¹ Bhusa nhalipati nha Pasika mpe bhapagano bhohaka mapa te vimbe te bhowene nhingongo nha masu mabale, Bhanganga bhakodnji mpe bhateyi ya mobheko bhakanukana moye bhamopée Akongo na mayele, mpe bhabho bhamowo. ² Ndjokande bhayibhuka: bho etanha bhusa bhalipati te, bho bhagendja bhatayife nhihaka te. ³ Ndenge Akongo ayike akhetania, teyi ya eyise ya mabha, mwanhi omoti ayiyingia ntango yanhayo ameza, ayi monhoya molangi nha malasi monha na motoya makasi; mpe ayinhupuwa molangi, aye mosunia Akongo amóo. ⁴ Teyi ya bhagendja bhanhaki hóa bhayoka bhobhehu akpulia akhabheyedja malasi? ⁵ Bhakokaki bhoyengedja na Denario kama djisa to, mpe bhané na bhagendja bha mawa. Mpe bhasombe bhanhi. ⁶ Kasi Akongo ayibhuka: ye-ho akpulia ye bhoka motungise? iyo ayikho monkando mope akpuyia mbi; ⁷ Ndjokande inhi bhokanha na inho tango susu, na bhagendja bha mawa, mpe bhakoki bhobho bhope bhokopa, mbi nanha nanhu masu masusu te. ⁸ Akhoyi ndje akoki; asinge mokuku mambi malasi mokolo bhakunde mbi. ⁹ Nibhuki nanu solosolo, nsio esusu to bhakasakwa ibho sango malamu teyi ya mokili mobhimba, owaleneke mokando mwanhi hóna ayikóo yiyo nambi. ¹⁰ Yuda Iskarioti, omoti na djomi na bhabhale, ayekhe pamba ya ngonga mobhunia bhamoneya mbemba. Yuda akanukana mokando amoteke. ¹¹ Nhingongo nha bhayoka, bhayitobha teyi ya esengo,mpe bhayi mobhunia bhamoneya mbemba. Yuda akanukana mokando amoteke. ¹² Bhusa bhayambo bhowaka mapa obho wa vimba ti, to tite wa pasika, bhayekoli bha Akongo bhayi bhuka: to twakhense ambongedje Tasika? ¹³ Mpe ayelinda bhayekoli bhabhale, mpe ayebhuka nhanhu: kheni angando enene watanana na mogendja omoti ayiwa mbeki ya nhuwa modjuwa. ¹⁴ Ayingia ansionde, bhuka namene eyinse: molakisi ayibhuka: yanhanse to eyakha eyanga Pasika sase na bhayekoli bhambi? ¹⁵ Mpe bhamoningedje eyinse enene ya etage, ebhe bhobho ngendje bhopele: mpe bhaye kalia nhia inso iyakhe na Pasika. ¹⁶ Bhayekoli bhayike, bhaitobha agbata, Mpé bhaitana lóoma dhisusu ndenge yháa bhabukia ibho, Mpé bhaimbandá bho bhongedje eyanga ya pasika. ¹⁷ Mokhóo moyi tóbha, ayitobha na bhayekoli bhande djomi na bhabhale. ¹⁸ Ngonga anhaka bho ameza mpe bhakaka, Akongo ayibhuka: nikabhuka nanu bhosembo, omoti nanu, obho ekha haka nande nsio moti, akhabhani. ¹⁹ Bhayi bhande bhayoka iwa, mpe bhayi bhuka, omoti nhingongo nha obho: ikhe mbi? ²⁰ Akongo ayi bhawidji: ekhe omoti wa djumi na bhabhale akayisa mabho nambi nsie emoti teyi ya sani emoti. ²¹ Mogbongi wa mogendja akhe ndenge ekomi bho akpulia nde, mawa na mogendja obho amokabha! enyoyi bhopele akpulia mogendja obho bhayi mobhotaki te. ²² Ngonga yakaka ibho, Akongo ayitomba mapa; mpe, nhingongo aye sambela, ayibhuka, mpe ayi bhanea, ayibhuka: tomba, ebhe ekhi mokuku mambi. ²³ Ayitomba