¹ Ayibhuka nabhu edina mbala: nibhukina nanu solo solo bhagendja bhadina bha tagwa te, obhayeneme bhokondji bha Mongai bhubho bhanhowa na nguyya. ² Nhingongo nha masu motobha, Akongo ayitomba Petelo, Yakobo, Yoane mpe ayi konda nhabu iyomoti esanda. Ahahombe dja na mokuku; ³ Bhisendja bhande bhibhanda bhangenga, mpe bhitobha bhompe mogendja omoti wa mokeli akokiti bhongaledja bhwate. ⁴ Elia mpe Moise ayi bhapundja, bhayebha nda bhobhuka na Akongo. ⁵ Petelo, ayitomba bhuka, ayibhuka na Akongo moteyi, ekhi bhopele dje enhayi inso onhabho: ikhe bhopele eyesi hema djisanto, emoti ya we emoti ya moise, mpe emoti ya Elia. ⁶ Ndjokande adjeti eyoma abhuke iyote, esisi ebhatona. ⁷ Nhombe nhidjanga anhiko nhibhanhipa, mpe nhombe nhinhifa nhoyé: obho akhi mogbongi wambi wa bholingo: móokani! ⁸ Okho na mbalakaka bhayekoli bhoyime suka nasuka, khati bhawene edina te okho iyo Akongo nabhu. ⁹ Ndenge ya tita bho nhiko nhangomba, Akongo ayi bhabhukia te obhukeyi na mogendja omoti te mwene ibho tée bhusa mogendja wa moto bhusa wa sekwa ye ayogo. ¹⁰ Bhaye bhomba bhuka ena, kasi bhaka edjo bhosekwa ahogo ekhi iye. ¹¹ bayekoli bhayi modjo motuna mobho: bhateyi bha mobheko bho Elia anhowa libhoso? ¹² Ayi bhahudja: Elia anhowa moto wa libhoso, mpe abhongidje ngando susu, mpe akpulia ye akomati mongendja wa moto ahoka posi mingi kha mokiya? ¹³ Kasi nhiabhuka bho Elia anhoyi bhayi mokoyi dje ipaye ibho akhondje ekhomami akpulia ya ande. ¹⁴ Ntanga ayihanda bho paamba ya bhayekoli, bhadina bhayi hene bhagendja bhanene bhaheemai pamba pamba, mpe n abhateyi yo mobheko bhayisonaka tembe nbabhu. ¹⁵ Abho ayiwene bho Akongo, bhayi nika na bhokamwa, mpe bhayike ebhango bhomonyea ebho. ¹⁶ Ayibhahedjo: okawelani nini nabhu? ¹⁷ Mpé mogendja ayi muhulidja: molakisi, newaini mogendja wambi pamba yawe, akhe na mondili obho atibhedji mwana mbi bhubhu. ¹⁸ Ekha mopeya, ya monhumba anhemba; ayifafa fulu ayaka mino, mpe anhakana bho bhi. nabhondeli bhayikoli bhawe bhahoniti bhabhengana te. ¹⁹ Bhagendja bha engbo, Akongo ayi bhobhukia, bhusa nde nhanha nanu? angbanga ya masu djeka nanha nhanhu? nhowa nande obho. Bhainhowa nande. ²⁰ Mpe nambalakaka mogbongi ayiwene Akongo mondili ayi moningidja; magbongi mpe ayi kwa andebha, mpe ayi bhanda bhahembe yana na matende amonoko. ²¹ Akongo ayi mohedjo sango bhianga ndjeka bhikoyi ho na epeko ayi mohulidja yo bho. bhanda bhamwana bhande. ²² Mpé mbala mingi molimo moye monhu mbala teyi ya mosa mpe teyi ya nhuwa akpulia bhomohowa kasi, okakoka, eyo keya inso iwa. ²³ Akongo ayihulidja: ingako nikahoso! susu djikoki bhokemena na mogendja obho ayambi. ²⁴ Nambalakaka ya na wana wakpolowa nindimi kassi sungani mbi moto wa bhoyambi bha bhutshenhu! ²⁵ Akongo, ayenibho bhagendja bhabhandi bhonhowa bhanene, ayigageya elimo mbindo, mpe aye bhuka: we elimo owagbwa matoi mpe obho otika bhuka