Pe awanisi nzombi gbele engee na peesi ya lewane ma epi na me ngemeneke na egbeseleneki ta Kunzi moto ma ewesa, ³ mamenisi n'zombi na ngbele ngee na pesii ya noo wa Kunzi ondele epime na magbeseleneki ma Kunzi me wosi,- ⁴ Ka Tito,mi mongame mana n'boti nga ngbosu ka ebueli:do bete mbali pe bo dee aliina we de na n'palu wa Kunzi abasu pe yesu-klisto moto ma ewosi! ⁵ No dii ka Kelete,na kwa bete ongemisi,ba kwa ya ka ngemani,pe bete,ngemene na magbeseleneki mongame,obisi bato bo kpekpe ka ma n'gime maazu, ⁶ agobe moto ma ka na kwa alii koo,molo ma nka m'moti,ma ale na bami bonza,ka ba n'songele na kwa ya kabe ba kaba pe na moe opkepke. ⁷ Nakwa bete moto ma abata ngbale ya Kunzi,gobe moto ma abata ba soyi ya Kunzi;kakali na moe okpekpe,na ngai,na maana,na wokeke,kakaze ba kwa be nyenye; ⁸ kasi alii moto ma okponeke bato,da na bato bonzanza,ba ba paani,bato ngito,bo nza,ba bakisi meleme, ⁹ Ba bekpoteli na noo onza wa Kunzi wa ba moi,na kwa bete balua wanise ka badabu ngemeneke na ebueli pe bete bokande bato ba bakomo kangaka. ¹⁰ Ale,nagobo,na bato baboteni epope,bato bo bwa bo nyee,na ma n'zombime mo nyenye pe bogeisa bato na dii, ¹¹ ba abongi bete okaande ka ngaka. Bawusale man'kopome maazu,ala bo wane bato ba kwa benyenye ya ka ngemani bete bowane. ¹² Moti mo ngobu,ba sangi mo ngobu mangene,apaki bete:ba nzeu balee na ndaa,ba nyama ba ngai,bete balee ba poa. ¹³ kwa ye alee gobo. Kwa yiya ndi okpameneke be gbee,na kwa bete ba lii na ebueli ta angemeni, ¹⁴ ka bee kpotele na mato ma Bayuda pe na magbeseleneki ma bato ye opupisalee bato kapeesi. ¹⁵ Yaazu alee enza na kwa ya bato bo nzanza;kasi kwa enza ka na kwa ya bato bo nyenye pe na engbandeli,yipe ya kwa engobu pe moo ongobu apoito. ¹⁶ Bapakale bete bu ba n'yipito Kunzi,ndi ala ban'komo na ba kwa ya bazalee,gobe ba nyaise,bato ba moo okpekpe,baa luwa kwa na pe moti enza.