¹ Bhafaliseo mpé bhateyi bha mobeko, bhodjonga bha Yeludjaleme, bhaiyasa ngana pabhi na Akongo. ² Ibho bhaiyene bhayekoli bha nde bhadu bhotomba nhiya bhabhu na mabhô ma bhosoto, ébuki dje bho bhasositi te. ³ Djokande, Gbafaliseo mpé bhayuda bhasusu te bháaké na pita na bhososa mabho, bhopele bhotutiana bhotata bha mbango bhabhu; ⁴ Mpé poko ekahuwa ibho asiyo dja bhidjando, ibho bhakáako oko bhingongo bha bhowa asuwa. Ibho bhake nakina na moneseno mabhu minene midu ma bhotáata dje bhosesa bhipkaka, teni mpé na mbengi. ⁵ Mpé Gbafaliseo mpé bhakumi bha mobeko bhaimohedjo: Agbanga yaye bhapostolu bhawe bhatika tutia bhotáata na mbange, Kasi ibho bhaka tomba bhiya bhabhu na mabhoma pita? ⁶ Akongo oùbha yanówa: Bapiatshikó, Izaya asakwa bhópée bhiko bhanu, kasi bhó ékomani: Bagedja bhabhó bhaikumisa mbi na bhibhabha bhabhu, mwema mabhu moke bhohábhi na mbi. ⁷ Eke bho makumisa, makakumisa ibho mbi, na bhonéa matéya mabhu mike na mitindo ma bagendja. ⁸ Ino óyeini mitindo ma Mongai mpe ino okatómbáné mimeseno ma bagendja. ⁹ Iyo aibuká na bhu nákiná: ino ókábhukáni bhopée makasi mitindo ma Mongai, akpuliaa bhóbhánéa mimeseno manu. ¹⁰ Djokande Moisé abhuká: Mémiya sángwa mpé na algwa; mpé óbhó wa beleibhi sango to nango adjwa ibhi étumbu ya yogó. ¹¹ Kasi ino, ino obukini: inako mogendjaa omoti àkabhuka na sango to na yangó: Lhibondja bhia bhikoki mbi nibhinée bhike édjegi, éké dje bhobuka, bhibondja bhimoti bha Mongai, ¹² Ino towayeni te na bhókôo te akpulia sángwa to akpulia ngwáa, ¹³ Bhimani lokóla buka dja Mongai na mimeseno mame, bho ino bhamiisi, Mpé ino ókóomi bhidina lóoma bhiyanaké. ¹⁴ Lhingongo, ayibhéya na bhibhe ébhé mogindi pambeya nde, iyo aibuka na nde: ókáni mbi bhasusu, mpé sondjeani. ¹⁵ Iyo étiké bhohabhi na mogédja kati ébhé, éká ingiya na nde, ékoki bhomokedja; kasi ébhé ékapadja na mogendja, iyonga éká bhomobhehedja. ¹⁶ Inako óbhó óké na bhiyókébhi akpulia bhóoka, bho iyo áóké. ¹⁷ Pokó ébhé ékôiyo bhoyingiya teyi ya éise, bhohabhi na moginoli, Bhayékoli bha nde bhaimohédjo bhiko bha bhisese. ¹⁸ Iyo ayibuka nabhu: ino lokolaa, otikeni na ndata te? inó ótiká sóndjeanite. bhóo ébhe tiambo éyingeyi teyi ya mogendja ekokiti bhomobhéhedja te? ¹⁹ Djokande enabheya etayingiya teyi ya mwema ma nde, kasi teyi ya sopô djande, bhingongo ékákée teyi ya bhiyée, bhibhó bhika bhogendja bhiya bhisusu. ²⁰ Iyo aibuka nákiná: Ebhé ékapudja a mogendja, ékamatobhédja mogendja bhobhehu. ²¹ Djokande éké teyi, éké bho moema ma bhagendja, bho mokaifa maleni mabhehu, mamoli, mabhadja, yogo, ²² Mahubha, bhóyo bha mbemba, méema mibhéhu, huubha, malowa, lolendo, bhigboma. ²³ Lóoma bhiya bhisusu bhibhéhu bhikapudja teyi, mpe bhikabhehedja mogendja. ²⁴ Akongo, ákée hóbhó, iyo ákée teyi ya gbata ya Tylo mpe ma Sidoni. Iyo ayingiya teyi ya éyisé émoti, apati bho mogendja amodjée; kasi iyo apaaki abhika abhiobhombi. ²⁵ Djokande mwabhi omoti, obhó moseka wa nde óbhaki na amembó omoti, aiyoka bhobuka bha nde, mpe aikée bhokabhumbá a mákó mande. ²⁶ Mwabhi ona abhaki mo-greki, Sylo-féninsia wa méneméne. Iyo ayábhéla na nde akpulia bhóbhéngana amémbó tiámbo ya moséka wa nde. Akongo aibuka na nde. ²⁷ Yemée ngbongi bhagóo; ndjokande étiké bhopéle bhotómba bhigbutu bha ngbongi, mpe bho obhumbée mboiabha bhodjelele. ²⁸ Iyóo, Kumu, iyo aimawaneya, kasi mwá bha bhodjelele, na nse ya mésa bhakáháke ókó bhidjedje bha ngbongi. ²⁹ Maima iyo aibuka na nde: angbanga ya buka éna, kée, amembó apudji na moseka wa we. ³⁰ Mpé, pókó ya háná iyo teyi ya eise ya nde, iyo atáná mongbongi ásami bhikó bha bhwaka, bhéako amembó aipundja. ³¹ Akongo aiyée gbáta ya Tylo, mpe aikumbia Sidoni pambé ya bhuwa ébhé ya Galilaya, na Bhaweka mokili ma Dekapole. ³² Bhaimobhoya abhubhubhu, obho obhaki na bhikákáa bha bhobuka, mpe bhayabhela na nde bhóo amoisé mábho. ³³ Iyo aimotómba bhohabhi na mongindi, aimoisia sasi teyi ya bhiyokelhi, mpe aimopéya ébhábhá ya nde siyo émoti na masoi mande méene; ³⁴ Nakina, aibhasa miso óhó bhiko, iyo ayayeya, mpe aibuka: Efaka, éké dje bhobuka ahukwa we. ³⁵ Sikabhó bhiyokebhi bhihukwana, ebhabhaya nde éiyaloana, mpe iyo aibuka bhopéle mpenza. ³⁶ Akongo aibhanéa mitindo bho te bhaibuké na mogendja; kasi nakina iyo aibhanéa mitindo, naakina ibho bhaipandja. ³⁷ Ibho bhabhaki teyi ya bhokamwa bhonene, mpe bhabukaki: iyo akakóo susu na bhikamwa; nako iyo bhobukidja bha abhubhubhu.