¹ Akongo, ayidjóhá ayikhe amokili ma Yudea mpe ngombo Yorda, Bhatu bhanene bhayinhowa pamba yande, mpe amomeseni ma Akongo ayibhanda bhobhoteya ibho. ² Bhafarizeo bhayi tobha phanhi; mpe, bhayi mohedjo momi akoki bhodjodja mwanhi wande tiambo? bhayi mohedjo akpuyia bho momeka. ³ Ayibha widja ibho? eyomande Mose ayikoma ayi yeye ino? ⁴ Mose, abhuka bhowa, akome monkanda ya bhowe mokhi bho adjadje mwani aeyinse. ⁵ Mpé Akongo ayibhuka nabhu: Mosé ayineani ndingisa ena akpuya ayodjoni moto makasi. ⁶ Bhanda ebhandeli, tango Mongai ya bhanda ya mokili tango Mongai ayikho inso akhó momi mpé mwanhi; ⁷ Manhanga moni apundja ayeyise ya sango mpé nyango, mpé eyo na mwanhi wande bhatobha moto omoti, ⁸ Mpé ebho bhabhale bhotobha bhoto omoti, bho bhatike nhia bhogendja bhabhale. ⁹ Moto akhabholi te na mubhu Mongai amosa ngani. ¹⁰ Ngonga ekhanha ibho amongita bhayekoli bhaye mohedjo motuna. ¹¹ Ayibhuka nabhu: mogendja abho abhengana mwanhi wande bhó ahoso adina ayikhe pite libhonso na mwanhi; ¹² Kasi mwanhi ayikea moma ande mpe momi odina ayi mohoso, mwanhi ona akhoyi pite. ¹³ Bhayi bhonhoya ngbongi dja bhodjelele, bho abhapeye, kasi bhayekoli bhaye bhalembeya. ¹⁴ Akongo, ayiwene bhowa, ayiyoka bhobhehu, ayibhuka nabhu: yé bhama bha bhodjelele bhano pamba wambi, mpe bhota lembeni te; akpulia bho bhokondji bha Mongai ekhe akpuyi bhabho bhaki dje ibho. ¹⁵ Solo nibhukeni, Mogendja omoti te atahamba bhokondji dja Mongai dje bhanha bha bhodjelele te, atayingia hate. ¹⁶ Nhingongo ayibhapeya na mabhoko, ayi bha bhenisa na bhoyisia mabho. ¹⁷ Ntango Akongo ayi bhandaka iyo bhoke, mogendja omoti ayi motuteya, ayi mofuka mela ayi mohedjo Nkumu mope, ayi mohedjo, niakho ye mokando niyingi abhokondji bhanhiko? ¹⁸ Akongo ayibhuka nande: akpulia eyomande okha bheyani mogendja mopele? mogendja mopele ikhe kho Mongai iyo mbuki. ¹⁹ Odjeyi mibheko: tókhóo pitete, toho mota te; ota hibha te; tobhuki ngando dja lokuta te; to kho moto bhobhehu te; tosa sangwa na ngwa. ²⁰ Mogendja ona ayiwidja: moteyi, bhanda bho wana mikatose mobheko mana djisusu. ²¹ Akongo ayi monse na bholingo bhosusu, ayi bhuka nande okadjanga eyoma emoti, khée, hengedje nhoma nawe nhisusu, nea na bhato bha mawa, owanha na bhomengo anhiko nhingongo nhowa mpe djwani. ²² Bho owokhi malobha má, mogendja ona ayi khe na iwa makasi bho anakhi na eyoma djinene. ²³ Akongo ayi monse ayise phanhi phanhi na ande ayibhuka na bhayekoli bhande: eyanha pasi mingi bhabho bhoke na nhikondjo nhinene bhoyingia abhokondji nha Mongai! ²⁴ Bhayekoli bhayi kamwa makasi na bhuka ebhe Akongo ayibhuka nbahu. Mpé bhayi hulidja kasi Akongo ayebhuka nabhu ngbonhi nhanhi bhoyingia abhokondji nha Mongai ikhe mpasi. ²⁵ Ikhe petepete ngamo anyo alibhu nha tonga dja nsée kasi bho mogendja mbemba ayinge abho kondji dja Mongai ikhe nhikaka! ²⁶ Bhayekoli bhanhika bhokamwa makasi, mpe bhayi hedjono teyi yabhu: bhongo nda owe hela? ²⁷ Akongo ayi bhase, ayibhuka nhabhu: iyo ikhe ngunhu mingi akpulia bhagendja, kasi Mongai akhokhi: etikhe mokando momoti te monyoyi Mongai na ngunhu. ²⁸ Petelo ayibhuka na Akongo; nsé inso eyeyi isusu etutina