¹ Akongo ayikhee haabhowa, mpé ayawidja teyi ya ekenge ya nde. Bayekoli bhande bhaimotutiya. ² Poko ya bhowaká yengo, iyo ayibha bhosakwa teyi ya synagoga. Bagendja bhanene bhaimoka: bhidjogi óse bhibho lóoma? ebhé eke ndata nde ya monia ibho, mpé ndenge nde ya mokamwisi maabho nakakomene na mobho na mole? ³ Kati atuwebhi wa mabhaya ona, Mogbongi wa Maria, mananya na djokobho, na Edjefu, na Yuda mpé na Simoné? mpé ya asu? iyo alaki abhulia abhu ekumu emoti ya motita. ⁴ Kasi Akongo ayibuka na abhu: Profeta omoti te bhamokumisé bho oko teyi ya siya yande, teyi ya bhaboti bha nde, mpé teyi ya éyisé ya nde. ⁵ Iyo akokati bhokóo abhóbhô likamwisi bhimoti, inako kati iyo bhobhakeya mabho bha bipeko bhadu mpé bhaihéla. ⁶ Mpé iyo aikamóo abhodjaga bhoyambi bhabhu. Akongo abhungwanaki ngondo dja pambaa, na bhosakwa. ⁷ Bôo iyo ayibhéyá bha djomi na bhabhale, mpé aibanda bhaabhalinda bhabhale na bhabhale, na bhobhanea molima bhiko bha midili. ⁸ Iyo ayibhale mbeya na bhotomba te abhulia mondo, inako kati oko ebhowu; nako mbemba teya ebhekese; ⁹ Ifa lóoma bha mako, mpé towami mékoti mibhale te. ¹⁰ Nakina ayibuka na bhu: teyi ya eyise edú eino waingiya, bhikani haa tiú poko ino wa kee na siyo ena. ¹¹ Mpé, inako eke na bhagedja bhadú bhabho bhaatika asepani nako bhayókitini te, ayifane asiyo ena, mpé puyani mihuu na mako manu, akpuliabho yena ebhasalise na litatoli libhehu. ¹² Ibho bhaike, mpé ibhó bhasa kwa bholinbisi bha masumu. ¹³ Ibhó bhabenganaki bhadjabulu bhanene, mpé ibhó bhasinyaki bhabhipeko bhanene monye mpé mobhaheledjaki. ¹⁴ Mokondji Herodia aiyoka bobuka bha Akongo, bhó bhi ina bhimothéa kendjo, mpé iyo aibuka: Yoane Mobatisi asekwa a mbumba, mpé ekee akpulia yena bho ékako iyo makamwisi maina na nde meene. ¹⁵ Bhadú bhabukaki: eke Elia. mpé bhadú bhabukaki: Eke profeta omoti dje omoti wa bhafeta. ¹⁶ Kasi Herodia, na bhõokaa bhówa, aibuka: eke Yoane obhó wakese mbi móo, eke iyo obhó osekwi. ¹⁷ Ndjokande Herodia iyo méene wa peya Yoane, mpé aimoyanga a booko, angbaya helodiada, mabhu wa Filipo, mananyo, akpulia bhó ya mowoso iyo, ¹⁸ Mpé bho Yoane abukaki na nde: esengelamiti na we bhotomba mwabhi wa mangwa. ¹⁹ Helodiade asoya Yoane, mpé ainukanaka ndenge ya bhomowa. ²⁰ Kasi iyo amohonokotike; djokande Helode amobhu ngaka Yoane, amodjea akpuya moomi omoti wa bosembo mpé mosantu: iyo amobhaneaki, mpe bhingongo bha móoka, iyo abhaki mbala nene amopaki, mpe amokaki esiyo emoti na esengó. ²¹ Maina, bhusa bha bhongee bhoitobha, poko Helode, a bhokundwa bhobhotama bha nde, ainea bhikei bhimoti na bhasuku bha nde, na makunu ma mbulungu a mpe bhasuku bha ngondo ya Galilea. ²² Moseka wa Helodiada aeingiya teyi ya bhutanda holi, iyo aibhuwa, mpe bhabho bhakahela iyo na bhu. Kumu aibuka na moseka: onga mbi ebhebho epai we, nanea nahu. ²³ Iyo aibhakeya siyo emoti na bholapa: ibhebho we wa ongani, mbi nanea, nako ekenge ya bhokondji bha mbi. ²⁴ Ayipudja, iyo aihodjoo yangó: Mbi nimongé ye? Mpé yango aiyanowa; Móo ma Yoane mobatisi. ²⁵ Iyo ayahombeya bhogaa na bhongia pambeya Kumu, mpe aimokomée bhóonga bhaina: Mbi nipayi bho we Onée mbi bhibhe ebhe, bhikó bha bhipkapkaa bhimoti, móo ma Yoane mobatisi. ²⁶ Kumu aiyoka iwa; kasi, akpulia bholapa bhande mpe bhabhipati, iyo akokati bhomoko mea bhingano bhimoti te. ²⁷ Iyo nabhoene bhikó bha kambi djamu omoti, siyo emoti na motindo ma bhowáa móo ma Yoane mobatisi. ²⁸ Djamu aikée bhokakese Yoane teyi ya boloko, mpe aiwáa móo bhikó bha bhimoti. Iyo ainea na Moseka, mpe Moseka ainea na yanga. ²⁹ Bhayekoli bha Yoane, yaoká ibho