¹ Akongo ayibhanda bhobhuka nabhu na masese. Mogendja omoti ayiyoma mbuma. ayi hika eyinse, ayibhagendje masio abhohomedja mbuma, nsio ya bhobhanea; nhingongo ayiye na bhafuteyoka, mpe ayekhe angando edina. ² Ngonga ya bhokese, ayilinda moto ya elomo omoti akpulia bhokese ndambo ya mbuma dja vino. ³ Bhaye mopeya, bhayi mokuta, mpe aye handa mabho edjegi. ⁴ Bhayi molindia wa elomo monye; bhayi mokuta amóo bhobhehu. ⁵ Ayilinda wa misato, bhayi mowowa; mpé bhagendja bhanene, bhayi bhakuta te bhayi bhawowa. ⁶ Akhi na mongbongi wande omoti akapáa iyo; nhingongo ayimoyinda pambe yande na bhowa bhukia: bhatosa mongbongi wande. ⁷ Kasi bhagendja bha elomo bhaya bhukia teyabhu: nsé mosumba monika nande; ayi nhowa, mohowa mosumba monika nandi monhika akpulia ansu. ⁸ Mpé bhayi mopeya bhayi mohowa, mpe bhayi monhumba pembeni ya eyonga. ⁹ Sika abho bhodjebho djebho, mene eyonga akho ndengende? anhowa, bhobha wowa bhagendja bha eyanga, mpe anyena bhadina. ¹⁰ Ino bholongi tini bhuka ya likoma te: libhanga nhibho nhanhumba ino yaye koyi ino aeyise nhitobhi libhanga nha motiyo; ¹¹ Ekhe na bholingo bha Nkumu bho athobha iyo bho akhi moto mabhobhi amiso mosu? ¹² Bhanukanaka bhamope bhayi bhanga bhagendja bhanene. Bhayidjea akpulia abhu Akongo ayibhuka na masese. Bhayinge mpe bhayikhe. ¹³ Bhalinda bhagendja bhanene phanhi na Akongo bha farizeo mpe bha Herodia, nasuka bho mopena bhuka yande. ¹⁴ Bhayinhowa bhokhuka nande: Moteyi, inso edjeyi bho okhe bhosembo, mpe tobhange moto omoti te; ndjokande otikha nse mbanda ya mogendja te okalakisi na nhoyi nha Mongai na bhosembo. Elingisami, to te, na bhofuta mpako? ekoki bhofuta, to etefute te? ¹⁵ Akongo, nidjeyi ngando djanu nase nase, ayi bhawidja: akpulia ye aokanuka nani mbi? weyeni obho nha nhingongo, bha nimowene. ¹⁶ Bhayi bhonhoya nande mpe Akongo ayi bha hedjo mbanda ebhe mpe nhina djibhe nhanda? ayi bhawidja mbanda nha César. ¹⁷ Nasima iyo ayi bhuka ebhe ekhe na César neya ya César mpe ebha ya Mongai neya na Mongai mpe bhayi kamwa teyi yabhu. ¹⁸ Basadeseo, bhakabukaba bho bhagendja te bhasekwa te, phanhi na Akongo mpe bha mohedjo: ¹⁹ Moteyi, nse Moise anye mibeko: ingakho mangwa aka gawa, mpe ayiye mwanhi, ayeti mongbongi te manyango wa momi akoki bhomo hoso, mpe anya nande mogbongi. ²⁰ Bho, bhanha bhana bhami sambo. Waliboso awoso mpe ayigowa na bhoye bhana te. ²¹ Obhowa motutiya ayitomba obho agwe momi akpulia bhomohoso, mpe ayi gowa sa bhoye mogbongi omoti te. Wa bhasanto ndenge omoti. ²² Mpé emoti te na sambo aye mwana, Nhingongo nhabhu bhasusu, mwanhi ayigowa. ²³ Nabhosekwa, nda anha mwanhi wande? ndjokande ibho bhasusu samba bhonhakhi na mwanhi omoti. ²⁴ Akongo ayi bhawidja: bhotikeni teye ya libhunga te, akpulia bho bhodjete likoma te, otikeni