¹ Bakumu,opani na manga mongbonu gobe angemeneki na bu,ama ipa bete bo lego na Kumu ka golo. ² Boyengani kati ya maboloni,binina eyuwa. ³ Bondeleni tango moti na bosu,na kwa bete Kunzi akole mpemu moti na kwa zombi monge,na kwa bete na mopake noo wa Klisto,nakwa iya na anana peesi, ⁴ na gemenesi kwa iya ndenge na paka. ⁵ Tangani na ndate na ba senge,zani begalagala. ⁶ Do bete zombi mongbonu alie na mbali,alina nkwe,na kwa ma iyipi nde masisila moto noo. ⁷ Yutuku,kumame malebabato pe mange manza,mamami masale bi ya boosu epi esambo waazu wetali na bonu. ⁸ Nateyi be galagala ka ngbonu,na kwa epake masambo ongbosu,pe akise melema engbonu. ⁹ Natu buna Onezime,abui Kunzi pe daa me malebabato,ale mongbonu. Bepaka bu bakwa wazo ye ya sole wani. ¹⁰ Lusatala,damema ba gbe,amo balito,na Malako goto,mima mama na Balanabasi,mama enundele magbeseleneki ka ngee, agobe abii ka gonu nkone keni; ¹¹ Yesu,maba mai bete Yutusu,amo bali goto. Bubale na ndonge atene pope,mote moti mami na iitazi kwa yalekumu ya Kunzi,ii nde kisi molema mo ngame. ¹² Epefalata, mogonu, ebalito: mange ma Yesu-Klisto,ka dite duele bonu na bondele,na kwa bete, abongi to n'abwi gobo, yongani ekisa kati ya lebabato yale Kumu ya Kunzi. ¹³ Na kwa na kpetale na kwa engee alepa kwa engee mangine,na kwa ya bato ya Laodikiya,pe ma Dilapolisi. ¹⁴ Luka,moosi ma lebabato,obale bu na Damasi. ¹⁵ Obale bamama koka Laodikia,na Nipatala,na ngbale ya Kunzi ale ka ngaa. ¹⁶ Na makolo niki ma tanga ka gbonuko,zani bete batange ka gbale ya Kunzi yale ka Laodikiya,bonu bokpote ye dele bonuko ka Laodikiya. ¹⁷ Pe be pake na Asutula: Ba ta madaa mo oluu ka Kumu,na tina bete otumise. ¹⁸ Nobale,me Polo,ka maboo mongame. Kemami ba gbee engame. Doo bete lewa alie na bonu!