bhowa, bhaibhowa bhotomba mokuku mande, mpe bhaimosa teyi ya bhuusi bhimoti. ³⁰ Bhayekoli, bhaikasangana pabhi na Akongo, iyo aibhabukia susu djibho djabhaká iyo akóo mpe susu na djibhó djakóo iyo mpe susu na djibhó iyo. ³¹ Akongo aibhaabukia: lhowani na mapamba teyi siyo émoti ya uma, mpe ino hémani ma bhotshebhu, ndjokande élhaki na bhanene bhakée mpe ba bhabhowa te. ³² Ibho bhaikée ngáa teyi ya bwato, akpulia bhokée na mapamba teyi ya siye ya uma. ³³ Bagendja bhanene bhaibhaéne bhakée mpe bhaibhadjeya, mpe na bha gbata susu bhapota na makó mpe bhaitobha libhoso ohó asiyo ebhe ékei ékeibho. ³⁴ Poko aiyene mogindi monene, mpe abhu, agbangabhó bhabhaki dje mene bhábhó bhatike na djamu waabhu; mpe iyo aibhaa bhobhasakwa ya loma; mpe iyo aibhaa bhobhasakwa yaa loma bhinene. ³⁵ Dje pókó ébhaki bhéa éikée, bhayekoli bhande bhayadinda pabhi na nde, mpe bhaaibuka: siyo ebhe éké uma, mpe pókó éyohi bhakée; ³⁶ Bhahánedja, bho ibhó bhakée teyi ya kaambi mpe teyi mangando ma paabhi, akpulia bhakahenda nako ye ibhó bhaaka. ³⁷ Akongo aibha anoya: bhaneyani ino bhéene éyakaké. Kasi ibho bhaibuka na nde: Iso ya keeni bhohahenda magbutu akpulia ya denario kama djibale, mpe iso ébhanée éyakaké? ³⁸ Mpé iyo aibuka na bhu: djeka djike ina nahu dje magbutu? Keeni bhokasée. Ibho bhaindima, mpe bhaiyanowa: matano, mpe nsuu bhabhale. ³⁹ Ebe iyo aibhalinda ibho na bhobhakome ésusu bhobhaa mangbóo bhiko bha ndjaani dja bhuwa ya égundé, ⁴⁰ Mpé ibho bhabha na molongo ma kama mpe ma tuku djitano. ⁴¹ Iyo aitomba magbutu matano mpe nsuu bhabhale mpe, aibhasa miso pamba ya bhiko, iyo aihuwidja matondo. Lhingongo aibenisa maagbutu, mpe ainea na bhayekoli, bho bhagbaaké na mongindi iyo agbai nsuu bhabhale lokola teyi ya bhasusu. ⁴² Bhasusu bhaiyaka mpe bhaikóo bhigowa, ⁴³ Mpé bhaiwáa bhidjanga djomi ma djibhale djiluma na bhikéngé bha magbutu mpe na bhibho bhibhikai bha nsuu. ⁴⁴ Bhubho bháaka magbutu bhabhaaa baami koto djitano. ⁴⁵ Bhibhe ébhé bhingongo, iyo ainéa mitindo na bhayékoli bha nde na ngambo ébhé édina, pambeya Betesaida, poko ébhé iyo méene abhowa bhobha hanedja mongindi. ⁴⁶ Poko yabhahanedja, iyo akée bhiko bha mokobhi, akpulia bhowabhela. ⁴⁷ Mokóô moitobha, bwato bhaláa teyi ya bhuroa énene mpe Akongo aalhaaki omoti a ndebha. ⁴⁸ Iyo aiyene bho bhabhaki ya moluka mobhahuwe ndjaki bhingongo; djekande bhihuyá bhikese ne na abhu. Na bhohóya bhuu bha minei nakobhowa, iyo aikei pambe ya abhu, bhosombaa bhikó bhikó bha bhuwa ébhe énene, mpe aipaa bhó abhayóô. ⁴⁹ Poko ibo bhaimoene bhosamba bhikó bha bhuwaa ébhé esisi, mpe ibho bhaifa mipkolowaa, ⁵⁰ Djokande ibho bhamweneki bhasusu, mpe ibho bhabhaki bhailangatana. bhilhe ebhe Akongo aibhabukeya, mpe aaibuka nabhu! ⁵¹ Ebe iyo aikonda paambeya abhu teyi ya bwato mpe bhihuwa bhisiya. ibho bhaikóô nabhu bheene bhasusu mokomeni mpe bhailuma na bhóô mpe bhailuma na bhokamwa; ⁵² Djokande ibho bhasondjeati te bhikamwisi bha magbutu angbanga bho mwema mabhu mobhaki makasi. ⁵³ Lhingongo bha bhoène bhoeka bhuwa ebhe enene, ibho bhaiyene teyi ya nga ngando ya genesaleti, mpe ibho bhaitomba. ⁵⁴ Poko épudji ibho a bwato, bhagedja, bhaimodjea bhibhe ebhe Akongo, ⁵⁵ Bhaibhungwana pkakapka susu, mpe bhaibha bhowa bha bhipeko bhiko bha bhowa bha bhipeko bhiko bha máako, siyo susu éyokaki ibho bho iyo abhaki. ⁵⁶ Na siyo djidi djitobhaki, iyo teyi ya mayando, teyi dja gbata nako teyi dja kambi, bhabhaisaki bhaa bhipeko bhiko dja siyo djaa ndjia, mpe bhamobondeleki bho abhapaedje nakóo bhapote songo ya esendja ya nde. Mpe bhasusu bhamopotoki bhaiheya.