¹ Na masu mabhôwa, moyidi momoti monene bhaikábháa bhibhe ébhé bhingbóo mpe bhabhati nande éyákáké, Akongo aibhéyá bhayékoli, mpe aibuka mabhu: ² Mbi niké bhopaa na iwa akpulia mogidi mubho; djokande sée masu masato bho ibho bhaké pabhi na mbi, mpe ibho bhatiké na éyákáké. ³ Inako mbi nikabhahánédja pambéya abhu na djaa, gubha ya bhasia na djiya; djokande bhadina teyi yabhu bhadjogi bhoyabhi. ⁴ Bhayekoli bha nde bhaimwanoya: yabhagowedja ndegende na magbutu, abhó, teyi siyo émoti ya umá? ⁵ Akongo aibhahédjo? Sambo, ibho bhaiyanowa. ⁶ Iyo aibhedjaa magbutu sambo, mpe, bhingongo bhowene bhowidja Galasia, iyo aibenisa, mpe ainea na bhayekoli bha nde akpulia bhabhagbayaké; mpe ibho bhaigbayaka na Mogidé. ⁷ Bhanhaka ndomboya nsú, mpe Akongo anhisa ngolu. ayi bhakabhola. ⁸ Bhagendja bhayiyoka bhe bhayigola, mpe bha yiwa bhikolo sambo bhanhia na ndambo ndambo ya nhika bhayi wa isusu. ⁹ Bhanhaka bhagendja koto ineyi, Nhingongo Akongo ayi bhahanedja. ¹⁰ Okonangonga ene ayikhonda teyi ya bwaty na bhayekoli bhande, mpe bhayito teyi ya ekolo ya Dalmanuta. ¹¹ Bha Farizeo bhayike mpamba nde, bhayi bhanda bhoyisa na Akongo tembe, mpe akpulia bhomeka, bhayi moyonga elembe ebhe yadjonga nhiko. ¹² Akongo, ayihema mokasi na molimo mande, ayibhuka: akpulia bhagendja bha bhende bhaka mahedjo elembo? nikha bhukiani solo solo, nikhokiti bhonea elembo te n bhagendja bha bhende. ¹³ Mpé abhayeha,mpe ayikende teyi ya bwato akpulia bhoyeka angambo. ¹⁴ Bhayekolo bhabhosa bhotomba mompa; bha nhaka kho na mampa omoti teyi ya bwato. ¹⁵ Akongo aye bhakebhisa: bhaneani mosisa ma mampa ma bha Farizeo mpe ma Herodia. ¹⁶ Bhayekoli bhalene teye yabho, mpe bhaye bhuka akpulia bho bhatike na mampa. ¹⁷ Akongo, adjea, akpulia ye bhoka bhuka etike na mampa te? ikhi ndje bhotike na mayele te mpe bhotika landani bhopele? ¹⁸ Okeni na mowema makasi? okheni na miso, otikhe eneni te? okheni na matoyi otika yoka ni te? bhotikeni na mayele te? ¹⁹ Natomba mampa bhatano akpulia bhagendja koto zitano, bhawa mianta ndambo ndambo dja mampa dja awayi ibho? ndjomi na djibhale mubho mwahili djayo nabhu. ²⁰ Mpé tango iyo alumidja mwita sambo bha mampa akpulia bhagendja kama djine mwita ndjeka mialuma nandambo ndambo dja awwa ibho? sambo, ayi bhahudji ibho. ²¹ Mpé ayebhuka na bhu: bhoyokakini tina te? ²² Bhayitokha abetisaida, mpe bhayi moweye mongendja anhipana miso, bhayi mobhandele amopée. ²³ Ayi mopeya wanhipana miso na mabho, mpe ayike nande tiambo yangando; ayimosi nga mansoi aminso ayi mandea maboh mpe ayi mohedjo otika wene eyoma emoti. ²⁴ Mpé ayinse, mpe ayibhuka nika yene bhagendja, nasima nika yene dje mée, mpe mika somba. ²⁵ Akongo ayisia mabho edina mbala amiso; mpe, seka abho ayibhanda bhowene bhopele, aheli, mpe ayihene susu polele. ²⁶ Nasima Akongo ayimolinda aeyise, na bhabhuka: toyinge angando te. ²⁷ Akongo ayikhe na bhayekali, teyi ya ngando ya sezare ya Filipo, mpe ayi bhahedjo mituna na ndjia bhokabhukeni bho nikhe ndáa? ²⁸ Bhayi muhuhudja okhe yowane; bhadina, Elia, bhandina,okhe profeta. ²⁹ Mpé ino, ayibhahedjo nakina, okhabhukeni bho nikhenda? Petelo ayi mowidja okhe Kristo. ³⁰ Akongo ayi bhaneya makasi bhaebhuke na moto omoti te. ³¹ Nhingongo ayibhanda bhoiwa bhukia bho mogendja wa moto abhandi bhoyoka mpasi, bhayi monhumba na bhasuku, bhateyi ya mobheko mpe bhanganga bhokondji, bhayi mohowa,mpe ayisekwa ngongo na masu masantu. ³² Ayibha bhukia bho hoye. Mpé Petelo, amobha mpamba amohomdje maleni. ³³ Bho Angongo, aye ahombedja mpe ayi monse na bhayikoli ayi mokebhedja Petelo, mpe ayi bhuka: nhingongo nhambi, mondili! ndjokande malene mawe ma djongi ti amongai te, odjwi maleni ma bhagendja. ³⁴ Nhingongo ayibheya bhagendja na bhayekoli, ayibhuka nabhu: ingako omoti abha nhingongo nhambi, ahakia iyomene, awa kuruse yande mpe adjwieni. ³⁵ Ndjokane obho aheledja bhomoi abho bhungidja, obho akhabungidja bhomoi amokando mambi mope bhomoi monkando bhopele ahela. ³⁶ Mpe mogendja omoti akatomba mokili mobhimba, akabhungidja bhomoi bhande? ³⁷ Eyomande ekoki mogendja bhofuta abhoheledja bhomoi? ³⁸ Ndjokande mogendja obho ayoka bhosoni mpe bhuka yambi amiso ma bhatu bhapete mpe bhasumuki, mongbongi wa mogendja ayoka bhosoni bhusa anhowa na kembo, na bhanzelu.