keni; mpe, nhingongo nha bhosa mbela, ayibhaneya bhasusu, mpe nungani ino bhasusu. ²⁴ Mpé ayi bhuka nhabhu: ikhi makiya mami, makiya ma bhondeli masika, masuniana akpulia bhogendja ebhele. ²⁵ Nibhuki nanu solosolo, nitanungaa nheya mbuma dja vino to, te bhusa bhambi nia teyi ya ngando ya Mongai. ²⁶ Nhingando nha bhayemba nhimbo nha bhotondi, bhayi yanda angomba yo oliwe. ²⁷ Akongo aye bhuka nabhu: ino bhasusu bho yayene mbi; ndjokande ekomami: nakuta mokengeli,mpe mpata inso ya Panzana. ²⁸ Kasi, nhingongo bho na sekwa, nakhe libhonso djanu agalelia. ²⁹ Petelo ayi bhuka nande: nabho bhasusu bhaye, mbi nitaye te. ³⁰ Mpé Akongo ayi mobhukia: nibhuki nawe solo, we, bhende, na bhúu, libhoso bho kobo ayiye mbala djibhale, owangani mbala djisantu. ³¹ kasi Petelo ayebhoma nhikuku nakoki bhogwa nawe nsio omoti, nitangana te. mpe bhasusu bhayi bhuka kha ndenge emoti. ³² bhayitobha nsio bhaka bheyaka Gestemani, mpeAkongo ayibhuka na bhayekoli: nhani abho, ngonga obho nihasambela. ³³ Ayi motomba Petelo nande, Yacobo na Yoane, mpe bhayi bhayimbanda bhobhanga. ³⁴ Ayibhuka nabhu: niyoki mawa mingi ndengo nikapa bhogwowa yambi;nhika obho mpe ayabhanea. ³⁵ Bho, ayadinda bhotshenhu, ayakwa andebha, mpe ayisambela bho, ekha nha solo, ngonga ebhe ya epekho edjowe phanhi nhande. ³⁶ Ayibhuka: ya, susu djia nhowa nhidjowe phanhi mbi nheni ya epeko! ndjokande, ekhonene te dje epayi mbi kasi ekomene dje epaliwe. ³⁷ Mpé ayikanda nsio yanhaka bhayekoli, ayitana bhake,mpe aye bhuka na Petelo: Simon, okahe! akokiti ma makasi na bhokengele nakho ngonga emoti te! ³⁸ Akengele mpe sambela, nhingongo bho tokwani na masumu te nabho mogendja nha na makasi mokuku mande moyembe. ³⁹ Ayikhe bhoka sambela na bhuka ebhe ya libhonso, mpe akasambela ndenge emoti. ⁴⁰ Ayihanda, mpe ayibhatana edina mbala bhahé; ndjokande minso mabhaa mahemba nha iho. bhanhaki ya bhuka te bhamuhulidja te. ⁴¹ Ayikhe mbale ya insantu, mpe aye bhuka nabhu, heni, mpe henani! etobhi! ngonga etobhi; nse, mogbongi wa mogendja bha mokhabha amaabho ma bhatu bha masumu. ⁴² Hemani ekheni; nse obho akhakabhani atobhi phanhi. ⁴³ Mpé na ebhango, ndenge ya bhuka mbala edina, bhotobha bha Yuda omoti wa djomi na bhabhale mpe nande na bhagendja bhanene bhayi peya mipanga mpe bhigbogbo bhayi linda bhangonga bhakondji, na bhateyi bhamibheko mpe na bhasuku. ⁴⁴ Obho akhapeya ibho nanu naneani ma elembo: obho na mozinga ekopi, iyoma; mope yaani, nhowa nande ni bhopete. ⁴⁵ Ngonga ebhe ayi tobha iyo, ayadinda phanhi na Akongo, ayibhuka: moteyi mpe aye mozinga ekopi. ⁴⁶ Bhayi mopeya Akongo na mabho mpe bhaye mopeyi. ⁴⁷ Omoti wabhu anhaki ya, auifa ngwa, mpe ayi mokhuta mosaleli wa nganga bhakondji, ayi mokhese nhitoyi. ⁴⁸ Akongo, ayitombha bhuka, ayibhuka nabho: bhonhoyini, bhopeyani dje moto wa hubha, na bhangwa mpe na bhigbogbo, akpulia bhopeyani. ⁴⁹ Nhanhaka masu masusu teyi yanu, bholakisa teyi ya tempelo mpe ino bhapeya tini te. kasi ekhakoli bhokomene bhowa bhakoma ibho bhowa amonkanda. ⁵⁰ Nasima bhasusu bhayi moye mpe bhayi motiya. ⁵¹ Moyenga omoti amotutiyaki, ayanhipa na esendja. Bhayi mopeya; ⁵² Kasi ayiye esendja, ayi tiya mbundu. ⁵³ Bhayikhe na Akongo pamba ya nganga,mokondji, bhasusu bhayisangani likita bhanganga bhakondji, bhakumu bhateyi bha mibheko. ⁵⁴ Petelo ayemotutiya na bhohanhi tée suka mosenga ya nganga mokondji; ayinha na bhasali,mpe bhahokaka mosa. ⁵⁵ Bhanganga bhakondji na bhagendja bhasusu bhayenhukana bhobhuka bhobhehu akpulia Akongo, akpulia bha mowo, mpe bhadjwati; ⁵⁶ Ndjokande bhanene bhahimo motshongoya na lokuta akpuya iyo, kasi matatoli ma mokokaniti. ⁵⁷ Bhadi bhahihema, bhaayi motshangeya na bhuka dja malowa: ⁵⁸ Inso ayokha ayibhuka: nipandja tempelo ebhe ekhomeni na mabho nha bhagendja, na masu masantu na hinda ebhe ekhomeniti na mabho nhs bhagendja. ⁵⁹ Kasi amokando mibho-bhuka yakhu yakokaniti. ⁶⁰ Dje nganga mokondji, ahihema teyi ya lihita, ayi mohondjo Akongo, mpe ayibhuka: we ohudjetite? eyomande bhagendja bhabho bhakayene angbanga ya we? ⁶¹ Akongo ayiyanga monoko, mpe owidjati te. Nganga mokondji ayi mohondjo nakina, mpe ayibhuka nande: okhe Kristo, Mogbongi wa Mongai apamkwani? ⁶² Akongo ayibhuka: ekhe mbi. Mpe ino wa wene Mongbongi wa Mongai ayinhe aebho yande ya nhibhami na ngbunhu ya Mongai, mpe anhowa teyi ya mapata manheko. ⁶³ Kasi nganga mokondji ayitsha isindja nhande, mpe ayibhuka: etikhe nheya na mokando ma matatoli te? ⁶⁴ Oyakhini ndenge ayi mobhoki Mongai, oyeni bho? bhasusu bhayi motshengeya akhoki na yogo. ⁶⁵ Bhakina bhayi bhanda bhomonhukia masoi,mpe bhayi nhipa miso mande na isindja mpe bhayi mokuta, mpe bhayi bhuka nande: Profeta! mpe bhasoli mpe bhayi mokuta bhanene. ⁶⁶ Mpoko Petelo anhaki tiambo ya mosenge, ayeyene mosali omoti wa mwanhi wa nganga mokondji. ⁶⁷ Ayeneho Petelo anhoka móosa, ayi mose, mpe ayibhuka nande: we mpe onhakaki na Akongo wa nazaretha. ⁶⁸ Ayingana, ayebhuka: ni modjeti, nidjeti eyomonde okhakho te obhuke. Ayiphundja ayikhe phanhi na monhipe ma lopango. Mpe khakho ayeyemba. ⁶⁹ Mosali omoti wa mwanhi, ayé mowene, ayi bhanda bhinebhi bhobhuka na bhabho bhanhaka há obho ayikhe omoti wabhu ayinganga nakhina. ⁷⁰ Ma mubhu tshenhu nhingongo, bhabho bhanhaki ina mpe bhayi mubhuka nakina na Petelo: menemene kokhe omoti na bhagendja bha okhe mogalilea. ⁷¹ Dje lingano ayibhanda bholapa: nidjeti mogendja ona akha bhuka. ⁷² Bhinhebe, edjange ya nibhale, khókhó ayéyia. mpe Petelo ayitima bhuka djia mobhukia Akongo: libhoso khokoh aayibhekó mbala dji santu. Bhoyene, ayo ayiha.