te, nelindiwe, pundja amokuku wa mogbongi obho, mpe tomohule nheya te. ²⁶ Mpé ahipundja, ahikpolowa mpe ayimoningindja makasi mpe ayi moye mogbongi ayenhikayi dje moto agwi, bhagendja bhanene bhayibuka bho ikhi dje agwi, ²⁷ Bhowa Akongo, ayi mopeya ebho, ayi modjoyedja. Mpé ayihema. ²⁸ Ahanka iyo teyi ya eyise bhayekoli bhayi mohodjo na bhamoko: akpulia eyo mande inso ayi heno te bhabhengana molimo te? ²⁹ Ayibhabhukia bhaka bhengana elimo enana nguya ya losambo. ³⁰ Bhayidjoha, mpe bhayeka ngambo ya Galilea. Akongo apatibho bhadje nsio ekhe eyote. ³¹ Ndjokande alakisaka bhayekoli, mpe ayibhuka nabhu: Mogbongi wa moto bha mopeya amabho ma bhagendja mpe bha mohowa, mpe nhingongo nha masu masantu ayogo yande, mpe asekwa. ³² Kasi Bhayekoli bhadjeti tina ya bhuka ena te, mpe bhayi bhanga bho mowedjo. ³³ Bhayitobha akafarnaum. Bhayingia teyi ya eyinse, Akongo ayi bhahedjo akpulia eyoma nde bhokayisani tembe andjia? ³⁴ Kasi bhayidahiana bhobhi, ndjokande nandjia bhanhaka na bhoyisana tembe ibho mone akpulia bhodjeya nda obho ayike monene. ³⁵ Nhingongo ayike bhokanha, ayibheya zomi na bhabhale, mpe ayi bhabhukia obho akhapa bhonha libhoso, anha nhingongo nha bhasusu mpe moto wa elomo wa bhasusu. ³⁶ Mpé ayitomba mwana, ayi moyisa teyi yabhu, ayi moyamba nanabho, mpe ayi bhuka nande. ³⁷ Obho ayamba nanhina nhambi mogbongi wa bhotshenhu ayamba mbi mene; mpe abho wayamba, ayamba mbi te, kasi obho alindani. ³⁸ Yoane ayibhuka: molakisi, eweni moni omoti akabhengana bhadjabhulu nanhina nhawe; inso eye molembeya, monkanda atika tuteya inso te. ³⁹ Tono lembeni te, Akongo ayi wulidja, ndjokande etike na moto obho akakóo kakumwisi na nhina nhambi, nhingongo atagbuni bhobhehu te. ⁴⁰ Mogendja obho ayikhi tite akhi mogendja wansu. ⁴¹ Mpé obho aneani kopo ya nhuwa na nhina nhambi, bho okhini bhagendja bha Kristo, nibhukeni bhosembo atadjanga ma pamboli te. ⁴² Kasi, obho anye simbisi na mogbongi wa bhotshenhu obho ayambi mbi, ekhoki bha monyange libhanga linene maehini wa moteke, mpe bha monhumbe anhuwa enene ya mbúu. ⁴³ Ingakho mabho akpulia we bhohomedje lisumu, ekhese; bhope ayinge teyi ya bhomoi bhopele, ⁴⁴ Bhonha na mabho mabhale mpe bhokhe namúu teyi ya lifelo, teyi ya monsa mubho motika nhime te. ⁴⁵ Ingakho makolo makalinda amasumu, ekhese; bhopele ayingia na etengu teyi ya mokili, ⁴⁶ Bhonha na makho mabhale mpe bhanhumba alifelo, teye ya mosa te manhime te. ⁴⁷ Ingakho minso mawe ekhe ekhumu ya bhokwedje, lidjoedje; bhopele ayinge abhokondji bha Mongai ayinge abhokondji nha Mongai na nhiso nhimoti, bhanhumbi na miso bhabhale alifelo te, ⁴⁸ Ho bhahaka na ngusu bhobho bhagwete mpe bhahongwe na mosa mobho temo nhime te. ⁴⁹ Ndjokande mogendja mosusu anha mokwama mosa. ⁵⁰ Mokwa moki eyoma epe; nakho mokwa mokasia elengi; bhawidja naye elengi yana? nhani na mokwa amema manu, nhani na bhobhoto ino nanu.