¹ Owalo, Baoli, twalengela enu tatungu lelenge lalomba esu ambe Mungu boenesi enu lelenge la bwendi na bohenelesi ye, na lelenge leloo laino, twa lengela enu na buusoli enu na lina la Aongo Yesu bwendeli ta mombani moloo. ² Na ndole ya Aongo, boobilé manaho matiya esu letayi laino. ³ Mungu anangile, bosehane na masaala mabé owalo bombe ngiaa. ⁴ Moto na moto ambee ngiaa, boendi letayi laomoongo. ⁵ Soo boindeli to mohohia mobé ambo Bapagano baneni bitobile Mungu; ⁶ Moto itombá na bwiba na tinya ta masala ma mooli nainde. Lita Aongo afelanile na maita mamo lelenge leobesile esu enu felo. ⁷ Mungu aete esu taa ngiaa soo tá liindi. ⁸ Ononi efilinga manaho maneni, afilingá Mungu, soo moto ya mohili. ⁹ Moto isiyelilé enu lita la loundo letayi laino; bwafalesemo na Mungu bonangesani letayi laino. ¹⁰ Ambo lelenge letonge enu ambé baoli ba Makedonia fee. Owalo tombé tolengele enu botobi letayi lá loundo. ¹¹ Na botii letito laino boluhi ta lehai, botongi feo masaala lelenge toobesile enu na maaho maino. ¹² Botii na kamo ya moto, bwende tondoyo ambe baneni bambe mbeli yaino. ¹³ Baoli, tunangilé mboo bolumbe boobi maita má baneni balalilé mboo butoowá buha ambo baneni batii na lingani. ¹⁴ Lita ambeke twimela mbo Yesu aomohilé ta kunda mbisa ya botahemi, twimeli mbo Mungu elingola aboni na ndole ya Yesu baneni bambé ta totó. ¹⁵ Owalo, na ndole ya Aongo, osii maohi maneni: esu babuumi, baneni twatiyela botambi liisé lá Aongo, Tutosemilé aboni na Mungu felo ya baneni bangbelé. ¹⁶ lita na ndolé ya lelaha la mwenda mulutafelo, Aongo ye angene ambé na ndembe emoti. ¹⁷ Mbisa yahó, esu ba buumi baneni twatiyala toosemo aboni lembili naibo lesiya lemoti ta mafita boenesani na Aongo tá lobola, na tomba aboni na Aongo lesiya lemoti maisé fée. ¹⁸ Bengelani na maohi maneni letayi lainó.