¹ Ne nangile, mbo boobe bofi bwa lita limbe nami lita laino na bate bambe ta Laodikia na bane basiya bitemba na pasa ya bweni moombo mwaami, ² lita bayalesemo na bofafemi, bambe omoti ta loundo na bweli bwiye ta boobi bweli bwisamile bwa mungu, boobi kilisito, ³ bweli bwisamile bwaho bwisile bwaala o bofii na bweli. ⁴ Nebeile alo, mbo moto ito itita enu na bweli bwainde bobe. ⁵ Ango, niyamba naino letena lemoti ta biindo, nembe naino ta lisanga la mwenda, na boheneli ta bweni mombani bombe boluha na lebu lelo na bwemali ta bwimeli atiteni ya Kilisito. ⁶ Owani na mombani mone bwaimela Aongo Yesu kilisito endi letayi laindé. ⁷ Amba enu na mesali ambe ye na manaho ta bwimeli lokolanile na manaho mefeemo enu, mbi ta masala ma botumbi bwa Mungu. ⁸ Angatali mbo moto itoosa enu na bofohu na mayenyeli ma moloho, baemalile ta bokoko bwa baito, ta maita mwa mwano, bati ta Kilisito. ⁹ Lita mbo ambeye ta mombani mwa moto, Mungu motubu ambeho. ¹⁰ Ambe ye bombe na botwi, ye Mokonzi mwa baeneli baiso na mekonzi liolo laiso. ¹¹ O na lita lainde lwa tenemo lototi soo na mombani mwa baito, na mombani mwa kilisito, mwa bokaoli mombani mwa biindo letayi laiso. ¹² Bwakundama nainde ta lilufi, lwa taholama nainde lisanga ta bwimeli na lwili lwa Mungu, ono etahola ye letayi la bane balukanilé. ¹³ Enu bane bongbele ta mapusano maino na bolumbi bwa botenemi loteti lwa biindo byaino, aosela enu ta buumi lisanga nainde, na bomeseheli mapusano maiso; ¹⁴ aolisela esu looto la lisihi la bokpesaami lumba liolo laiso,na bobesi lo lekeka beta ye ta ekulusu. ¹⁵ Aonola baeneli, na mekonji na boonoli bota ngbanda na bolongi liolo laibo ta ekulusu. ¹⁶ Moto ito sambesa enu lita la bolii ango bomwi, lita la lisano, ta songe fayi ambeke maise ma boohomi. ¹⁷ Imba bilimi bya maita meya boni, kasi biindo bimbe letayi la kilisito. ¹⁸ Moto ango omoti ambe nde naa boombonu na mafambani ma mwenda ito nola enu lobuno la maangu ate afilile biindo ta mahenya mainde na bofi bobe ta maluhanyi ma baito. ¹⁹ Na soo bohoanesi mokonji, ono biindo fee itambanile, ibwesanile na melii, ta botwi bone bofeele Mungu. ²⁰ Amba mbo bongbele na kilisito ta mbeo ya mwano, lita landise ambo boluha ta mwano! betoma enu masala mane. ²¹ Oto osa, uto manya, uto twunya! ²² Maita maaho masela baito fee babe na mombani mwa bobebisi, iolohile ta masihi na bokoko bwa baito. ²³ Bambe, ta mbeo ya omoongo na mombani mwa boala boenesi baito mbo bambe na lifambani litia batomemo, ya boombonu na bokofoli biindo, ango bati na lingani owalo bambe belengela kamo ya biindo.