¹ Pa Yezu ayingii, biti emoti ya sabato, a ngbale ya mogoto omoti ma bhafalizeo nakwa ete ayayee, bhafalizeo bhalibhamondaga. ² Pe mondani, moto omoti ( hydropique?) epiinde ambola onge. ³ Yezu awua enoo pe opaga na bhanganga mayele bha mobeko pe bhafalizeo:Bhakangito, to te, ete bhan'wuusi moto biti ya sabato? ⁴ Odayea bhekuu. Antinde yia Yezu asesia ebho tenge agunale moto mo, an'wuusa, pe ansisa. ⁵ Antinde yia opaga: Kane mo kati-kati engbanu, o mane to bagala monge agui na lebadhu, kandisi bhegalagala, biti ya sabato? ⁶ Pe bhaakuki ata sisie yi kwabhole pemoti te. ⁷ Apa letoto lemoti na bhato bhonde bhepii nayi a mesa, ge amena ete bhu bhabhagaga soe ya mbola; pe opaga: ⁸ O bhomayi a lepati na moto omoti, kaakokabhage ete epii a soe yambola te, emondeleaga ete moto maada mo osoyi we kade, ⁹ pe mangina lepati mo omayi we nayi kadu kopage:Do kiti yo na moto mo Owoo ndo pa soni nakwa ete oge epii a kiti ya sunga. ¹⁰ Kasi, o bhomayi a lepati, gea epii a kiti ya sunga, nakwa , moto mo omayi n'edheli ade, opage: Ada, esesia nambola. Yo opando motuwa a miso ma bhato bhaazu bho bhepii nawe a mesa. ¹¹ Nakwate moto waazu mo edhaisa bhankisndele, pe mo ekisaga bhan'dhaisandele. ¹² Ampaga na moto ma anmayinde a lepati: O obhayi ete ope eyeli ta enseto to ta gogoye na bhato, kaa komaa bhapombodaa te, to bhamamabha, to bhakumabha, to bhato bhomegbati na bhu bha mosolo, bhanga ete bhu bhomaa go bingabhu pe bhosisii go pago. ¹³ Kasi o obhayi ete oze lepati, omaa bhato bho bhazangi, bhato bho bhabhunuagi, bhatengua, bha bhazibe. ¹⁴ Pe edhengeleagandele nakwate bhu bhu bhakuki ete bhosisii, nakwate bhosisiandele biti bhato bhenza bhazuzuandele. ¹⁵ Omoti akati-kati ya bhato bhonde bhali nayi amesa , geawoyi lekpeta lo, ampaga na Yezu: Edhengeleage na moto mo ayayeandele a legoto la Kuunzi! ¹⁶ Yezu ansisia: Moto omoti ayambisinde eyeli tesi ta gogoye, pe omaa bhato bhebua ¹⁷ N'edheli ya eyeli, oteya bhato bha ensale bhonge bhopage na bhato bho yi omayi: Dooni, nakwa eyeli abhile. ¹⁸ Kasi bhato bhaazu bhabhanda kome doe Mambola apaga: Nasumbi matya , akonga ete nage namonde; modo, nalenokonga. ¹⁹ Mada apaga: Nosumbi bhabagala vele mitano bhakabha na bhalo, pe nale nageya nokengeage, nkongale modo. ²⁰ Mada apaga: Natusi asoe napi mosolo antinde enka, pe kwayia nde kabhonge ete nadu te. ²¹ Moto ma ensale, asia, atangusiaga yaazu na enkolo monge. Antinde yia mangina ngbale na enmeleme one ampaga na moto ma ensale monge: Gea bhegalagala a ensenge pe a bha bhala-bhala bha gbata, pe doo na bhato bho bhazangi, bho bhabhunuagi, bho bhatengua. ²² Moto ma ensale apaga: Kumu, kwa ye okungi nazi to, pe bhasoe ale sino kongo. ²³ Pe mangina ngbale ampaga na moto ma ensale: Geya na pesi pe na mapango, pe bho otaneandele, ova na nguyi bhayingii, nakwate ngbale engame atumi. ²⁴ Nakwate, nale namopaga, moto bhole pomoti te bho nomayinde kadhaate eyeli te te. ²⁵ Bhentutu wa bhato bhebua bhalinde bhagea na Yezu pesi emoti. Epaasa, pe opaga: ²⁶ O moto ale aleguga, pe o yi kankomi abee, amee, enkale, bhamanabhe, bhamamabhe bhalo, bhamamabhe bhakabha, pe ata pa bhomoyi bhonge te, kakuki ete ade moyekoli mongame. ²⁷ Pe moto waazu mo kakumbi kuluse enge pe kaledhaagi te , kade moyekoli mongame. ²⁸ Nakwate, kane mo kati-kati engbanu, o abhayi ete api ngbale yekia na koogo, kepii ambola nakwate atange bhasoe ya ayingya naso pe amonde agose atole na falanga yaazu ya amasia piise ngbale, ²⁹ nakwa bhange ete antinde bise enkuu, kaa kamasi te, pe bhato bhaazu bho bhamenandele bhanbhande tebe, ³⁰ pa bhapaga: Moto mo abhandi piye ngbale, pe kakuki masie te? ³¹ To mogoto sina, ale ageya an'dhuusa mogoto maada enkando, epia ambola nakwa amondage ogose, na bhato bha ensande koto zumi ageato odhuusa bho bhadoo na bhato bha ensande koto tuku mibhale? ³² O kakuki te, pa ge mogoto maada mo ale sino mayi, antisia entetelee nakwa akonge bhokpotolo. ³³ Ndenge , emoti moto waazu kati- kati engbanu kadhi mosolo monge te, kade moyekoli mongame. ³⁴ Enkwe ale tomate tenza: kasi o enkwe kali goto na maleli mya, nde bhabisa goto na etee? ³⁵ Kabhonge goto ata na dhoote, ata na yala te; bhadheta na ensenge . Mali na matewu ma woe awoo.