¹ Alia bete kisee ya meleme ndi alii ka Klisto,alia bete bibeke emoti ndi alii ka le babato,alia bete liee soi emoti na sumi ndi alii alia bete bodoki bo moti ndu balii na meleme onza, ² tumisani sote engami,ma lii na nkemano omoti,lebabato lemoti,meleme omoti,nkemano omoti. ³ Ka maazee kwa emoti na meleme waa gbaake to na lewole,do bete ekisaa amo menisi bete bo dana ba mo soyi to bonu maangini. ⁴ Do bete moti mongbonu,ne soyi bete amene ba soyi engee mengene amene ya badee goto. ⁵ Liani na nkamano o Yesu-Klisto alii na wu, ⁶ osina,alii kiki gobe Kunzi,ka vi kwa yiya go be tomate ta koope na kwa bete engemeneke na Kunzi, ⁷ ndi ekisi yii mangini,adee maange,adee gobe bato baazu; ⁸ pe amenani gobe moto waazu,ekisi yii mangini,ekisi na botuwa tii paka kuwa,tii ka kuwa ka mbaaso wa ba ngbaleki. ⁹ Kwa yiya ndii Kunzi abasi,pe ampi lina la soyi mana maazu, ¹⁰ na kwa bete na lina la Yesu be dikpa baazu be pii naa se alia ka golo,alia ka dodo,alia ka sina ya doote, ¹¹ pe bete nga ke yaazu akpete bete Yesu-Klisto ndi Kumu,na kwa ya boonge ba Kunzi Aba. ¹² Na gobo,ba lebabato,gobe ma lii na botuwa ba biti yaazu,zani nsale na kwa ya lewa le ngbonu na boo pe na kitimene,ka pa na kwa bete na lee na bonu soyi emoti,songo pa na lii mayi na bonu; ¹³ na kwa bete Kunzi nda azale bete ma lii na baa ya kwa pe zee ya kwa,ngemeneke na ye yii abayi ¹⁴ Zani ba kwa yaazu ka na ndungumeke ka na nkemano onyee, 5 na kwa bete ma lii bato bonza,bami ba Kunzi ba babale na kwa ka nkopo wa lee na lewole pe apoyi,n'esoyi ya ma peele gobe boku ka ngaalu, ¹⁶ mave nzombi wa lewa;na kwa yiya ndi me ne wanele, na biti ya Klisto,bete na teti kongo na zii nsale wa kongo. ¹⁷ Songo na kwa na kwa ya nsale wa ebweli te ngbonu ,na geya na sote,pe na tumi na sote na kwa enbgonu. ¹⁸ Bonu pe goto tumani na sote goto,liyani na sote na me. ¹⁹ Nakemalee na peesi ya Kumu Yesu bete na motisi Timote,na kwa bete na bipaki me mangini na ba kwa ya na woole enbgonu. ²⁰ Na kwa bete na lee na moto wane ma luwa ba kwa engame na kwa bete aluwa ba kwa enbgonu; ²¹ baazu,na gobo, bakabalee pa mpupe ongobu maangini,ndi ka wa Yesu-Klisto. ²² Ma moyi ndele bete ebisi naa mabandani,yii mengene egapi na kwa ya sangi na me soyi emoti,gobe mi na abe. ²³ Na kemale bete na motisi ngbele na me na bete angemenekito na kwa engame; ²⁴ na mbisili Kumu meleme be te memengene na bwa goto naa na geya. ²⁵ Na kemi bete na motisi mamame Epafolodite,dame maa nsale pe maa nkando,mondele na peesi engee me tisi ba soyi ya zeele. ²⁶ Na kwa bete abayi bete amomene baazu,na kwa nzoe engee alii kiki angaa. ²⁷ Alii kiki na engalee,na gobo,ekudu na kwa Kunzi a woole bodoki,ka pa yii maangini,na me goto, na kwa bete n'bgengo ka lengeleke. ²⁸ Na nteyi na meleme waazu,na kwa bete matumi na sote naa ma mena,pe bete me na luu sote. ²⁹ Nvani go be mamanu ka Kumu na sote yaazu,moyusaki bato bo gobe na boo. ³⁰ Na kwa bete na kwa ya nsale wa Klisto ndi andikuwa,egapi na kwa bete aze nsale na soyi enbgonu