na ngunhu ya Mongai te? ²⁵ Ndjokande, bhagendja bhaka sekwa ayogo, bhagendja bhatahosono nhia na bhani te, bhani bhata honso te, kasi bhanha dje bhandjelu teye ya nhiko. ²⁶ Akpulia sekwa ya yogo, bhowa langati te, teyi ya bhuku ya Moisé bho Mongai abhuka nasu, ayi mopundjia amowe mamosa: nike Mongai wa Abalama, Mongai wa Isaya, mpe nike Mongai wa Yakobo? ²⁷ Mongai atikhe wa bhagowa te, kasi obho ayike na bhomoi, otikhe teyi ya lobhunga. ²⁸ Omoti wa bhateyi wa mibeko, okina obho bhayisana tembe, na bha Akongo ayi bhahulidja bhopele na bhasadise, bhaya pusa, mpe ayi bhahedjo: eyomande ekhe nhibhoso nha komandema djisusu? ²⁹ Akongo ayi hulidja: anhiboso: okha, Israeli, Nkumu, akhe Mongai, mpe iyo mbuki Nkumu; ³⁰ Mpé: ohapáa Nkumu, Mongai wawe, owamopa na mwema momoti, na molimo mawe mobimba, mpe na ngunhu yawe mobimba. ³¹ Nse malingongo: pha amina ndenge ekhapawe mene etike na mibheko midina te mibhi mibho na minene. ³² Moteyi ya mobheko ayibhuka nhabhu: bhapele, Molakisi; abhuki na bhosembo Mongai ekhiyo omoti, mpe atike na odina te, ³³ Mpé bhopha bhasusu na mwema momoti, na susu djianyo nasusu na molimo mpe ngunhu esusu, mpe pha aminaiwe djewe mene, inyo bhalito bhaka tumbene na mbeka. ³⁴ Akongo, ayimuhulidja na mayele, ayebhuka nande: etike bhohanhi na bhokondji nha Mongai. Mpe mogendja omoti te ahulidja motuna. ³⁵ Akongo, abhandaka bholapisa teye ya tempelo, ayibhuka: ndengende bhateyi ya mobheko bhaye bhandaka bhobhuka bho Kristo akhe mogbongi wa Dawidi? Dawidi iyo mene, molimo mokha molinda ³⁶ asakole, na bhobhuka: Nkumu ayibuhka na Nkumu yande: nha anhibho yambi ya bhami, tée na kwendji bhanguna bhawe teye ya makolo mawe. ³⁷ Dawidi iyo mene ayi mobheya Nkumu; ndengende okoki bhonha mwanaande? mpe bhagendja bhanene bhayi sepelaka bhomo yoka iyo. ³⁸ Abhabhukiaka teyi ya malakisi: kebha na bhateyi bha mibheko, ibho bhapayi bhosombo na bhisendja bha lokumu, mpe bhakapai bhanye lokumu teyi ya bhagendja bhanene; ³⁹ Akhanukana kiti ya libhoso teyi ya Sinagoga, mpe ya libhoso siyo yaa lokumu; ⁴⁰ Bhabhuka bhiese ya bhanhi bhagwewe bhami, bhapai bhoningindja bho bhakasambeli makasi. Bhasambisama makasi mingi. ⁴¹ Akongo, akheyi bhokanha phanhi na sanduku ya mabhondja asekhe ndenge eyisaka bho mbemba. bhagendja bhaa mbemba bhayisaka mbemba djinene. ⁴² Ayene mpe mwanhi omoti agweye momi, ayinhumba bhibende bhibale ya fahanga ma bhutshenhu, ekho emoti na djineyi. ⁴³ Bho Akongo, ayikheya bhayekoli bhande, ayi bhuka nabhu: nibhuki nanu solo solo, mwanhi obho agweyi momi ayineyi makhabho mande mayinyo makabho masusu mabho manye ibho; ⁴⁴ Bho ibho bhasusu bhayinheya mbemba mubho moyi nhaka ibho nabhu, kasi iyo atakelela nakho atakelela, ayenyea susu anaki nahu, na fanga djande djayake yake.