¹ Boobile enu bangene, Baoli mbo bobwesi bwaiso ambe enu buyalumbo mosombo. ² Mbisa ya muundu na mosebo ta filipo mombani moobile enu, bolumbesi esu bwimelani bwa Mungu, lita la botondoli mboli ya Mungu, letayi la bohwani na oloo. ³ Litalambo botondoli bwaiso, boti na lipusano soo ta mahenya mabe, soo na kolianga. ⁴ Owalo, bweni mbo Mungu ausola esu bombi tongelele bofaisi mboli; na alo, tombe tobeya, soo lita la bohenelesi baito lita la boheneseli Mungu, ono aenilé metema myaiso. ⁵ Soo ango konu, twatongela maohi ma bwititi, mombani mobili enu, soo ango bombi na mohohia lita la mboli, Mungu yangene itimboli. ⁶ Tuyanangá bosesemi letayi la baito, soo ambe enu soo ambe bassiya, twakolana mbo totonge na louma ambo baetani ba kilisito. ⁷ Owalo, twamba na lebongu letyi laino, ambo maale ambe eelomesa moona ⁸ twamba na kamo, na loundo lwaiso ambe enu, soo litanga la bofii mboli ya Mungu, na abo mbo boumi bwaiso, letayi laino loomba na baoli baiso. ⁹ Bwaluhanyela esu, Baoli, lisala laiso na lobaba lwaowa esu: Etiyo na looha ta lisala, soo bombi motoli mwa omoti yaino, twatondola mboli ya Mungu. ¹⁰ Bombe totimboli, na Mungu abo, mbo twabola ambe enu bane baimelilé na mombani mwa ngiaa, tondoya, soo na lipusano. ¹¹ Boobile mboo twamba letayi la omoti yaino mondani mwa Isee ambe baana. ¹² Tombe tolengela, na bofafi, na bosabaneli enu mbo boende na mombani moolo mwa Mungu, ono ambe eeta enu ta moona na lenguma lwainde. ¹³ Na lita laho tombe totonga bikeka fee botumbi ambe Mungu na hine yabola esu ta liohi la Mungu, mane mabeyele esu, enu, na bwayamba yee, soo ambe liohi la baito, owalo omoongomongo, ambe liohi la Mungu libeya letayi la baimeli. ¹⁴ Litalambo enu, baoli, bobwesa batutwi ba lifambani la Mungu bambe ambe Yesu kilisito ta Juda, litalambo enu abo bwene muundu ambe bataku naino na maohi mabe mane malengesemo bo ambe Bayuda. ¹⁵ Bayuda nde babolile Aongo Yesu na batomemi, batwale benangelesa Mungu, na bafalanile na baito fee. ¹⁶ Bakpamesa esu bobeyi ambe bapakano mbo baluhe, na mombani mbo batonge feo obe. owalo bwango bwa Mungu bobwesele bo. ¹⁷ Lita laiso, baoli, mbisa ya bosehani boa iso na ino, ta biindo soo ta metema twamba na kamofii ya bweni enu. ¹⁸ owalo tombe na kamo boyi ambe enu, emi polo mbala emoti ango yele; owalo satana akpamesa esu. ¹⁹ Imbe alo lingani laiso na bonangeli bwa lilonga na longuma? Atiambo felo ya Aongo yesu lisé la boosi emi bwaindé. ²⁰ Owalo bombe longuma laiso na lenange laiso.