¹ Bhatobhi panhi na Yeruzaleme, mpe panhi na Betfage mpe na Betani, oho angomba ya oliwe, Akongo alinda bhayekoli bhabhale, ² Abhuka nabho: khe angando ebhe ekhe pamba yanu; bhokha tobhaniho, motombani mwana wa punda, obho bhayi monyanga bhamo konditite; kangolani mpe nhowani nande. ³ Ingakho bhaka wedjoni: akpulia ye ekhakoniye hohahulidjani: Nkumu akhe na posa yana. mpe awidja bhoga pendja. ⁴ Bayakholi, bhayikhe bhokamotana punda phanhi na monhipe panhi na ndjia, mpe bhayi motomba. ⁵ Bhagendja bhabho bhanhakahá bhayi bhuka: okhakhoniye? akpulia eyomande etombini ino punda? ⁶ Bhaye muhulidja ndenge Akongo ayi bhabhukia mpe bhayi moye ayikhe. ⁷ Bhayenhowa na mwana punda pambaa ya Akongo, bhayi tanda mikoto mabho likonha punda, Akongo ayi bhinheye. ⁸ Bhagendja bhanene bhayitanda bhisendjaa bhinene andjia, mpe bhadina bhayihese teye ya eyanga. ⁹ Bhagendja bhasombaka mpe bhabho bha modjwaka Akongo bhayi kpolowa: ozana! beninsa obho akha nhowa na nhina Nkumu! ¹⁰ Bha bhenisa bhokondji bhokanhowa ya tata ansu Dawidi sango wasu! Ozana teyi nsio ebhe ikhi nhiko! ¹¹ Akongo ayiyingia ayeruzaleme, teyi ya tempelo tango ayikhe bhonse eyoma nhisusu, ndenge ayithobha iyo nhingnogo, ayikhe abhetania na zomi na bhabhale. ¹² Kombi yana, nhingongo nha bhopundja abhetania, Akongo ayiyoka ndja. ¹³ Ayihene na bhohonhi kasi inhaki na kasi, ayikanse ingakho anhisa mbuma ndjaina, ndjokande etike ngonga ya mbuma te. ¹⁴ Ayitomba na sima bhuka, ayibhuka nande bho moto omoti te toyake mbuma djiya! mpe na bhayekoli bhaye yoka. ¹⁵ Bhayitobha ayerusaleme, mpe Akongo ayiyigia teyi ya Tempelo ayibhanda bhobhengana na bhabho bhayengeke mpe na bhabho bhahendaka teyi ya Tempelo; ayipandja mbemba djibho djia zangaka ibho, mpe na bhabho bhahitekeke mbunhu; ¹⁶ Mpé bhabho bhayeka ngambo ya Tempelo ayi bhayembeya bhowa nhoma. ¹⁷ Ayi bhateya mpe ayibhuka: ekomamiti te: eyise mbi ebheyani eyise ya losambo akpuya bhato bhasusu? kasi ino, ekomeni tite eyinse bha bhagendja bhahubha. ¹⁸ Bhanganga bhakondji na bhateyi ya mobheko, bhayi yoka, bhayinukana ndenge bha moho; ndjokande bhayi bhanganga bhato bhanene bhaisepeloka na bhoteya bhande. ¹⁹ Ngonga ethobhaka moko, Akongo ayepundja angando enene. ²⁰ Na mangbakenhi, bhayinyo, bhayekoli bhayi yene mowe moyeyoma teya ya misisa mayina. ²¹ Petelo, ayi mobhukia monkando mumanye ayibhuka na Akongo: moteyi nse mowe mubho mwa bhele we mogwi. ²² Akongo ayi bhahulidja bhuka, mpe aye bhukia: nhani na bhoyambi nha Mongai. ²³ Nibhukeni bhosembo, ingakho moto akha bhuka na mokhonhi muwa: djohoha mpe nhumba teyi ya nhuwa mpe anhayiti na tembe te teyi ya mwema mawe, kasi djeya na bhobhuka mubho mwanhowa, mwakomene solo. ²⁴ Mayinanga nibhuki nhanu: susu djiyongi ino na bhosambela wawa nhisani mpe owanhisani solo. ²⁵ Ngonga ebhe eyoma ino bhoko losambo, okanha na mokando ma mogendja omoti, molimbisa, nhingongo sangowa akhe teyi ya nhiko alimbisa bhobhehu bhanu lokolo. ²⁶ Inakho olimbisi bhamina we te, sango wa obho abhe teyi ya nhiko atulimbisa mpe te solo ata limbisa ti te. ²⁷ Bhayikimba nakina ayeruzaleme, mpe, abhanda bhosomba teyi ya Tempelo bhanganga bhakondji, na bhateyi ya mobheko na bhasuku, bhayi nhowa pambe yande, ²⁸ Mpé ayi bhuka nabhu: okhi nha nhikaki nha moko monkando mowa, mpe ndaa onyeyi bhokondji nhaa bhako? ²⁹ Akongo ayi bhawidja: ninyeni motuna momoti; hulidjani motuna, mpe maabhukeni nanda anyeni bhokondji abhoko ngando djia. ³⁰ Bhatisimo bha Yoane bhadjonga obho anhiko, to na bhagendja? hulidjani. ³¹ Kasi bhayi hodjono teyi yabhu akahulidjani: obho nhiko ayibhuka akpulia ye bho moyamba tite? ³² Mpé bhayi mihulidja: bhagendja... Bhabhanga bhagendja ndjokande bhasusu bhandi maka Yoane akhe Profeta. ³³ Nhingongo ayi mowidja Akongo odjeyi. Mpé Akongo ayi bhawidja: mbite, nibhuki te nda aanyeni likoki nha bhoko.