¹ Yi pa ni bete,ekando, ele esisi me duele bonu na kwa yengbo su kani ya ma ale na Laodikia,na kwa bonu baasu bamamani ngbata ye ngame ka nzoe engame, ² do bete meleme wa ngbonu akii domete bali ka lebabato atumu mayipe ya kwa na kwa ya Kunzi na kwa yipe Klisto, ³ aamemi kwa ya Kunzi yaasu ya asomisi kange ka ndata. ⁴ Na mepakina na bonu ndiye ka moto ka moto ka molusaki na too ma makango. ⁵ Na kwa bete,aagobe nalii na bonu nkansoye sumu manganu aale na bonu soyi emoti,menee na sote yaazu gobe matangale ka ngbonu,ebweli te ngonu amami be gbee ka Klisto. ⁶ Na gobo,gobe ma n'bwi Kumu Yesu-Klisto,tangami ka ngee, ⁷ kpote na yi na kwa bekoni nkangee,bekonii nkangee nde tapingi nkangee,pe tabipaki na peesi yee ebwe te ngee,nge meneke na magbesi lesai ma maluu,pe ma dee na peesi ya. ⁸ Ebatani bete moto ka moo le gobe tomate te engee te engbaa na ma too ma malusakani,babisi meleme ka na too ma bato,ka bakwa ye nganu,ka ke Klisto. ⁹ Na kwa bete le Kunzi laazu atumi be ngboone. ¹⁰ Ma lee na yaazu kangee,yima a lee Kumu ma le Kumu laazu. ¹¹ Ka ngee ndi ba moti ni epope ta eboo ka teni,ndino eteneli ta Klisto,ta akongale bete ma dee nzoe ye nsomi: ¹² Ba molumbi ndele na yi na peesi ya lupe naa liba,mazusu ka ngee, pe na yii, na peesi ya ebweli na ngwi ya Kunzi,ma nzususi ka kwa. ¹³ Bonu bame kwi ndele na bakwa be engbonu be enyenye na peesi ye epope te ngbonu ta nzoe,amodeesi ka lewa na yii soyi emoti,alezu lee mbali; ¹⁴ akpasi kwa endele bangee alikiki alegwisa pe ya alikiki enyee na kwa engbosu,amoo ba kwa, naa azopi na peesi ya mbaso wa bangboloki kesoo; ¹⁵ Akopi bokomu baasu na pe baguiwasu,pe omati kase nge bengbee,azapi maazipi lekumu ka mbaso ya baangbalaki. ¹⁶ Do bete moto ka mose ke dee na kwa ya eeyeli na kwa pe na kwa ya nee,pe na kwa ya bayembe, na kwa ya ba tembe bozongo,na kwa ya babiti ya Kunzi: ¹⁷ ali kiki elilimbi ta ba kwa ya bia,ndi nzoe ale ka Klisto ¹⁸ Do bete moto naapa moti,na peesi ya ekisaa na maboloni mabasumi ba basuba ba Kunzi,kako mooko pe ma meleme ongee onyee upupe ya lembangu lengbonu,na bete le na ba ememeli te ngee moto ma alee na emena na peesi ya wa nkemane wa nzoe, ¹⁹ kekpote li na Kumu,mo nzoe yaasu, ekpoteli na ekpoteli aluwaale lepinga le Kunzi apaale. ²⁰ Aa ma kwa soyi emoti na mbali,na kwa ya teetiya,gobe bete malee pa ka mbali,bomopalee ba kwa engbonu: ²¹ Kaako vee! ka ko kenge! ka ko kpota! ²² baakwa ya deyisa lee ba kwa enyenye,ba koyiaa alee pa magbeseleneki ni ma bato? ²³ Balee,go epena,na ndate ya menene,ya awanisa lee maboloni ya meleme,tekisaa,na ebusaka,baalee na m'pupe,pe bapalee sote pa ka nzoo.