¹ Ta liine lwitile bikeka na bilao, baelo, boti na kamo mbo basiele enu. ² Litambo enu bangene boobile olo mbo liise la Aongo liya boni ambo moto ya bwiba n'etiyo. ³ Lekeka lebeya boni baito: lehai na lingani, ó ta lekeka lelo bosehami bwa kunduka ibwaboni bo ambo lobaba la boboti lihwa motaali mwa leyemi ilongile bokimi. ⁴ Kasi enu, baelo boti baito ba ngundu mbo liise laaho leonohele enu kunduka ambo moto ya bwiba. ⁵ enu fee boombe bana ba monyanya baana ba looha. Toti baana ba etiyo bana ba Mungu. ⁶ Owalo tutolala ambo baito basiya, tombe maaiso ngia lisia tutomba ta mapusano. ⁷ Lita mbo bane belala belala n'etiyo na bane balilewa belewa n'etiyo. ⁸ esu tombe baana ba looha, tutomba ta mapusano, tobate nguba ya bwimeli na loundo na bombi ta lingani la bwimeli ambo ikoti. ⁹ Lita Mungu ite tonga esu liita la bwango, kasi mbo tobole buumi na ndole ya Aongo Yesu kilisito, ¹⁰ ono angbele lita laiso, ambe nde mbo tombe maiso ngia ambeke ta iloo, toluhe lisanga nainde. ¹¹ lita laho fiisani manaho enu bangene, na bofesani bokpamu bamoti ambe basia, omoongo lelenge letonga enu. ¹² Baelo twalomba enu bombe na lingani ambe bane besala naino, bendesa enu ta ndole ya Aongo na bolendesi enu. ¹³ Mbi naibo na loundo lofi, lita la lisala litonga bo mbi na lehai letayi laino. ¹⁴ Baelo, twalomba enu lisiya, bokebese bane beluha ta yenge, bofafe bane belembile, botole ta metema bane bati na lwili, na bwitesane letayi laino. ¹⁵ Angatali, moto itwinesa obe na obe namotaku nainde. Tongi bekeka fee masala maloo ambe nde letayi laino ambo ambe baito fee. ¹⁶ mbi na boheneli bikeka fee. ¹⁷ Butohena na malombi. ¹⁸ Mbi na leboto taa maita fe, lita laino nde botumbi bwaa Mungu boyele na ndole ya Yesu kilisito. ¹⁹ Buto limá mwenda. ²⁰ Buto lefola ma sakoli. ²¹ yekoli maita fee, osi maita malo. ²² Angatali na bilengé fee bia obe. ²³ Hainya mbo Mungu angene ya lehai asele enu ngiaa, ambo boumi bwaino, na molimo, na mwenda na biindo ibateleme soo na mapusano ma bofameli, ta liise la Aongo Yesu kilisito. ²⁴ Ono eeta enu atambile maohi mainde, nainde yangene nde ekolanesa boni. ²⁵ Baelo, lombi lita laiso. ²⁶ Pahii baelo fee na bopalia bwaomoongo. ²⁷ Ne lombile enu na liina la Aongo mbo looto loone lofaleme ambe baelo fee. ²⁸ Hainya botumbi bwa Aongo ngene yaiso Yesu kilisito ambe letayi laino.