nawe. ²⁹ Akongo ayi hulidja: solo solo nibhuki nanhu etikhe na mogendja omoti te aye nhoma nhande akpulia mbi mpe amosambo bhopele, eyinse yande, bhama nyango bha bhami, tó bhama nyango bha bhanhi, ima, ya, gbongi tó bhisendja mpe bhiya nga bhande, ³⁰ Abhinhisa kama bhanda bhende na masu mabho, bhiense, bhama nyango bhami mpe bhanhi, bha ima, gbongi, mpe bhiyanga, mpe bhonyokolo, mpe masu mabho maka nhowa bhanhisa bhomoi bha sekho. ³¹ Bhagendja bhanene bha libhoso bhanha bhalingongo, mpé bhanene bha lingongo bhanhi bha libhoso. ³² Bhasombaka na ndjia akpulia bhoke a Yeruzasole mpe Akongo ayisomba liboso nhabhu. Bhayekoli bhayi bhamwa, mpe bhayi motutiya na bhobhanga. Mpé Akongo ayi tomba na kina zumi na bhabhale phanhi nande, ayibhanda bhobhuka nabhu mubho munyo nande: ³³ Nsé, ekhake a Yeruzaleme, mpé bhakakaba mwana moto amabho ma bhanganga bha kondji mpe bhateyi bhamibeko. Bhamotitidja ayogo, mpe bhayi mokhobha a mabho ma bhapagano, ³⁴ Bha motiola, bhayi motufia mansoi, bhagi mola fimbo, mpé bhayi mohowa; mpé, nhingongo nha masu masato, ayi sekwa. ³⁵ Bhagbongi bha Zebedeo, yakobo mpe Yoane, bhayi dinda phanhi na Akongo, mpe bhoyi bhuka: molakisi, epai ohesunge na eyoma ebhe ekha sunge inso. ³⁶ Ayibhuka nabhu: okhapabho nisalisi na iya abhukia anhu? ³⁷ Epaidja, ayibhuka nasu, nabhanha omoti ayebho ya ebhami mpé odina amabho ya nhikhonhi bhonha teyi ya kembo. ³⁸ Akongo ayi bhabhukia: odjebho eyamande ekoyonga ino ekhoki bhonunga vino ebhe ekha nunga mbi, owandima bhokula bhotesimo ebhe ekha kulambi? ekhoki, ebhuki. ³⁹ Mpé Akongo ayi bhahulidja: ekhe bhopele bho vino ekha nhunga mbi, mpe bho bhakuliseni na bhateme obho wabhatise mbi; ⁴⁰ Kasi obho anhayi alibho na libhami to ya libhanhi, muwa monse timbiet, mpe anyiana nabhu. ⁴¹ Bha zomi, bhayoka, bhayi bhanda bhokendja na Yoane mpe Yakobo. ⁴² Akongo ayebhabheya, mpe ayibhuka nabhu: odjeni bho dje bhakondji bhabhikolo, mpe bho bhagendja bhanene bhabha kondjaa. ⁴³ Toyanu etanha bhowate. Kasi omoti anha monene teyi yanu, anha moti anha monene teyi yanu, anha moti wa elomo yanhu; ⁴⁴ Mpé ebho anha walibhoso teyi yanu, anha mohumbu wa bhasusu. ⁴⁵ Ndjokande mongbongi wa mogendja anhoyi, bhomo bhomeye te, kasi akpulia inso emonye makhabho manene, ⁴⁶ Bhatobha ayeriko mpe, ngonga Akongo ayi pundja, na bhayekoli bhande mpe akhonha teyi ya bhato bhanene, mogbongi timie bhaitime, moto wa bhatshipi anha panhi na ndjia. ⁴⁷ Ayoka iyobho Akongo de Nazareti akhika, mpe ayibhanda bhogbolowa; mogbongi wa Dawidi, Akongo hokeani iwa! ⁴⁸ Bhanene bhayi bhanda bhabhuka nande, akpulia bhomo dakidja bhobhi; kasi ayi kpolowa makasi mingi; mongbongi wa Dawidi hokeani iwa! ⁴⁹ Akongo ayi hema, mpé ayi bhuka: mobheyani nande bhoyahini wa lolanda, na bhobhuka: nha na ngunhu hena, akhabheya. ⁵⁰ Wa bhatshipi ayi nhuma mokhoti, mpe, ayepumbwa, ayi nhowa mpamba ya Akongo. ⁵¹ Akongo, ayitomba bhuka, ayi bhuka: okhapa bho nibho nawe eyomande? Nkumu, amohudja lolanda, nawidja na bhoomi bhawe. ⁵² Mpé Akongo ayi mohulidja: khe, bhoyambi bhawe bhoholedja. Na ebhango ahihulidja bhomoi, mpe ayi motuteya Akongo teyi ya ndjia.