¹ Akongo anhayi bhinhibhe asokhwa amogbo ma nhuwa ebhe enene. mogidi monene bhaya nhiya nhiga phambi nande, ayikhonda ayenha teye yaa bwato, nhibo na nhuwa ebhe enene. Mogindi masusu bhayi nha a ndebha amwekho. ² Ayisakwa ndango nene na mapka, mpe ayebhukha nabhu teyi ya bhosakwa bhande : ³ okhayi, ayonenhi omoti abhundji akpulia bhowana. ⁴ Dja awonakhiyo ekhenge ya nhona nhidi nhukwa nandjia : nhunhu bhayene, mpe bhayi yoka. ⁵ Edina ekhenge ya nhona ekwa asia madjedje, ayebhudja ebhango bho ndebha; dja anahki nene ée pundja bhoga, bho ndebha bhonakhi bhodu; ⁶ Mpokho ephundji moyé, éyeyongwa mpe eyoma, bhobhewi bha djenhi. ⁷ Ekenge edima eyikwateyi ndjubha : ndjubha dji khondeya, mpe djiyowa, mpe djaneati mbuma te. ⁸ Ekhenge edhina emoti eyekwa andenha djipée : djineya mbhuma dji mpinga, djia bhota mbuma tuku djisanto, tubhu motobha, mpe ekhama emoti. ⁹ Mpe aye bhuka : Mogendja obho ayebhe na bhoyokeli ya bhoyoka oyoke. ¹⁰ bhokho enhakiyo, obho bhene bhabho bhaye monhinga bhana djomi na bhabhale bha moyedjó tina ya makpa. ¹¹ Aye bhukha nabho : ekhe nanu eneani mabhombhi ma bhokumu nha Mongai ; khasi angbanga bhabho bhoke tiambho bhansu bhanyo na makpa, ¹² Angbangabho makho bhanse mpe bhatadwa te, nakho bhawoka ibho bhahoki mpe bha tawandjea te, na bhóo bha hombedje, mpe masumu mabhu malimbisi. ¹³ Ayibhuka nabhu nakhina : ino otikhasondjea ni likpa nhibho te ? ndengende ino wa sondjeanimakpa mabho masusu ? ¹⁴ Ayoneháhi ohoni bhuka. ¹⁵ Bhadima bhake teyi ya ndjia, aseye ebhe eyonibho bhuka; mpekho eyobhi bho djabhulu anhoye ayi ifa bhuka ebhe ya honhana ibho na habhu. ¹⁶ Bhadina, bhaiphundja, bhadina bhaidjwa nhona teye ya kpaaka dja mabhangi; mpokho eyokhi bhukha, ibho bhaidjwa na esengo; ¹⁷ Kasi ibhobene, bhatike na ndjenite obho bhadjangi ndjenhi, mpe, ekhebhi bhohela to lisenginya angbanga ya bhuka, bhayitana ekhumu ya bhokwa. ¹⁸ Bhadina bhaidjwa nhoma aseya ndjumbha, ekhe bhabho bhahoki bhuka, ¹⁹ khase nande mayeni ma eyanga, na bhopengwa nha mosolo mpe naloma lidina, ekhahowa bhuka, mpe ekha uvidja motete. ²⁰ Bhadina bhadjwi nhonha teye ya ndebha; bhakhe bhabho bhayoki bhuka, bhayedjwa, mpe bhaiwa mbuma tuku zisanto, tuku motobha, mpe ekhama akpulia mobho. ²¹ Ayibhuka nabhu nalhina : waw motondande mawe akpulia bhomoyesa nase ya ebhokha, to nase ya bwako? etikhe bhoyina nhiko nho mesa ? ²² Zokhande etike na bhobhomba esengeli na bhowenene, nhi bhombi nhia wenene na bhusa. ²³ Obho akhe na bhiyokenhi bhabho hoha awoke. ²⁴ Ayebhuka nhabhu nakina : khebha na djikha akha ino. bhayengeni na bhogenge bhubho na bhubho bhwanu adjuwa, bhabhakiani bhi angbanga yanu. ²⁵ Djokande bhanea na obho okhe nayu; kasi obho atike nayu bha mokatowa ebhe ekhe nayu. ²⁶ Ayibhuka nakina : akhe wa bhokumu Mongai bwapinga dje nhoma nhibho nhiona ibho andebha. ²⁷ nakho asane nakha asuso bhu mpe bhusa, nhona nhika mpudja mpe ekha pinga atikha djea ndenge yana te. ²⁸ Ndebha djikho efa idjo honene, libhose djani, nakhina djuba, nakina mbuna djibhé teye ya djubha; ²⁹ Mpe phoko ekhomeli mbuma ayekée na ngwa, ákhiya bho ngonga ya bholuka mbuma ikhoki. ³⁰ Mpé ayebhukana nakhina: bhokumu bha Mongai, nha nhipha na bhoningidja? ³¹ Ekhe dje sanza nha dongo dongo, mpoko ya wona ibho andebha ya nyo mbuma susu djibho eyikhe andebha na bhosthenhu; ³² Bho bhokamadja bhohoma, epinge, ekhatobha djinene bhobia sanza zisusu, mpé djayifa bhitape bhinene bho mbhunhu ayo bhebhu nhande. ³³ Ikhe na makpa manene mayi bhuka, iyo na bhagendja ndenge ebhe ekhoki nhabhu bhamohoka. ³⁴ Kasi nande mene alimbolaka na bhayekoil bhande. ³⁵ Okho bhuse bhuwa na mokó, Akongo ayebhuka nabhu: eyekhé sena. ³⁶ Nhingongo nhabhoyanidja mongindi, ayekhe nabhu teyi ya bwato asio ebhe enhakiyo; inhaki na moto maakhina nande. ³⁷ Nhihuya linene nhidjawa mwanhunba teyi ya bwato nheyako bhoyi bhanda bholuma. ³⁸ Mpé iyo, ayekhe anhiondo ayise móo nhiko nhomonuku. Mpé bhayi, mosusidja mpé bhayibhuka nande, Kumu otika peya namu te mobhó ekha gwa inso? ³⁹ Ayi susuwa, ayibhuka na lihuya, mpé ayibhuka na nhuwa! nhakiana nha bhobhi, lihuya nhidakiaana nha bhobhi, lihuya nhidakiana bhobhi. ⁴⁰ Nakina ayi bhuka nabhu: akuyaye enhakino na bhowo? ndengende etike na bhoyambi? ⁴¹ Bhayoka somo enene mpé bhayibando bhobhuka na bhabho na bhaho: obho nda, obho nda mopepe moyi motosa mpé nhuwa ayi motosa?