¹ Na yatika,mamame,tuma na sote ka Kumu. Na gwakele bete nokoleleke bakwa pe emoti ye,na kwa ye ngaa ale kwa enza. ² E batani na ba nvaa,ebatani na bato be nyenye,ebatani na bato ba bo teni epopee. ³ Na kwa bete bosu ndu beteni epope,ba ta sisalele kunzi ma boloni na peesi ya sumue mo engee,ma ta n'yusakale ka Yesu-Klisto,ma tabisile meleme ongbosu na kwa ya nzoe. ⁴ Me goto,gobo,na likiki go moto ma na kemaa ba kwa ya nzoe. ⁵ Me,ma be teni epope ntinde wa ba biti mwambe,ka nkopo wa yisalaele,ka nkopo wa benyamina,moto ma ebele ba boti ebele;ngemeneke na magbeseleneki,ma ba falisayi; ⁶ Na kwa ya sote,moto ma nyokele ngbale ya kunzi;ka na n'kpamanako,ngemene na magbeseleneki maazu ⁷ Ba kwa endele alikiki ka ngame gobe kwa enzaa,na menale gobe lewumana,na kwa ya Klisto. ⁸ Na menale ba kwa yo yaazu gobe lewumana, na kwa gobe na n'yipi Yesu-Klisto Kumu mo ngame,ma na kwa engee na komi ba kwa yaazu,enamondale gobe nkpodo,na kwa bete na n'nuu Klisto, ⁹ Bete na menane ka ngee ka na bonzaa bo ngame,ba adi ka magbeselekeni,kasi ma baluale na peesi ya bue ka Yesu-Klisto,bonzaa ba adole ka kunzi na peesi ya ebueli, ¹⁰ Na kwa ya yipe Klisto pe ngwi ya lezusua le ngee,pe lie nayi soyi emoti ka bodoki ba ngee,ngemeneke nayi ka ngee ka kawa,na bete odee, ¹¹ Aa gobe na lua, ka le zusua la bato ba bakwi. ¹² Ka le bete alii na lua kwayiya,songo bete alii na de moto monzaa;kasi na tetele le mbagu,na kwa bete na kpota,na kwa bete Yesu ekpota ndele megoto. ¹³ Ba mamame,naakemele bete alii na kpota, kasi na zaale kwa emoti:na boselele ba kwa ya soyi pe na n'dee ba kwa ya ka ngame ka mbola, ¹⁴ Na tetele le mbagu m'palu wa kwa esii,na kwa bete na luu tomate te sii ma be emai ka golo,ma kunzi ka Yesu-Klisto. 5 Bosu baazu ba ta lebonzaa,ta lii na nkemano we;pe aa gobe odee alokemana be boo,kunzi omenisato kwa be ngbee.gobe ta dese wane ta tange na etindi te moti. ¹⁷ Emakukani me bonu baazu,ba mamame,pe omondani bato ba batangale ngemeneke gobe ma mameni ka ngbosu. ¹⁸ Na kwa bete bato bo bua ndu ba kpotole gobe ba bankula ba ekulusu ta klisto,na mopaki mbala nambala,na pakale gbene wane ala na gama. ¹⁹ Sunge engobu alia pa le wumana,kunzi mongobu ndi sopo engobu,bo bu bongobu ndi eyua te ngobu,bakemakaka pa ba kwa ya ngali. ²⁰ kasi ngalu o ngbosu ndua ke golo,ko ndi ta nambele moto ma ewosi yesu -kliisto , 1 ma apasa nzoe ya bo dee engbosu,pe bete adeesigobe nzoe ya bowongee bo ngee,na ngwi ya lisii ba kwa yaazu.