¹ Bhatobhoha sena ya mogbo ma nhuwa ebhe enene, teyi ya mokili ma bholaza. ² Sikhó abho oye pundja akwatu, aiyone libhoso nhande moyi omoti ayipundja ahó akunda, aiedjana na na molimo mobhewu. ³ Moni ona anhakha obho teye ya kunda, mpe mongendja nakho omoti te wakokaka bho mangyanga, na mondiki. ⁴ nzokandi anhóo na ndiki, amakho mpe aye bhuka aikhese ndiki, mongendja maabho omoti te wanhá na ngunhu ya bhomwembe. ⁵ Anhakha pobho susu, bhúu na bhasáa, a atilengona teya kunda mpe nhubho nha mokhondi, bho pholowa, abhoma bhoma na matayi. ⁶ ayene Akongo na bhohanhi, aye bota ebhang, aekwa libhoso nhande, ⁷ Aye pholowa na nhoyi makasi inso mawe mokando nde, Akongo, Mongbongi wa Mongai wa nhibho nbondeli na nhina nha Mongai towendjeni te. ⁸ Nzokande Akongo aibhukainande pundja amomi, obho molimo molimo mobhehu ! ⁹ Mpe, aye mohedjo : nhina nhawe ndhá ? nhina nhambi mopinga, bho ekheso bhanene. ¹⁰ Aimobhondela tobhabengane a mokili mhubho te. ¹¹ Yanha sáa mokhonhi ngwawu bhanene bhakake. ¹² Bhadjabhulu bhayi mobondele, ayi bhuka elinda teye ya ngwa bhabhóa, bho eyengei tée yabho. ¹³ Aibhapaidja. mpe milimo mibhewu mi pundja, meyingia tei yangwa, bhayi bhilingana bhayi yingia teye ya nhuwa ebhe enene bhanhoka nakho khoto ndjibhale, bhoyegwa teye nhuwa ebhe enene. ¹⁴ Bhakengeli bhayi teye ebhango, mpe bhai pandja mosambho teyi gbata mpe teya nganddo. Bhagendja bhaikée bhokayene mokando mubho muubhomeni. ¹⁵ Bhaitobha phanhi na Akongo, bhayene obho wa bhadjolulu obho anhaki na mapinga ainha, aiwáa, mpe teye ya makia mape; mpe bhailuma na somo. ¹⁶ Bhabho bhayene mubhó manyó teyi na Mogbendja wa molimo mobhewu mpe na ngwowa. v 17 Sikha abho bhaya tungisa na kwayana na Akongo apundja angando habhu. ¹⁸ Dja akhando bhayo teye ya bwato obho wa elimo mbindo eyi mowedjo ndingisa anhika nande. ¹⁹ Akongo aimopayidja tite, kasi aiyibhuka nande, mpe bhuka susu djibho dji lhomeyi kumu, mpe ndengende eyokeyo iwa. ²⁰ Mpe ayekhée, mpe ayibhanda bhoskwa na Mangando na djibho dja mokhomé Akongo akpulionde basusu bhainha teyi ya bhokamwa. ²¹ Akongo teyi ya bwato ayi yeka sene ya nhuwa, mongindi monene moya nhinga panhi nande, anhaki amogbo ma nhuwa. ²² Apkulia omoti wa bhakondji ya kumu ya sinagoga, baimoyisa Jairus ayikée bhoka bhotitidja libhoso na mabho mande, ²³ Mpe iyo ayimonigindja ndenge bhasambela : mwana mwanhu wa bhutshebu atobhi asuka, moyisiya mabho, bho ahele anhika sa bhomoi. ²⁴ Akongo aye kée nande. bhagendja bhanene bhayi motuteya mpe bhanhoka bhasuku mana. ²⁵ Mwanhi omoti anhaka teyi yabhu anhaki na epekho ya makiya bheyanga zuma na bhibhale. ²⁶ Anyokwama makasi teyi ya mabho ma minganga ebhele, abhungidja susu djibho djanhoka iyo nadju, ayi nhisati ehelite. ²⁷ Ayoka mosambho ma Akongo, ainhowa angongo nhande ayipeya isendja yande. ²⁸ Mpe ayi bhukia : nikha peyakho esendja yande nihele. ²⁹ Akho na pokho ena bhobhudja nha mokia bhoitsheya, mpe ayiyoka teyi ya mokuku mande ayihela. ³⁰ Akongo ayidjeabho ngunhu yande epundji teyi yande; mpe, aya hambedja teyi ya bhangedja bhanene, ayi bhuka : nda opeyi esendja yambi ? ³¹ Bhayekoli bhaibhuka nande : bhagendja bhanene bhahahika nande mpe ayibhuka nda opeyini ? ³² Ayessombesa misi panhi nande, abhodjea nda akoyikho. ³³ Mwanhi hona aibanda bhobanga mpe bhohaka, ayidjia mubho munyoni nande, anha nhumbo amabho mande, mpe aye mobhukia bhosembo bhande bhasusu. ³⁴ Kasi Akongo aebhuka nande : moseka wambi, bhoyambi bhawe bhosengi; kée na bhobato, mpe aheledjame, na bhobhewu djawe. ³⁵ Okhé wabhukame, bhayi tutiya pamba ya kumu ya Sinagoga bhagendja bhabho bhokabuka : moseka wawe agbwi; akhulia ye ótungisa moteyi ? ³⁶ Kasi Akongo, ayi yaka, bhowa bhuka, abhuki na kumu ya Sinagoga : Tobhange te, nha na bhondimi. ³⁷ Apahidjiti Mogendja omoti adwana nande, kati obho Petolo, na djakobo, mpe na dja, manyango na djakobo. ³⁸ Aitobha hohóo ayeise ya kumu ya Sinagogo, ohó Akongo aiyene mogendi monene nha bhagenda bha iya bhayefo gbolowa nene. ³⁹ Ayingia, mpe aye bhabhukia : yomande ekhabo yino makelele, makasi mpe na bhoyia ? wana agwetite, ahei iyo. ⁴⁰ Bhai moseke. ayifa bhasusu tiambo, ayitomba songa mwana nanga mwana, bhabho bhaimotutiya, mpe bhayingia oho yai nhaka mwana. ⁴¹ Aye mopéyana na ebho, mpe ayi bhuka nande : TalithaKoumi ekhe dje bhobhuka bho moseka hema nhi bhukeyi. ⁴² Sekabho moseka ahena, ayilaanda bhosomba : phokho ena anhoka na bhianga djumi naa djibhale mpe bhailumu na bhokamwa bhonene. ⁴³ Akongo ayibhalembwe makasi te bhayetele na Mogendja omoti te : mpe alinda bho bhanea moseka nhiyá.