¹ Akongo ayingia nakina a sinagoga. atana mongendja omoyi wa epho ya woma. ² bhá ambhaka Akongo, inakho amowedja mosala mayenga : bho bha motshongée. ³ Akongo abhuka na mogendja ya mabho mawoma : khée akhayema teyi. ⁴ Mpe abha djedja : endingisami bhusa bayenga, bhako bhobhewe na bhakho bhope, bhoyedja mongendja omoti tó bho mohowa, bhayinha bho bhi. ⁵ Mpe ayisombadja bhose bhande na likebhi, okho napokho ena ayoka iwa a mema mande, ayebhuka na mogendja ande ebho yawe. ayiyanda, ebho yande eyekela. ⁶ bha Fariseyo bhabhundja, mpe bhabhe bhokasangana sio moti na bhagendja bha hérodia bho bhanukane ndjia ya bho mohowa. ⁷ Akongo aya suwa phanhi na nhuwa bhayekoli bhande, bhagendja bhanene bhayi motutia a galileya; judea, ⁸ Yeruzalema, lidime, nhuwa ya Yurdani, phanhi tiro mpe na sido, na bhagendja bhanene Akpulia bhayoka ngando dja ayi koyiyo. ⁹ Aiyinda bayekoli bhande bhamobho ngendje bwatu bhande Akhiwa bhagendja bhanene bhanyangana bhate mobhunhake te. ¹⁰ Abho, hayedja bha gendja bhanene, bhabho bhasusu bhanhabi naa bhibheko bhawelaka bhatobhe phanhi nande bhapée insendja yande. ¹¹ Bhabho bhandhaki na bhipeko na bazabhulu mpekho ya mowene, ibho bhaya nhumba libhonso nhande, mpe bhaikholowa : akhe mogbongi wa Mongai. ¹² Aibha lendeya té na ngbunhu mpendja bho bhate modje. ¹³ Aibhonda amokhani aibheya bhabho bhapani yo bhanho pamba yande. ¹⁴ Aihóo bagendja zomi na bhabhole, bha nha bhagendja bhande, ¹⁵ Mpe abhalinda na ngundu ya bhobhenga na milimo mibhehu. ¹⁶ Sé bha gendjaa zomi na bhabhale : ibho bhabho simo, ayimonea lina Pierre; ¹⁷ Yokolo mogbongi ya zebedeo mpe dja, mananga yakobo, iyi bhaneya nlina nha Bwanenge, eningezi bho mogbongi wa mangbe. ¹⁸ Andele; Filipo; Bartelemia; Matiasi; thoma; Yacobo, mogbongi wa darheyo; tade Simoni na kananite; ¹⁹ Yuda iscariota obho akhaba Akongo. ²⁰ bhanganda angando bhangendja bhanene bhayi sangana nakhina, bhanhisa ti mgonga ya bhoaka te. ²¹ Bhabhoti bhande, bhaiyokhi ibho manyo, bhaibhe bhaka motomba na ngbenhu; bho bhaibhubha : ayipekhaa ligboma. ²² Bhateye bha mileko, bhaitita à Yeruzalema, bhabhuka : herzebhulu ayi mopeya mpe akhabhenganaku bhazabhulu nan nguya bhazabhulu. ²³ Akongo aye bhabheya, mpe ayibhukha nabhu nandenge ya masese ndengende satana akhobi bhobhengana satana ? ²⁴ Sakho bhokonzi bhomoti bhobha bhabhola nande mene bhokonzi bhande bhota nha ndeya te; ²⁵ mpe eyise emoti ekha khabwana nande mene, eyise ena etanha te. ²⁶ A satana akhatobha monguna wande mene, akabwoani mpe atnha te. ²⁷ Mogendja omoti te bhoyingia a eyise ya momi ya ngbunhu bhoyibha bhoma nhande, moto ya ngunhu bayi monyanga na mondili mpe abhuka eyise nhande. ²⁸ Nibhuki manu bhosembo, masumu masusu malimbisama na mwana wa moto, nakho bhaituka bho Mongai ; ²⁹ Obho ayitukha Elimo santu atalimbisama bhusa nakho omoti te : anhiba na lisumu libhela. ³⁰ Akongo abhuka : molimo mobhewu momo peye. ³¹ Nyango anhowa ma bhamanyango bhayema tiambho, bhayenda bha mobhe. ³² Mongindi monene mwayeka nande mpe bhayi modjedja : se ngwa na bamongwa bhayike tiambho mpe bhaye mohodjo. ³³ Mpe ayi uhidja ema wambi nda bhagiana djambi bhande ? ³⁴ Ayi nhumbha nhisa pambi yabhu bhabho bha moyikaki iyo ayibhuka, ima na bhangiana mbi. ³⁵ Moto nakhonda obho wakho mposa ya Mongai anabhoha hoo akhe mwana ima akhe ngia nambi na ima.