¹ Pussa aya phundja yo a tempelo, moyekoli omoti ayibhuka nander: moyekoli, nse ndenge ya mabhanga mabho, nse bhotongee monene mpendja! ² Akongo ayibhuka nande: oweni bhotongi bhubho? libhanga nabho omoti te yanhika nhiko nha nhibhanga nhiya siese ya bhukiana. ³ Ayikhe bhekanha angomba ya Olivia, eseyini na tempelo. Petelo, Yacobo, Yoane na Andrea bho bhene mohedjo motuna: ⁴ Ebhukia inso, tango nde eyo akhomene, mpé elembande ebhe ya komene ? ⁵ Akongo ayi bhuka nabhu: kebhambho moto odina te aye tokoseni te. ⁶ Bato bhanene bhanhowa nakambo yambi, bhabhuka; mbi obho Kristo. Mpé anyea bhagendja bhanene. ⁷ Tango yayakani bhato bhake na bhiya mpé makelele ma bhiya, to bhangeni te, ndjokande masusu makholi bhonhowa, Kasi etanha masuka te. ⁸ Ekolo emoti eyemeyaana bhe edina; yanha mokili mobimba mwa ningana nsio susu, djáa mpe yanhowa. Eyanha dje ebhandeli ya epekho ya inyake. ⁹ Nha bhokeli. bhathongeani alikita dja bholoko,mpé wahutane fimbo teyi ya losambo bhatshongeni pamba ya bhakondji akpulia mbi akpulia mbi akpulia bho bhasakwa amiso mabhu. ¹⁰ Kasi esengeli libhonso bhasangele bhuka bhope a mokili mobimba. ¹¹ Bhusa bhayebho bhapeya, mpé bhayene abho sambi towa tungeseni naa mubho maino mabhuka, kasi bhukanibho maibho maaningidja na ngonga ena; kasi ekanha inoti nda wabhu kani kasi Elimo santu ngá wa bhukidja. ¹² Moto akhabha manyongo akpuya bha moho, mpe ya akabha mwanande, ngbongi bhakendjo na bhabhoti bhabu,mpe bhabha wehedja. ¹³ Bhagendja bhasusu bhalonani akwiya nhian nha mbi, kasi mogendja ayisa mbamba ahela. ¹⁴ Ngonga awene ino ngando agowa ayayemani nsio ekaki ti te, mogendja obho akalanga tina ya bhukaa yande, bhusa bhayina bhagendjaa bha nha ayudea bhatia angomba; ¹⁵ Kasi oboh anha nhiko nha nikho nha ndako atatite te akpulia bhotomba eyoma nhande nha eyinse; ¹⁶ Obho anha teyi ya elanga atihule nhingongo te akpuya bhotomba mokoto. ¹⁷ Mawa bhanhi bhanha nhemi mpe bha nhungidja ngbongi. ¹⁸ Sambelani bhagendja djia totaneni bhusa bha bhokundu. ¹⁹ Pamba te masu maina manha masu ma nhikaka yanha nhikaka pendja bho enhaik timete bhande ebhandeli nha mokili bhanda Mongai akho mokili te bhende etanha nhea nhingongo te. ²⁰ Inhako mokondji bhokókó masu maina te, mogendja omoti te atahela; kasi ayekoko masu akpulia bhobho bhahoyi iyo mene. ²¹ Kasi mogendja akhabhuka nanhu: nse Kristo akhi abho, to monse iyama tomo ndimeni te. ²² Pamba te bha Kristo bhalokuta na bha profeta bhalokuta bhapundja bhaningindja bhilembo bhabhu na makamwinsi mabhu muya mokoko bhokosa bhabho Mongai abhahó. Inakho ekoki bhomene. ²³ Bhongo kebhani: nadjedjani libhoso. ²⁴ Namasumä, nhingongo na masu mana moyi mwayindi, songe atakpandja nheya, ²⁵ Mokuku mwakwa nhiko, mpe ngunhu esusu nhanhiko ya ningana. ²⁶ Na ngonga ena owawene mogendja wa moto anhowa oho amapata na ngunhu enene mpe na kembo. ²⁷ Ayinda bhandjelu bhande, mpe bhasakisa bhabho bhayi bhonaama bhabho bhahono bhayi tana nsio susu nha mokili bhanda khe aya sukia mokili tée ohó sukha nhanhiko. ²⁸ Leneni tina ma mawe ma figi. Bhitapi bhina bhikayembe mpe kasi djepundja, bhadjeyi bho masu makoma matobhi phanhi. ²⁹ Okobhowa, bho owawene ngando djia djianho wa, djeanibho mogendja wa moto olokhi phanhi. ³⁰ Solo solo bhagendjaa bhake bhaneyi bhe bhato gowa ti te ngando djina djikhomene. ³¹ Nhiko mpe na ndebha nhianyo, kasi bhuka yambi étanyote. ³² Mogendja omoti te adjeti bhusa bhowa to ngonga ena, naboh bhandjelu oho anhiko, nako mogbongi okho ya iyo mene adjeyi. ³³ Ino khebhani mpe akengeleni mpe sambelani; bho odjeyitini masu maina makoke djana. ³⁴ Eyanha dje mogendja akheyi mobembo, ayiye eyinse yande, ayiye bhokondji bhosusu pamba ya bhasaleli bhande, eyinea mogendja na mogendja elomo djande, mpe ayilinda mokengeli eyise nhande bhopele. ³⁵ Mainhanga kengeleni, bho bhodjeti bhusa mene eyise ahula, na mokó teyi ya bhúu, to na mongbongi to phanhi na mongbakenhi eyaye kókó; ³⁶ Bho akhanhowa mbalakaka, atayetaneni ayiho. ³⁷ mubho nibhuki nanu mokando ma mogendja bhasusu.