¹ Kwa yiya ndi,ba lebabato,pe ba mamame be eyuwa,bonu ba malee sote pe eyuwa tengame yengani be gbee ka Kumu,ba lebabato! ² Na mpaka lee na Evodi pe na mpaka lee na Sitiki bete ba lii na nkemano omoti ka Kumu. ³ We go to,dame ma nsale,go bo,na mobolole bete mo nsungi,bu ba ba duu nkando na kwa ya nsangi na me soyi emoti na me,na Kelema na ba dasu bo dana baa nsale,bo mana mo ngobo nduma ka buku ya lewa. ⁴ Tumani na sote ba biti yaazu ka Kunzi;na siliki go to, tumani na sote. ⁵ Do bete bo dee bonbgonu ayii pani na bato baazu. Kumu adese ekudu. ⁶ Kama nkemane na kwa emoti;na ba kwa yaazu wanisani nkemano ongbonu ka Kunzi na peesi ya maboloni,na mansalame ma mbali. ⁷ Pe bode ba Kunzi, ba asoyi yipe ba kwa yaazu,abata to mele mongbonu pe nkemano mongbonu ka Yesu-Klisto. ⁸ Na ya tika,ba mamame,do bete yaazu ya alee enza,ya alee na botuwa, ya alee ngiito,enza,ya lebabato,ya ngemeneki na yuseke,ya alee na ngwi bete ba yusaki,alii nkemano onbgonu. ⁹ Ya ma moyi,ya ma luu,ya ma yipi ka nga me,pe ya ma meni ka ngame,zeele ni. Pe Kunzi ma bodee aliya na bonu. ¹⁰ Na menesi sote esii ka Kunzi na kwa ye bete masiliki nkemano ongbonu na kwa engame;makemi enzaa,kasi ma luu ntango wa zee. ¹¹ Kale na kwa ya baa ba soyi ndi na pakale go bo,na kwa bete gobe na lee wone angemito. ¹² Na yipi liye ka ekisa,pe na yipi liye na eluwa. Na yaazu pe ba soyi yaazu na yipi mwe ya nzaa pe kute,liye na basoyi, pe liye na nzaa. ¹³ Me na luwa ba kwa yiya na peesi ma moto ma ebipisakale. ¹⁴ Mazi enzaa gobe ma vi kwa enga me nga na likiki ka egoni. ¹⁵ Ma yipi bonu mangini,ba Filipo,mbole wa lekpeta la sangi,ngbele ya na gii ka Makedoniya,ngbale ya Kunzi na pa emoti ke yipisi me na kwa ya ba soyi na likiki ba luwa;pa bonu mangini ndu ma zii, ¹⁶ na kwa bete alii me tise ka Tesaloniki,mbala ebale ba soyi na kwa bete na zelee. ¹⁷ Ka lee bete na ka balee ba soyi;na ka ba lee nde mbwe ebuwa na kwa engbonu. ¹⁸ Na luu yaazu,pe na tumi na ba soyi;na tumi na ba soyi,na luu na peesi ya Epafolodite ya dii ka ngbonu, gobe malasi ma soyi enzaa,legapo lee Kunzi abaa,pe lee yii abuwe. ¹⁹ Pe Kunzi mongame opato bonu eluwa taazu ngemeneke gobe yii ya baa ne yuwa,ka Yesu-Klisto. ²⁰ Ka Kunzi pe abasu leyuwa na boonge ba ngbele yaazu! Pa gobo! ²¹ Obaleni bato bo nzanza baazu ka Yesu-Klisto. Ba mamasu baba lee na me soyi emoti ba mo bali to. ²² Bato ba Kunzi baazu ba mo bali,sweke bato ba ka ngbale ya Kaisala. ²³ Do bete mbali ya Kumu Yesu-Klisto a lii na sumuwe mo ngaa!