¹ Polo, motomami mwa Yesu kilisito, na botumbi bwa Mungu, na mwelo Timote. ² Baelo batome bá ngiaa ambe kilisito bane bambe ta Kolose; botumbi na lehai le femele enu, na ndole ya Mungu Isee yaiso. ³ Tombe na botumbi bwa Mungu, isee ya Aongo Yesu kilisito, owalo tohainyile bolombi lita laino. ⁴ Twaobesemo lita la bwimeli bwaino ambe Yesu kilisito na bomeseheli bwaino ambe bane bambe ngiaa. ⁵ Lita laaaho, bombe na lesemba, lisamile ta lobola, owalo bwaowa lo felo, yohi la omoongo ya mboli ndjo. ⁶ Ambe letayi laino, ta mwano fee, imbe ibota tohuma, tokowa, ambo ambe enu, teo o lisé lilo, liowé enu, leobe enu botumbi bwa Mungu, botwutwani na omoongo. 7 Bafalesama ambe Epafala, mooli mwaiso mwa loundo, ambe abo mosali mwa kilisito mwa ngiaa lita laiso. ⁸ Abeya esu lita la loundo lwaino letayi la mwenda. ⁹ Boolohi teo lisee laho, toobesama, tuhainyile bolombi Mungu lita laino, na bolengeli mbo toyalesemo na boobi botumbi, na bowala, na bweli bwa mwenda. ¹⁰ Bwende na lelenge la ngiaa la Aongo la omoongo, owalo bobote tohuma bilenge fee na masaala maloo botohe na boobi Mungu. ¹¹ Lwili na longuma lwainde, na bosio mbo lombe feo naino na lenangi, mbo bombe na lwili na metema mesaa. ¹² Tousole botumbi ambe isee, ono alonganesela esu mbo tobole konu ya lisomba la baoli ba ngiaa ta saau. ¹³ ono aluhesa essu ta lwili lwa ngundu, ahotesa esu ta mwano mwa moona yainde ta loundo. ¹⁴ Ambe ye twabola boumi na limeseheli la mapusano. ¹⁵ Ambe lelimi la Mungu lene litenenile, moto ya felo ta mwano fee (ta botongami bwa mwano). ¹⁶ Nainde atongile mahwa fee mane mambe ta lobola, na mane mambe ta nyele, mane maenenile na mane maino fee! ¹⁷ Emi Polo, napaya enu, na booho bwami, ngoto fee yasiyemo emi nde nataa maaho. ¹⁸ Botumbi bwa Aongo yaiso Yesu kilisito bombe naino fee! ¹⁹ Litalambo Mungu anangile longuma fee lombe ambe ye! ²⁰ Anangile boowesani na mbeo fee ambe yangene, ta nyele na hine imbe liolo; na bosiyo bwayesa ye lehai na ngelo ta ekulusu ²¹ Na enu bane bwamba lekeka lesiya ambo mehende, ambo bafelani, letayi la maluhanyi maino, owalo na masala maino mabe, owani, aisola enu lita la loho la biindo na moniho. ²² Lita laino bwasolami felo yainde, ono ati na liindi, na soo na meengi. ²³ Ambe alo, ambeke wemalile ta bwimeli ambo lefangelo la mbele, buya kikoha na bwiteli lesamba laino; la mboli ndjo. Hine yaowa enu, hine itondolemile na baito fee ba lose, owalo emi Polo natongemo mosali. ²⁴ Nembe nehenela owani, lita la muundu mwabwa emi lita laino, owalo hine ilumbile muundu mwa kilisito, na moniho mwami lita la biindo bya lifambani. ²⁵ Nainde nde namba mosaleli, Mungu afaa emi lisala mbo neobese enu yohi la Mungu, ²⁶ Yohi laho limbe mbeo yisamile ambe myenda, owalo maenenile owani ambe baoli. ²⁷ Mungu anangile boobesi mombani moolo mwa liboli la maita maisamile letayi la bapakano boobi: kilisito letayi laino na longuma lwa bwiteli longuma. ²⁸ Esu totondola ye, na bokebesi moto fee na bofalesi baito fee na bowala, lita la boyeli Mungu moto fee ya ngiaa ambe Kilisito. ²⁹ Lita lainde, netonga lisala, na bohwanani na lwili lwainde ono etonga letayi laami.