¹ Aa mazusua ka kwa na Klisto,kabakani bakwa ya kogolo,nasoyi ye Klisto ali keboo te baloo ta Kunzi. ² Sote engbonu alii na ba kwa y'egelo,ka kalii na bakwa ya n'gali. ³ Na kwa bete alii makwaa, lewoa engbonu Kunzi amobati. ⁴ Napesi ya Klisto,ngbele lewoa lengbonu Klisto amenana bonu goto,mamonana nayi na sota. ⁵ Do bete ba kwa ya n'gali,akwi ka ngbonu epana kwa ya bakaba bonye,epana ba kwa enyenye,ba kwa enyenye ya mabaa ya batolo. ⁶ Alee nakwa engbonu ndi ngayi ya Kunzi aliyalee na ye bamii b'enzenge, ⁷ maa malikikindele makpoto nabu,ngbele malikiki na bakwa enyenye. ⁸ Sikasika wane,belani bakwa yaasu,ya bangayi,bakwa enyenye,m'meleme onye,buneleki ndaa,n'zombi ya pupale ka ngake ya ndaa. ⁹ Kaa malusanaki,donanoni na malo mondele na ba kwa engee, ¹⁰ ta nzuba molo monzongo,m'epasale,na yipe ya kwa,ngemeneke na mato m'azi. ¹¹ Wane Bayela bane Bayuda bane, bato boteni epope bane,bato bebo bane,babiyaa bamangime bane,m'ange kane,bato b'eyua bane,Klisto ale ka bato baasu na kwa ye baasu. ¹² Nde wane,gobe bato bo Kunzi omayi,malebabato monza,do bete malii na meleme ya bodoki,bonza,ekisa,kise ya meleme,na liye na meleme osaa. ¹³ Kpota ka melema moto na de,aa gobe moto moti a lina na kwa bete asongele de kaa k'asongele,goto,gobe Klisto obinaki bonu,bonu ebinekami. ¹⁴ N'tinde ya bakwa yaasu tubani lebabato,lale n'niki ya bonza. ¹⁵ Do bete bode,ba Klisto,mamomayi maze nzowe emoti,alii kangbonu kamelema,pemeyipi gobo. ¹⁶ Do bete n'zombi ya Klisto atumi kangbonu,pananani lewane na ndate,na mambo,na ndungumeke,na mambo ma Kunzi, aliya manduwa ka Kunzi kangbonu kamelema kasina ya mbali. ¹⁷ Yazu ya maza,ka n'zombi ka n'sala,zani yaasu na lina la Kumu Yesu,aliya masisele Kunzi abasu modo. ¹⁸ Bakaba,ekisani m'bole ya ba mbonyanu,gobe angemeki ka Kumu. ¹⁹ Balo,obaani bakaba bongbonu,pekase moo menele. ²⁰ Bami,liyani na bobuwa naba kwa yazu ka bato ba moboti,na kwa bete kwa yia asonele Kumu. ²¹ B'Aba,kaa moo bande bami,nakwa bete ka bakode. ²² Bamanga,ekisani na kwa yazu kaba Kumu bongbonu gobe angemeneki na nzowe,kapa na kwa bete aliya bomena,nakwa bete mape sote kabato,malii na ekisa ta meleme na boo ba Kumu. ²³ Yaazu ya maza,zani na m'meleme onza gobe mazelele Kumu ka nakwa ya bato, ²⁴ N'zele Klisto,Kumu. Yipani bete maluandele mada kange. ²⁵ Nakwa bete moto maza bakwa ya ka ngemeneki aluwa pa bakwa engee,gbaake ya bato ka.